चेतन पवार | सह्याद्री चौफेर
दारव्हा : तालुक्यातील चाणी, पाथ्रड देवी येथील विद्यार्थ्यांनी कराटे स्पर्धेत राज्यस्तरावर उत्तम कामगिरी पार पाडली आहे. या कामगिरीची दखल घेत खेळाडू आणि प्रशिक्षकांना छत्रपती संभाजी महाराज राष्ट्रीय पुरस्काराने नवी मुंबईत सन्मानित करण्यात आले.
नवी मुंबईत छत्रपती संभाजी महाराज राष्ट्रीय पुरस्कार वितरणाचा कार्यक्रम नुकताच पार पडला. यामध्ये चाणी येथील प्रशिक्षक रामराव राठोड यांना क्रीडारत्न पुरस्कार प्रदान करण्यात आला, तर प्रतीक्षा अमोलकर, प्रणय आडे, हर्ष चव्हाण, (यश आमझरे यांना राज्यस्तरीय व विभागीय स्पर्धेमध्ये सिल्वर मेडल मिळाले) संदीप पवार, प्रीतम बटे, संदीप पवार, आतिश नेमाडे, शैलेश गडमडे, समृद्धी राठोड, सेजल राठोड यांना छत्रपती संभाजी महाराज राष्ट्रीय पुरस्काराने सन्मानित करण्यात आले.
यावेळी नवी मुंबईचे एसईपी राज खतिब, ब्रिगेडर सावंत, आमदार नंदा म्हात्रे, आमदार संदीप नाईक, अभिनेते बलराज माने उपस्थित होते. गावातील विद्यार्थ्यांना मिळालेल्या सन्मानाबद्दल पंचायत समितीचे माजी सभापती पंढरीनाथ गुल्हाने, सरपंच गजबे, उपसरपंच गजानन गुल्हाने, माजी सरपंच, विठ्ठल उके, प्रशिक्षक देवराज शिंदे आणि पालकांनी कौतक केले आहे.