लाडकी बहीण योजनेच्या तालुकास्तरीय समितीच्या अशासकीयपदी विशाल किन्हेकर

सह्याद्री चौफेर | वृत्तसंस्था 

मारेगाव : सध्या महाराष्ट्र राज्यात सर्वांत जास्त चर्चेत असेल्या 'मुख्यमंत्री माझी लाडकी बहीण' ही योजना ही योजना तळागळातील महिला पर्यंत पोहोचण्यासाठी आणि यशस्वी करण्यासाठी शासनाने सर्वतोपरी प्रयत्न सुरू केले आहे. 

योजनेची यशस्वीरीत्या अंमलबजावणी व्हावी यासाठी महिला व बालकल्याण विभागाने शासन निर्णयानुसार यवतमाळ जिल्ह्यातील तालुका स्तरीय समिती मधील अध्यक्ष व दोन शासकीय सदस्याची निवड करण्यात आली. यामध्ये विशाल किन्हेकर यांचा समावेश आहे. 

महिलांच्या आर्थिक स्वातंत्र्यासाठी आणि त्यांच्या आरोग्य आणि पोषणात सुधारणा करण्यासाठी आणि कुटुंबातील त्यांची निर्णायक भूमिका मजबुत करण्यासाठी "मुख्यमंत्री माझी लाडकी बहीण" ही योजना सुरु करण्यात आलेली आहे.

संदर्भीय शासन निर्णयानुसार, सदर योजनेच्या तालुका स्तरावरील देखरेख व सनियंत्रणासाठी, तालुकास्तरीय समितीमध्ये श्री. विशाल किन्हेकर यांची मारेगाव तालुका अशासकिय सदस्य म्हणून निवड करण्यात आहे. त्यांच्या निवडीचे सर्व स्तरावरून अभिनंदनाचा वर्षाव होत आहे. 

राष्ट्रीय सैनिक संस्था वणी तालुका द्वारा वृक्षारोपण करून कारगिल शहीद वीरांना अभिवादन

सह्याद्री चौफेर | कुमार अमोल 

वणी : २६ जुलै २०२४ रोजी कारगिल विजय दिवसानिमित्त राष्ट्रीय सैनिक संस्थेच्या महाराष्ट्र राज्य सचिवालयाच्या वतीने राष्ट्रीय सैनिक संस्थेचे राष्ट्रीय अध्यक्ष मा. कर्नल तेजेंद्रपाल त्यागी (वीरचक्र) व महासचिव हरिश्चंद्र बद्रीनाथ राठोड यांच्या मार्गदर्शनात अमरावती विभागीय उपाध्यक्ष मुस्कान सैय्यद यांच्या नेतृत्त्वात वृक्षारोपण कार्यक्रमाचे आयोजन करून येथील माजी शासकीय शाळेत मोठ्याप्रमाणात वृक्षारोपण करून कारगिल युद्धात शहीद वीरांना अभिवादन करण्यात आले.

कारगिलचा विजय ही भारताच्या इतिहासात सुवर्णा अक्षरांनी लिहिलेली कामगिरी आहे. यासाठी अनेक जवानांनी बलिदान दिले असून त्या सर्व शूर सैनिकांना श्रद्धांजली अर्पण करण्यासाठी या कार्यक्रमाचे आयोजन करण्यात आले होते. कार्यक्रमासाठी माजी शासकीय शाळेचे मा. प्राचार्य मुजफ्फर खान सर व शाळेचे सर्व शिक्षक उपस्थित होते.

या कार्यक्रमास राष्ट्रीय सैनिक संस्था वाणी तालुकाध्यक्ष गणेश बुरंडे, साहिल लोखंडे, सुमित जुमनाके, ईशा जुनगरी, वैभव मडावी, श्रुती बोंडे, दुर्गा डाखरे, वितेश वंजारी आदी उपस्थित होते.

पट्टेदार वाघ मृतावस्थेत आढळला...

सह्याद्री चौफेर | वृत्तसंस्था 

मारेगाव : तालुक्यातील पश्चिमेस असलेल्या बोटोणी जंगल भागात पट्टेदार वाघ काल सोमवार ला सकाळी मृतावस्थेत आढळून आला आहे. या घटनेची विविधांगी चर्चा तालुकाभर ऐकिवात होती.

बोटोणी हा भाग घनदाट जंगलाने व्यापलेला आहे. या जंगल क्षेत्रात अधून मधून वाघाचा सह अन्य प्राण्यांचा वावर असतो. हा मृतक पट्टेदार वाघ “परिसरात ट्रॅप कॅमेरात तो कैद झाला. असं एका वृत्त वाहिनीत म्हटलं गेलं. या वाघाच्या मानेलगत जखम असल्याची माहिती वनविभाग सूत्रांकडून मिळाली वैगेरे वैगेरे...

मात्र, वाघाला जखम कशाने झाली, याबाबत अधिकृत माहिती मिळू शकली नसली तर वन्य प्राण्यात संघर्ष वैगेरे झाला का? असा सहजच प्रश्न उपस्थित होतोय. त्यामुळे वाघाची जखम वाढत जावून त्यात जंतू पडले असावेत व नाल्याच्या पाण्यातून निघणे अवघड झाले असावे. त्यातच त्याचा मृत्यू झाला असावा असा अंदाज व्यक्त केला जात आहे. हा वाघ मृतावस्थेत चिंचोणी मारोती मंदिरा जवळ (जुने रिठ) असलेल्या नाल्या शेजारी वन विभागाच्या चौकीदारास निदर्शनास आला असे समजते. 

घटनास्थळी दुर्गंधी पसरली होती. वनविभागाने तत्काळ पावले उचलत मृत वाघाचा पंचनामा केला आहे. दरम्यान या अगोदर अन्य प्राणी व वाघांमध्ये भीषण झुंज झाली असावी का? याच झुंजीत या वाघांचा मृत्यू झाला असावा! असा प्राथमिक अंदाज चर्चेतून लावण्यात येत आहे.मात्र, नेमकं खरे काय हे तपास अहवालातून समोर येइलच.

मारेगाव येथे गुणवंत विद्यार्थ्यांचा गौरव सोहळा

सह्याद्री चौफेर | वृत्तसंस्था 

 मारेगाव : सावित्रीबाई फुले गुण गौरव समिती मारेगावच्या वतीने माध्यमिक व उच्च माध्यमिक शालांत परिक्षेत वैशिष्ट्यपुर्ण गुण घेऊन उत्तीर्ण झालेल्या विद्यार्थ्यांचा सन्मान सोहळा आयोजित करण्यात आला आहे.

सन २०२३-२४ या सत्रात १० वीच्या परिक्षेत ८० टक्के व १२ वी च्या परीक्षेत ६५ टक्के गुण प्राप्त करणाऱ्या गुणवंत विद्यार्थ्यांचा जाहीर सत्कार करण्यात येणार आहे. शेतकरी सुविधा केंद्र मारेगाव येथे आयोजित या कार्यक्रमाच्या अध्यक्षस्थानी अखिल भारतीय सरपंच संघटनेचे तालुका अध्यक्ष अविनाश लांबट राहणार असुन, उद्घाटन वर्धमान फाउंडेशन वणीचे अध्यक्ष तथा बुलढाणा अर्बन को.ऑ.बँक संचालक विजय चोरडीया करणार आहे. 

उपस्थित विद्यार्थ्यांना तहसीलदार उत्तम निलावाड, ठाणेदार शंकर पांचाळ,गटविकास अधिकारी भिमराव व्हनखंडे, वनपरिक्षेत्र अधिकारी शंकर हटकर,क्रुषी अधिकारी संदिप वाघमारे, तालुका वैद्यकीय अधिकारी अर्चना देठे, नगरपंचायत चे मुख्याधिकारी अरुण भगत, गटशिक्षणाधिकारी स्नेहदिप काटकर, महावितरण अभियंते शैलैंद्रकुमार पाटील,एकात्मीक महीला व बाल विकास प्रकल्प अधिकारी दिपक कळमकर, सेंट्रल बँक व्यवस्थापक आरीफ शेख, मार्गदर्शन करणार आहे. विशेष अतिथी म्हणुन सेवानिवृत्त दुग्ध विकास विभाग कार्यालय अधिक्षक श्रीराम कुमरे तर स्वागताध्यक्ष म्हणून अ.भा.सं प. सचिव सुरेश लांडे तसेच प्रमुख पाहुणे म्हणुन सरपंच तुळशिराम कुमरे,बांधकाम सभापती अंजुम शेख उपस्थीत राहणार आहे. 

३१ जुलै बुधवार ला, आयोजीत या सन्मान सोहळ्यात वर्ष भरात उत्तम सेवा करणाऱ्या लोकसेवक,व पदाधिकारी यांचा सुध्दा सन्मान चिन्ह देऊन सत्कार करण्यात येणार आहे. यामध्ये ग्रामसेवक, तलाठी,पोलीस पाटील, पत्रकार, अंगणवाडी सेविका, समाज सेवक, यासह अनेकांचा समावेश असणार आहे. विद्यार्थी, पालक, तथा उपस्थीतासाठी भोजन व्यवस्था करण्यात आली आहे. आयोजीत कार्यक्रमात सर्वानी सहभागी व्हावे, असे आवाहन आयोजक प्रतिभा तातेड यांनी केले आहे.

विजय चोरडिया यांनी खोब्रागडे कुटुंबीयांचे भेट घेऊन केले सांत्वन

सह्याद्री चौफेर | वृत्तसंस्था 

 वणी : इमारतीला रंगकाम करताना बंडू तुकाराम खोब्रागडे (50) रा. रंगारी पुरा, वणी यांचा तिसऱ्या मजल्यावरून खाली पडून दुर्दैवी मृत्यू झाला होता. ते मजुरीने रंगकाम काम करून आपला व परिवाराचा उदरनिर्वाह करीत होते. ते आपल्या कुटुंबाचे आधारवड होते. मात्र, अचानक बंडू यांचे अकस्मात निधन झाल्याने खोब्रागडे कुटुंबीयांवर दुःखाचा डोंगर कोसळला या घटनेची माहिती सामाजिक कार्यकर्ते तथा भाजपाचे महाराष्ट्र प्रदेश कार्यकारिणी सदस्य विजय चोरडिया यांना त्यांच्या मित्र परिवारांनी दिली,

लगेच चोरडिया यांनी आज सोमवार 29 जुलै ला दुपारी एक वाजण्याच्या सुमारास खोब्रागडे कुटुंबीयांच्या घरी भेट देऊन कुटुंबीयांचे सांत्वन केले. व त्यांना आर्थिक मदत म्हणून 31 हजार रुपये रोख रक्कम परिवारास भेट दिली. तसेच त्यांनी यापुढे कोणतीही मदत लागल्यास मदत करणार असल्याचे खोब्रागडे कुटुंबीयांना सांगितले. यावेळी खोब्रागडे कुटुंबीयांचे अश्रू अनावर झाले होते, यावेळी राजू धावंजेवार प्रदेशाध्यक्ष मानवी हक्क सुरक्षा परिषद, विशाल दुधबडे संयोजक विश्व हिंदू परिषद, सामाजिक कार्यकर्ते उमेश पोद्दार, अशोक सिंग, संदीप बेसरकर बाळासाहेब खैरे हे प्रामुख्याने उपस्थित होते.