बहुचर्चित व्यापारी राधेश्यामकडून अल्पवयीन मुलीचा विनयभंग,रामपूरची घटना

सह्याद्री न्यूज | किरण घाटे 

चंद्रपूर : जिल्ह्याच्या राजूरा तहसील अंतर्गत येत असलेल्या रामपूर येथील एका व्यापा-यांने अल्पवयीन मुलीचा विनयभंग केल्याची घटना काल साेमवारी घडली.

या घटनेबाबत हाती आलेल्या माहिती नुसार असे कळते की, राधेश्याम नावाने बहुचर्चित असलेल्या व्यापा-याचे किराणा व स्टेशनरी दुकान रामपूर या गावी ब-याच दिवसांपासून आहे. या दुकाना च्या काही अंतरावर एक कॉलनी आहे. या कॉलनीतील एक बारा वर्षीय अल्पवयीन मुलगी रजिस्टर आणण्यासाठी गेली असता तिला त्या ६५ वर्षिय व्यापा-याने दुकानातच कवटाळले,हा प्रकार बघुन मुलगी भयभीत झाली लगेच घरी येवून तिने ही संपूर्ण घटना आईस सांगितली. लगेच आईने राजूरा पाेलिस स्टेशन गाठून बहुचर्चित व्यापारी विरुद्ध तक्रार दाखल केली.

पाेलिसांनी तात्काळ या आराेपी विरुद्ध कलम ३५४ ए (१) व पाेस्काे नुसार गुन्हा दाखल करुन त्यास अटक केली या बाबत पाेलिस अधिक चाैकशी करीत असल्याचे समजते. 

मूर्ती येथे सावित्रीच्या भुमिकेत शिरल्या सावित्रीच्या लेकी !

सह्याद्री न्यूज | मनिष मंगरूळकर

राजुरा : जि. प. उच्च प्राथ शाळा मूर्ती, पं. स. राजुरा येथे क्रांतिज्योती सावित्रीबाई फुले जयंती अर्थात 'बालिका दिन' विद्यार्थ्यांच्या उत्स्फूर्त भाषणाने उत्साहात साजरा करण्यात आला.

कार्यक्रमाच्या अध्यक्षस्थानी सौ. कल्पनाताई कोडापे, सदस्या, शा.व्य. समिती मूर्ती, तर प्रमुख पाहुणे म्हणून सौ. ममताताई लांडे, अंगणवाडी सेविका, मूर्ती या होत्या. कार्यक्रमाचे उत्कृष्ट सुत्रसंचालन कु. संजीवनी संतोष टेकाम हिने, तर आभार प्रदर्शन कु. संजीवनी ईश्वर पिपरे हिने मोठ्या आत्मविश्वासाने केले.

आजच्या कार्यक्रमाचे विशेष आकर्षण म्हणजे मूर्ती येथील जि. प. शाळेतील सावित्रीच्या लेकी सावित्रीबाईंच्या वेशभूषेत शाळेत आल्या आणि स्वयंप्रेरणेने स्वयंशासन दिन साजरा करून या आद्यशिक्षिकेला प्रत्यक्ष भुमिका साकारून मानाचा मुजरा केला, हे विशेष.

कोष्ठाळा येथे क्रांतीज्योती सावित्रीबाई फुले जयंतीनिमित्त अभिवादन

सह्याद्री न्यूज | कुमार अमोल 

           

पंचायत समिती राजुरा अंतर्गत जि प उ प्राथ शाळा कोष्ठाळा येथे पहिल्या महिला शिक्षिका, क्रांतीज्योती सावित्रीबाई फुले यांच्या जयंतीनिमित्त 'जिजाऊ ते सावित्री सन्मान महाराष्ट्राच्या लेकीचा 'या अभियानाअंतर्गत बालिका दिन म्हणून साजरा करण्यात आला. 

                       

कार्यक्रमाच्या अध्यक्ष स्थानी शाळेच्या मुख्याध्यापिका सौ कल्पना वारकरी मॅडम होत्या तर श्री जनार्दन मेश्राम, श्री. विजयकुमार लांजेवार विषय शिक्षक, श्री वृक्षप्रेमी भास्कर सर, सहाय्यक शिक्षक,व श्रीमती सुरेखा मेश्राम प्रमुख पाहुणे म्हणून उपस्थित होते.

             

सर्वप्रथम क्रांतीज्योती सावित्रीबाई फुले यांच्या प्रतिमेला पुष्पमाला व दीप प्रज्वलित करण्यात आले. याप्रसंगी सौ कल्पना वारकरी मॅडम यांनी आजच्या मुलींनी क्रांतीज्योती सावित्रीबाई फुले यांचा आदर्श डोळ्यासमोर ठेऊन उच्च शिक्षण घेऊन आपली प्रगती करावी असे सांगितल.

याप्रसंगी शाळेतील विद्यार्थीनी कु. सिमरन शेख, कु. नाजीया शेख, कु. अल्फिया शेख, कु. गौसिया शेख यांनी क्रांतीज्योती सावित्रीबाई फुले यांच्या जीवन कार्यावर माहिती दिली तर ज्ञानेश्वरी तुंबडे, पलक ठाकरे, वैष्णवी जाभोर, पल्लवी एकोणकार या विध्यार्थीनीनी गीते सादर केली.

          

या संपूर्ण कार्यक्रमाचे सुंदर संचालन व आभार प्रदर्शन शाळेतील उपक्रमशिल शिक्षक वृक्षप्रेमी भास्कर सर यांनी केले. असे शाळेचे प्रसिद्धीप्रमुख वृक्षप्रेमी भास्कर सर कळवितात.