सोनूपोडमध्ये गोमांस विकणाऱ्या दोघांना अटक

सह्याद्री चौफेर | ऑनलाईन 

मारेगाव : पोलिसांनी १५ किलो गोमांस जप्त केले. तसेच दोघांना ताब्यात घेतले. या गोमांसासह तीन हजार रूपयेचा मुद्देमाल जप्त केल्याची माहिती समोर आली आहे.

प्राप्त माहितीनुसार दि. २६ नोव्हेंबरला तालुक्यातील सोनुपोड येथे शेख सिलेमान व त्याचा मुलगा शेख रिजवान गोमांस विक्री करत असल्याची माहिती मारेगांव पोलीसांना खबऱ्यामार्फत मिळाली. याच पार्श्वभूमीवर मंगळवारी सकाळी साडेसात वाजता च्या सुमारास सोनुपोड येथे जावून पोलिसांनी छापा मारला.

गुरांची कत्तल करून गोमांस विक्री करत असलेले आढळले असता पंचनामा करून आरोपिंना ताब्यात घेत, १५ किलो बैलच्या मासासह ३५०० रुपयाचा मुद्देमाल जप्त केला, घटनेचा लेखी रिपोर्ट पोहेकॉ रजनिकांत पाटील यांनी नोंद करून कलम ५ (क) (ड) महाराष्ट्र प्राणी रक्षण सुधारणा कायदा १९९५ प्रमाणे कारवाई करण्यात आली.

लाडक्या बहिणींनी संविधान दिनी केले डॉ.बाबासाहेब आंबेडकर यांना अभिवादन

सह्याद्री चौफेर | वृत्तसंस्था 

वणी : शिवसेना उद्धव बाळासाहेब ठाकरे महिला आघाडी व सन्मान स्त्री शक्ती फाउंडेशन वणी च्या वतीने संविधान दिना साजरा करण्यात आला. 

आजच्या दिवशी भारतीय संविधानाचा जन्म झाला होता. डॉ. बाबासाहेब आंबेडकर यांच्या नेतृत्वाखाली संविधान सभेने २६ नोव्हेंबर १९४९ रोजी संविधानाचा अंतिम मसुदा स्वीकारला होता. संविधान हे भारतीय लोकशाहीचा आधारस्तंभ आहे. त्यामुळे आजच्या दिवशी संविधान दिन साजरा केला जातो. दिवशी भारतीय नागरिकांनी संविधानाच्या मूल्यांचे पालन करण्याचे वचन दिले पाहिजे.

संविधान दिनाच्या निमित्ताने सर्व नागरिकांना अभिवादन! आपण संविधानाच्या मूल्यांचे पालन करूया आणि भारतीय लोकशाहीला मजबूत करूया! असे विचार किरणताई देरकर संस्थापक अध्यक्षा सन्मान स्त्री शक्ती फाउंडेशन वणी व्यक्त केले.

 

यावेळी चंदाताई मुन माजी पंचायत समिती सदस्य, पुष्पाताई भोगेकर माजी पंचायत समिती सदस्य,वृषालीताई खानझोडे माजी उपासभापती वणी, मंदा सोनारखन, प्रगती घोटेकर' मिनाक्षी मोहीते, सुरेखाताई ढंगळे, मंजूताई इनामे, वेणुताई झोडे, लताताई फलफुलवार, माजी सरपंच शिरपूर सारिका थेरे, सिमा बालगुणे, महिला व पुरुष मंडळी उपस्थित होते.

डॉ.बाबासाहेब आंबेडकर वाचनालय पूर्ववत सुरु करण्याची मागणी

सह्याद्री चौफेर | वृत्तसंस्था 

वणी : नगरपालीका हद्दीत मध्यवस्तीत डॉ. बाबासाहेब आंबेडकर वाचनालय जे बंद अवस्थेत व दुर्लक्षीत आहे ते पूर्ववत सुरु करण्यात यावे व त्यासमोरील गेट समोरील अतिक्रमण काढून त्याला लोकोपयोगी करण्यात यावे अशा आशयचे निवेदन देण्यात आले.

नगर पालीका हद्दतील मध्यवस्तीत डॉ. बाबासाहेब आंबेडकर वाचनालय जे मागील ३ दशकापासून बंद अवस्थेत आहे व दुर्लक्षीत आहे. त्या नगरपालीकांच्या दुर्लक्षीत धोरणामुळे ही इमारत हेतू पुरस्पर आपला विभाग दुर्लक्ष करीत आहे. म्हणून आपणास या निवेदनाद्वारे कळविण्यात येतेय की, डॉ. बाबासाहेब आंबेडकर वाचनालय पूर्ववत सुरु करण्यात यावे व सोबत त्या परिसरात मुख्यद्वारा जवळ अतिक्रमण काढण्यात यावे. सोबत रंगरंगोटी व साफसफाई करण्यात यावी व कायमस्वरुपी त्या वाचनालयाला पूर्ववत लोकांसाठी खुले करण्यात यावे. येत्या आठ दिवसात या वाचनालयाची दुरुस्ती, रंगरंगोटी व कायमस्वरुपी सुरु करण्यात यावे अन्यथा ६ डिसेंबर २०२४ पासून डॉ. बाबासाहेब आंबेडकर चौक (पुतळ्याजवळ) आमरण उपोषण करण्यात येणार असल्याचे नगर पालीका प्रशासनानी निवेदनातून कळविण्यात आले आहे. 

या प्रकरणाकडे पालीका प्रशासनांनी दुर्लक्षीत केले व कुठलीही कायदा सुव्यवस्थेत अडथळा निर्माण झाला याकरीता पालीका प्रशासन जबाबदार राहील याची नोंद घ्यावी.निवेदन देते वेळी बबलुभाऊ मेश्राम, प्रविण खान‌झोडे, धीरज पाते, रवींद्र कांबळे, किशोर मुन, पी के टोंगे, महेश टिपले, गजानन आत्राम,  शेख मोहंमद अल कमल, अजय खोब्रागडे, सचिन टिपले, सुरज उपरे, दादाजी देठे सर्व सहकारी उपस्थित होते.

संविधान दिना निमित्त आ. संजय देरकर यांचेकडून चैत्यभूमीवर जावून डॉ. बाबासाहेब आंबेडकरांना अभिवादन

सह्याद्री चौफेर | वृत्तसंस्था 

वणी :- आज तारीख २६ नोव्हेंबर रोजी भारतीय संविधान दिन असल्याने वणी विधानसभेचे नवनिर्वाचित लोकप्रिय आमदार संजय देरकर यांनी चैत्यभूमी मुंबई येथे जावून भारतीय संविधानाचे शिल्पकार बोधिसत्व डॉ. बाबासाहेब आंबेडकर यांना अभिवादन केले. संविधानाच्या दिनाचे महत्त्व समजून वणीतील आमदारकीच्या इतिहासामधील चैत्यभूमीवर जाणारे संजय देरकर हे पहीले आमदार ठरले अशी चर्चा मतदार संघातील संविधानप्रेमी जनतेत सुरू झाली आहे. 

मागील २ दिवसापासून वणीचे लोकप्रिय आमदार संजय देरकर हे मुंबई येथे जावून आहे. त्यांनी मुबई येथे जाताच हिंदूहृदय सम्राट शिवसेना प्रमुख स्व. बाळासाहेब ठाकरे यांच्या स्मृती स्थळाला भेट देवून त्यांना अभिवादन केले. त्याच बरोबर मातोश्रीवर जावून उद्धव ठाकरे यांची भेट घेतली. 

मुंबई येथील २६/११ च्या आतंकवादी हल्यातील शहीद झालेल्या स्मृती स्थळाला देखील आ. देरकर यांनी भेट देवून सर्व शहिदांना मानवंदना अर्पण केली आहे. भारतीय संविधान दिनाचे औचित्य साधून चैत्यभूमीवर जावून भारतीय संविधानाला व डॉ. बाबासाहेब आंबेडकरांना अभिवादन करणारे आमदार संजय देरकर हे पहिले आमदार ठरले आहे.

तर स्व. बाळासाहेब ठाकरे यांच्या स्मृतीस अभिवादन केल्याने वणी विधानसभेतील संविधानप्रेमी व शिवप्रेमी जनतेमध्ये एक आनंदाचे वातावरण निर्माण झाले आहे. यावेळी त्याचसोबत जिल्हा संपर्क प्रमुख राजेंद्र गायकवाड, उपजिल्हाप्रमुख संजय निखाडे, दीपक कोकस, डॉ. विवेक गोफणे, सुधीर थेरे, शरद ठाकरे, आदी उपस्थित होते.

स्व. कुसुमताई तोडसाम यांचे द्वितीय पुण्यस्मरणनिमित्त विनम्र अभिवादन

सह्याद्री चौफेर | वृत्तसंस्था 

"प्रेमाने विणलेली नाती कधीच संपत नाहीत; ती आठवणींच्या धाग्यांनी सदैव जुळलेली राहतात."

कुसुमताईंच्या प्रेमळ स्वभावाचा गोडवा आणि त्यांच्या मायेच्या सावलीत घालवलेले क्षण आजही ताजेतवाने वाटतात. त्या जरी आपल्यात नसल्या तरी त्यांच्या विचारांची आणि मूल्यांची सावली नेहमीच आम्हाला सोबत करते.  

"प्रत्येक भेटीत त्यांनी दिलेली माया हीच त्यांची अजरामर भेट ठरते." त्यांची कर्तव्यपरायणता आणि जिद्द हे जीवन जगण्याचा खरा अर्थ शिकवून गेली आहे. त्यांच्या आठवणींनी आमच्या जीवनाला उभारी दिली आहे, आणि त्या कायम प्रेरणादायी राहतील.  

या स्मरणीय दिवशी, त्यांना भावपूर्ण श्रद्धांजली अर्पण करतो.  

शोकाकुल:

श्री. चंद्रशेखर तोडसाम  

चि. चेतन तोडसाम  

कु. पल्लवी तोडसाम  

समस्त तोडसाम आणि मित्रपरिवार