सह्याद्री चौफेर | ऑनलाईन
मारेगाव : आत्महत्येच्या मालिका सुरुच आहे. एका तरुण विवाहिताने गळफास लावून जीवनयात्रा संपविल्याची घटना आज गुरुवारला सकाळी नऊ वा. सुमारास उघडकीस आली.
मारोती अंबादास आत्राम (32) रा. वार्ड नं 2 (मारेगाव) असे आत्महत्या केलेल्या विवाहित युवकाचे नाव आहे. मृतक हा एका किराणा दुकानात कामाला होता, मारोती याने येथील रात्रीच्या वेळी गळफास घेऊन आत्महत्या केली असावी असा कयास असून आज सकाळी 9 च्या सुमारास मृतदेह निंबाच्या झाडाला लटकलेल्या अवस्थेत आढळून आला.
मारोतीने नेमकी कशामुळे आत्महत्या केली याचे कारण अस्पस्ट आहे. त्याच्या पश्चात पत्नी व दोन मुली आहेत. परिणामी, तालुक्यात वाढत्या आत्महत्येचा रेशो कायम असून या मालिकाने तालुका कमालीचा प्रभावित होत आहे. घटनेचा पुढील तपास बिट जमादार करीत आहे.