यवतमाळ : महाराष्ट्र शासनाचा कौशल्य, रोजगार, उद्योजकता व नाविन्यता विभाग, जिल्हा व्यवसाय शिक्षण व प्रशिक्षण कार्यालय (यवतमाळ) आणि मूलभूत प्रशिक्षण तथा अनुषंगिक सूचना केंद्र (BTRI, यवतमाळ) यांच्या संयुक्त विद्यमाने 'पंडीत दीनदयाळ उपाध्याय रोजगार महाकुंभ २०२६' चे भव्य आयोजन करण्यात आले आहे. यवतमाळ जिल्ह्यातील सर्व औद्योगिक प्रशिक्षण संस्थांमध्ये (ITI) हा रोजगार व अप्रेंटिसशिप मेळावा पार पडणार आहे.
कौशल्याला संधी आणि युवकांना रोजगाराच्या नवीन संधी उपलब्ध करून देत सक्षम महाराष्ट्र घडवणे हा या मेळाव्याचा मुख्य उद्देश आहे.
रोजगार मेळाव्याची मुख्य वैशिष्ट्ये:
आयोजनाची तारीख: २९ सप्टेंबर २०२६
वेळ: सकाळी १०.०० वाजता
स्थळ: नजीकची शासकीय औद्योगिक प्रशिक्षण संस्था (ITI)
पूर्व प्रशिक्षण वर्ग: मेळाव्याच्या पूर्वतयारीसाठी २१ ते २४ सप्टेंबर २०२६ दरम्यान प्रत्येक ITI मध्ये पूर्व प्रशिक्षण सुरु होणार आहे.
पात्रता आणि वेतनाचे स्वरूप:
१. ITI पास उमेदवारांसाठी (सर्व ट्रेड):
स्टायपेंड (वेतन): अंदाजे ₹ २१,०००/- प्रति महिना.
२. Non-ITI शिक्षित उमेदवारांसाठी (१०वी / १२वी / पदवीधर):
वेतन: अंदाजे ₹ १६,०००/- पेक्षा जास्त प्रति महिना.
फ्रेशर्स तसेच अनुभवी उमेदवार या मेळाव्यात सहभागी होऊ शकतात.
सहभागी होणाऱ्या प्रमुख कंपन्या:
या महाकुंभामध्ये नामांकित बहुराष्ट्रीय व राष्ट्रीय कंपन्या सहभागी होणार आहेत. यामध्ये Mahindra (Pune/Nashik), BOSCH (Nashik), PIAGGIO (Baramati/Pune), THERMAX (Pune), JABIL (Pune), Birla Precision, Devgiri Forgings, NRB Bearings, LG Balakrishnan, Varroc, Amphenol, PG Technoplast यांसह इतर अनेक नामांकित कंपन्यांचा समावेश आहे.
आवश्यक कागदपत्रे:
मेळाव्यास उपस्थित राहताना उमेदवारांनी खालील कागदपत्रे सोबत आणावीत:
शैक्षणिक प्रमाणपत्रे (१०वी / १२वी / ITI / पदवी)
आधार कार्ड
अद्ययावत बायोडाटा (Resume)
पासपोर्ट साईस फोटो
इतर आवश्यक मूळ व छायांकित कागदपत्रे
अधिक माहिती व संपर्कासाठी:
अधिक माहितीसाठी किंवा नावनोंदणीसंदर्भात तुमच्या नजीकच्या शासकीय ITI शी संपर्क साधावा. तसेच WhatsApp द्वारे माहिती मिळवण्यासाठी 9579433092 या क्रमांकावर संदेश पाठवावा, असे आवाहन श्री. महेशकुमार सिडाम (जिल्हा व्यवसाय शिक्षण व प्रशिक्षण अधिकारी, यवतमाळ) व श्री. राकेशकुमार कोडापे (सहाय्यक प्रशिक्षणार्थी सल्लागार, BTRI, यवतमाळ) यांनी केले आहे.