30 वर्षीय युवकाची विष प्राशन करून आत्महत्या

सह्याद्री चौफेर | वृत्तसंस्था 

मारेगाव : मारेगाव पोलीस स्टेशन हद्दीत येत असलेल्या वडगाव येथील शेतकरी पुत्राने शेतामध्ये जाऊन विषाचा घोट घेत आपली जीवन यात्रा संपवली. ही घटना मंगळवार, दि.29 ऑक्टोंबर रोजी सायंकाळी 6 वाजताच्या दरम्यान उघडकीस आली. या दुःखद घटनेने गावात हळहळ व्यक्त होत आहे. 

राहुल अंबादास ठावरी (वय 30) रा. वडगाव असे विष प्राशन केलेल्या युवकाचे नाव आहे. त्याला मारेगाव ग्रामीण रुग्णालयात दाखल करण्यात आले. डॉक्टरांनी त्याला मृत घोषित केले. गेल्या आठ ते दहा वर्षापासून राहुल स्पर्धा परीक्षेची वणीत तयारी करत होता. सोबत ग्राऊंड वर प्रॅक्टिस करायचा,काल स्वगृही आला आणि त्याने टोकाचे पाऊल उचलत गावा शेजारी असलेल्या शेतात विष प्राशन करून जगाचा निरोप घेतला. वृत्त लिहे पर्यंत कारवाई व्हायची होती. 

मागील काही दिवसापासून मारेगाव तालुक्यात आत्महत्येचे प्रमाण वाढले असून राहुल याच्या आत्महत्येचे मात्र,कारण अस्पष्ट असून मृतकाच्या पाठीमागे आई, वडील, एक भाऊ, असा परिवार आहे.

राष्ट्रवादी मधून उद्धवसेनेत घरवापसी

सह्याद्री चौफेर । वृत्तसंस्था 

मारेगाव : राष्ट्रवादी काँग्रेस अजित पवार गटाच्या पक्षामध्ये गेल्या अनेक दिवसांपासून राजकारण चालू असून या राजकारणाचे बळी कार्यकर्ते होत आहे. त्यामुळे आपल्या सोबतही राजकारण होऊ नये म्हणून व शेतकरी पुत्र नात्याने शेतकऱ्याची वाहतात बघता राष्ट्रवादीला सोडचिट्टी देत कोसरा येथील उपसरपंच सचिन पचारे यांनी विचार केला आणि शिवसेनेत (उबाठा) घरवापसी करत आज (ता. 29) ला खा. संजय देशमुख (यवतमाळ-वासीम) व राजेंद्र गायकवाड (यवतमाळ जिल्हा संपर्कप्रमुख) यांच्या उपस्थितीत अनेक कार्यकर्त्यांसह वणी येथे प्रवेश घेतला. यामध्ये अतुल पचारे, कडू पाटील, राजू येरेकर, सुमित पचारे, कुंडलिक पचारे, राजू पचारे, शंकर पचारे, दादा पचारे, दिलीप येडमे, महेश पाटील, व असंख्य कार्यकर्त्यासह उद्धव बाळासाहेब ठाकरे च्या शिवसेनेत प्रवेश घेतला आहे. 

मनसेचा प्रचार झंजावात: राजु उंबरकर यांना विधानसभेत पाठविण्यासाठी कार्यकर्ते लागले कामाला

सह्याद्री चौफेर | वृत्तसंस्था 

मारेगाव : होऊ घातलेल्या विधान सभेच्या निवडणूकीचे बिगूल वाजताच राजु उंबरकर यांच्या कार्यकर्त्याकडून जोरदार प्रचाराला सूरूवात झाल्याचे चित्र खेडोपाडी पहायला मिळत आहे. उंबरकर यांना विधानसभेत पाठविण्यासाठी अख्खे कार्यकर्ते कामाला लागल्याचे दिसून येत आहे. नुकतेच मनसेचे नेते राजु उंबरकर यांनी उमेदवारी दाखल केल्यानंतर वणी विधानसभा मतदार संघांत विरोधकांच्या तुलनेत आमदार म्हणून राजु उंबरकर फिक्स असे बोलल्या जात आहे.

  

वणी मतदार संघात राजु उंबरकर यांची अल्पावधीतच ओळख कार्यसम्राट कार्यकर्ता म्हणून आहे. 18 ते 20 वर्षांच्या कार्यकाळातील सामाजिक कार्याची ही ओळख त्यांना यश देणार असुन त्यांचा साधेपणा व ते मतदार संघात करत असलेले कार्य विरोधकांवर भारी पडणार असल्याने कितीही रान ऊठवले तरी, बाजी राजु उंबरकरच मारणार असे बोलल्या जात आहे. मतदार संघातील रहिवासी असल्याने त्यांना मतदार संघातील अनेक समस्या माहीत आहे. आपल्या कार्याच्या जोरावर त्यानी मतदार संघात स्वतःची वेगळी ओळख निर्माण केली आहे. लोकांसमोर जाणे त्याचे सोबत बसणे चर्चा करणे आणि जागच्या जागी प्रश्न सोडविणे असे त्याच्या कार्याची पद्धत आहे. जी लोकांना ही पटत आहे. त्या मुळेच राजु उंबरकर आमदार बनण्याशाठी कारणीभूत असून कार्यकर्तेही कामाला लागले आहे. उंबरकर यांनी मतदार संघातील बेरोजगार युवकांना रोजगार उपलब्ध व्हावा यासाठी रोजगार मेळावे घेतले. नागरिकाच्या होणाऱ्या हालअपेष्टा लोकं दरबारी लाऊन जागच्या जागीच सोडवितात म्हणून नागरीक देखील त्यांच्याकडे आशेने ने पहात असल्याचे दिसून येत आहे. 

वणी विधानसभा मतदार संघात मनसे चे उमेदवार राजु उंबरकर विजयी होणार यासाठी मनसैनिकांनी कंबर कसल्याचे कार्यकर्त्यातून बोलल्या जात आहे. वणी, मारेगाव, झरी, मुकुटबन, पाटण शहरासह ग्रामीण भागामध्ये कार्यकर्त्यांनी मतदारांच्या घराघरापर्यंत जाऊन त्यांच्या भेटीगाठी घेत पक्षाच्या व उमेदवारांच्या भूमिका विषद करण्यावर भर देत असल्याचे दिसून येत आहे.

बिगर सातबारा शेतकरी संघटना उतरली वणी विधानसभेच्या रिंगणात , ओबीसी नेते वाटगुरे यांनी केला नामांकन दाखल

सह्याद्री चौफेर | वृत्तसंस्था 

वणी : बिगर सातबारा शेतकरी संघटनेच्या वतीने वणी विधानसभे च्या निवडणुकी करीता ओबीसी नेते तथा बिगर सातबारा शेतकरी संघटनेचे यवतमाळ जिल्हा अध्यक्ष देवराव वाटगुरे यांनी नामांकन अर्ज दाखल केला असुन दलीत आदिवासी भूमिहीन बेघर ओबीसी गरीब मराठा तथा सातबारा नावावर नसलेल्या शेतकऱ्यांच्या आणि मूलभूत प्रश्न घेऊन प्रचार करणार असल्याची प्रतिक्रिया संघटनेचे प्रणेते भाई जगदिश कुमार इंगळे यांनी दिली.

यावेळी बिगर सातबारा शेतकरी संघटनेच्या महिला अध्यक्षा तथा शामादादा कोलाम ब्रिगेड च्या प्रदेश अध्यक्षा सौ इंदिरा बोंदरे मां जिजाऊ संघर्ष समितीचे संस्थापक तथा बिगर सातबारा शेतकरी संघटनेचे राष्ट्रीय कार्यअध्यक्ष डा सुखदेव कांबळे समशेर सिंग भोसले फासे पारधी समाजाचे संस्थापक अध्यक्ष तथा बिगर सातबारा शेतकरी संघटनेचे प्रदेश अध्यक्ष विलास पवार यांची उपस्थिती होती.

प्रचंड गर्दीच्या साक्षीने संजय देरकर यांची उमेदवारी अर्ज दाखल

सह्याद्री चौफेर | वृत्तसंस्था 

वणी : वणी विधानसभा मतदारसंघासाठी संजय देरकर यांनी महाविकास आघाडीचे अधिकृत उमेदवार म्हणून उबाठा मधून मंगळवारी (दि.२९) जोरदार शक्तीप्रदर्शन करत उमेदवारी अर्ज दाखल केला. यावेळी वणी, मारेगाव, झरी-जामणी तालुक्यातील हजारो कार्यकर्त्यांनी गर्दी केली होती.

यावेळी काँग्रेस चे नेते वामनराव कासावार, खा. संजय देशमुख (यवतमाळ वासीम), शिवसेनेचे जिल्हा सहसंपर्क प्रमुख राजेंद्र गायकवाड, राष्ट्रवादी शरद पवार गटाचे विजय नगराळे, संजय निखाडे, सुनील कातकडे, दीपक कोकास, काँग्रेस च्या अरुणाताई खंडाळकर, महिला जिल्हा संघटिका डीमनताई टोंगे, साधनाताई गौरकार, टिकाराम कोंगरे, घनश्याम पावडे, मारोती गौरकार,आशिष खुलसंगे, राजेश कासावार, सुधीर थेरे, अजिंक्य शेंडे, यांच्यासह महाविकास आघाडीचे बडे नेते, कार्यकर्ते, पदाधिकारी तसेच ग्रामीण भागातून आलेला जनाधार मोठ्या संख्येने उपस्थित होता.

संजय देरकर यांच्या उमेदवारीसाठी भारतीय राष्ट्रीय काँग्रेस, राष्ट्रवादी (शरदचंद्र पवार पक्ष), शिवसेना (उद्धव बाळासाहेब ठाकरे) पक्षाचे हजारो कार्यकतें स्थानिक जत्रा मैदान येथे उपस्थित होते. दरम्यान संजय देरकर यांनी रंगनाथ स्वामी मंदिर, भगत सिंग चौक, गांधी चौक, खाती चौक, छत्रपती शिवाजी महाराज, अशी रॅली जोरदार शक्तीप्रदर्शन व नागरिकांना अभिवादन करत शासकीय मैदान पाण्याची टाकी जवळ सभेत रूपांतर झाले. तत्पूर्वी शहरात अलोट गर्दी उसळली होती. जिकडे तिकडे महाविकास आघाडी चे झेंडे, दिसत असल्याचे चित्र पहायला मिळाली. 

यानंतर निवडणूक अधिका-यांकडे उमेदवारी अर्ज दाखल केला. यावेळी काढण्यात आलेल्या समर्थन रॅलीत मतदारसंघातील महाविकास आघाडीचे हजारो कार्यकर्ते सहभागी झाले होते. यावेळी एकच चर्चा ऐकायला मिळत होती ती म्हणजे काल पेक्षा आज तीनपट पब्लिक होती.