कुमार अमोल | सह्याद्री चौफेर
मुंबई : स्पर्धा परीक्षेची तयारी करणाऱ्या विद्यार्थ्यांसाठी महत्वाची बातमी आहे , महाराष्ट्र लोकसेवा आयोगामार्फत शासन सेवेतील विविध संवर्गांसाठी घेण्यात येणाऱ्या भरतीप्रक्रियेमध्ये आता विविध बदल करण्यात आले आहेत.
पहा कसे आहेत बदल :
या बदलांमध्ये आता राजपत्रित गट अ आणि गट ब सर्व पदांसाठी एकच पूर्व परीक्षा होईल. राजपत्रित गट अ आणि गट ब पदांसाठी पारंपरिक किंवा वर्णनात्मक मुख्य परीक्षा असेल.
अराजपत्रित गट ब आणि गट क पदांसाठी एकच पूर्व परीक्षा आणि त्यासाठी मराठी इंग्रजी सामान्य अध्ययन आणि बुद्धिमत्ता चाचणी वर आधारित गट ब आणि क साठी वेगवेगळ्या मुख्य परीक्षा होतील. पोलीस उपनिरीक्षक पदासाठी शारीरिक चाचणीत qualifying साठी 70 मार्क असतील.
याव्यतिरिक्त महाराष्ट्र लोकसेवा आयोगाने केलेले हे बदल 2023 पासूनच्या परिक्षांपासून लागू होणार आहे. त्यामुळे आता फक्त 2 पूर्व परीक्षा होतील. सर्व मुख्य परीक्षा स्वतंत्र होतील.
एक राज्य एक परीक्षा 1 राजपत्रित गट अ आणि ब ( सर्व मुख्य परीक्षा - लेखी ), 2 अराजपत्रित गट ब आणि क (सर्व मुख्य परीक्षा - MCQ).अगोदर 4 पूर्व परीक्षा होत आता 2 पूर्व परीक्षा होतील. भविष्यात खुप पदे आयोगाच्या कार्यकक्षेत येणार आहेत त्यामुळे आयोगाने हे पाऊल टाकले आहे.
दरम्यान मुख्य परिक्षेसाठी पात्र ठरलेल्या उमेदवारांना भरती प्रक्रियेतून बाहेर पडण्याचा देखील पर्याय असेल. त्यानंतर संबंधित संवर्गासाठी निवडप्रक्रिया राबवण्यात येईल. 2023 पासून MPSC मुख्य परीक्षेसाठी वर्णनात्मक पद्धतीचा अवलंब करण्यात येणार आहे.
