पेट्रोल व डीझल दरवाढीविरोधात काँग्रेस आक्रमक

योगेश मडावी | सह्याद्री चौफेर 

झरी : सध्या देशातील वाढते इंधन दर यामुळे सर्वसामान्य नागरिक त्रस्त झाला आहे. पेट्रोल-डिझेलच्या किंमती गगनाला भिडत असून, पेट्रोलचे दर आता सर्वसामान्यांना न परवडणारे आहे. शिवाय घरगुती गॅसचे दर वाढत असल्याने केंद्रातील मोदी सरकार विरोधात विरोधी पक्ष आक्रमक होताना दिसत आहे.

तालुका कॉंग्रेस कमेटी तर्फे मुकुटबन येथे सोमवारी आशिष कुलसंगे यांच्या नेतृत्वात कांग्रेस पक्षातर्फ केंद्र सरकारच्या महागाई विरोधात निषेध मोर्चा काढण्यात आला. या मोर्चाला तालुका कांग्रेस कमेटीचे अध्यक्ष आशीष खुलसंगे, रामन्नाजी येल्टीवार, भुमरेडी बाजनलावार, प्रकाशभाऊ कासावार, राजीव कासावार, राजीव येल्टीवार ओमभाऊ ठाकुर, बंन्टी भाऊ ठाकुर , डॉ. माशीरकर, निलेश येल्टीवार, संदीप बुर्रेवार, सुरेन्द्र गेडाम, चेतन मॅकलवार, हरीदास गुर्जलवार, राहुल धांडेकर, बंडु उइके , सोमनाथ पानघाटे, शंकर डोये, किशोर मेश्राम, कैलास डोये, विजय धानोरकर, उमेश पोतराजे, नामदेव पानघाटे, हरीष तिरणकर, रमेश किलचरवार, अमोल दिडशे, डॉ. चवरडोल, विलास रासमवार, नरसिंह मुत्तेलवार, विठ्ठल बद्दमवार , विलास चिट्टलवार, विजय गोडे, विशु पुद्दरवार , किशोर भेदोडकर, मनोज आकीनवार, किसन करनेवार, राजु करमनकर, परमेश्वर सोनारखण, अनिल सोनारखण, अशोक सोनारखण, गंगाधर आत्राम, राकेश गालेवार, प्रतिक गडरतवार, शंकर आकुलवार, भुमरेड्डी ऐनपोतुरवार, सचिन टाले, सुनिल ढाले सहभागी होते.

संचालन सुरेन्द्र गेडाम यानी केले तर आभार प्रदर्शन केशव नाकले यानी मानले.

महाराष्ट्र ट्राईबल आघाडीची कार्यकर्ता बैठक

सह्याद्री चौफेर | न्यूज 

वणी : महाराष्ट्र ट्राईबल आघाडीच्या वतीने कार्यकर्ता बैठकीचे आयोजन करण्यात आले. आदिवासी समाजाच्या सामाजिक, राजकिय, आर्थिक व शैक्षणिक इत्यादी विषयांवर सखोल चर्चा करण्यात येणार असल्याचे महाराष्ट्र ट्राईबल आघाडीच्या वतीने सांगण्यात येत आहे.

संपूर्ण महाराष्ट्रामध्ये आदिवासी राजकिय अस्तित्वाबद्दल आपली रणनिती आखणार आहे. वणी तालुका, वणी शहर, मारेगाव तालुका, झरी तालुका आणि सर्व जिल्ह्यातील कार्यकर्ते व पदाअधिकाऱ्यांनी ह्या सभेला उपस्थित राहावे असे आवाहन करण्यात आले. 

रविवार दिनांक १० एप्रिल २०२२ रोजी 

दुपारी २ ते ५ वाजेपर्यंत शेतकरी मंदिर सभागृह, वणी जिल्हा यवतमाळ येथे सर्व आदिवासी बांंधवांनी उपस्थित राहून आपले परिवर्तनवादी विचार बैठकीमध्ये व्यक्त करून महाराष्ट्र ट्राईबल आघाडीला सहकार्य करावे असे  संघटनेचे राज्य उपाध्यक्ष अॅड.संतोष भादिकर, यांनी आवाहन केले आहे.

अधिक्षक बबन सोयाम व लिपिक अविनाश पाटील लाचलुचपत विभागाच्या जाळ्यात

सह्याद्री चौफेर | न्यूज 

मारेगाव : येथील बहुचर्चित उपअधीक्षक भूमी अभिलेख कार्यालयाचे अधीक्षक व लिपिक यांना शेतमोजणीचे १५ हजार रुपयांची लाच घेतांना अमरावती येथील लाच लूचपत विभागाने आज मंगळवारला रंगेहात पकडून अटक केली. या घटनेने प्रशासनात पुरती खळबळ उडाली आहे.

     

मारेगाव तालुक्यातील एका शेतकऱ्यांकडून शेत मोजणी करण्यासाठी २५ हजार रुपयांची मागणी करण्यात आली. तडजोडी अंती १५ हजार रुपयांत अंतिम रूप देण्यात आले. यात आज दिनांक ५ एप्रिल रोजी ५ हजार रुपयांची लाच घेतांना अधिक्षक बबन सोयाम व लिपिक अविनाश पाटील यांना रंगेहात पकडून अटक करण्यात आली.

    

सदर कारवाई अमरावती लाच लूचपत विभागाचे पोलीस अधीक्षक विशाल गायकवाड, अप्पर पोलिस अधीक्षक अरुण सावंत, देविदास घेवारे, संजय महाजन यांचे मार्गदर्शनात पो.नि.संतोष इंगळे, युवराज राठोड, निलेश महिंगे, सतीश किटूकले यांनी पार पाडली.

    

दरम्यान, आर्थिक देवाण घेवाण करण्यात विशिष्ठ बहूचर्चेत असलेल्या या कारवाईने सर्वत्र लाभार्थ्यांत समाधान व्यक्त केल्या जात आहे.

-

जिल्ह्यात उन्हाचा पारा, तापमान ४२.५ अंशावर

सह्याद्री चौफेर | न्यूज

यवतमाळ : जिल्ह्यात उन्हाचा पारा कायम आहे. काल ४२.५ अंशावर तापमान पोहचले. सकाळी ७ वाजल्यापासून उन्हाचे चटके बसत आहे. वाढत्या उन्हाने शेतशिवारातील कामावरही परिणाम झाला आहे.

डोक्यावर सूर्य येईपर्यंत शेतात काम करणारे शेतकरी, शेतमजूर आता ९ वाजताच घराकडे वापस येत आहे.

उन्हामुळे जनजीवन प्रभावित केले आहे. बांधकामावर असलेल्या मजुरांनाही आता आपल्या कामाच्या वेळा बदलाव्या लागत आहे. इतर क्षेत्रात श्रमाचे काम करणारी मंडळी ऊन्हाचे नियोजन करून आपली रोजीरोटी कशी सुरु ठेवता येईल, याचा प्रयत्न करतांना दिसत आहे. दुसरीकडे उष्माघात झाल्याचे रुग्ण आढळत आहेत. घराच्या बाहेर पडताना खबरदारी घेणे गरजेचे झाले आहे.

आईच्या नावाच्या आधारावर जात प्रमाणपत्र व जात पडताळणी प्रमाणपत्र शासनाने देण्याची तरतूद करावी -भारतीय नारी रक्षा संघटनेची मागणी

कुमार अमोल | सह्याद्री चौफेर 

यवतमाळ : जी जात नाही ती जात, असं जातीबद्दल बोललं जातं. अपत्याला जन्मजात वडिलांची जात मिळते मात्र यवतमाळमध्ये एका मुलीला तिच्या आईची जात लावण्याचा ऐतिहासिक निर्णय घेण्यात आला आहे.

घटस्फोटित महिलेच्या अपत्याला मागास प्रवर्गाचं जात प्रमाणपत्र देण्यात आलं आहे. संबंधीत मुलीच्या आईने दिलेली कागदपत्रे तिच्या वडिलांची नसून तिच्या आईची आहेत या कारणावरून उपविभागीय अधिकारी यवतमाळ यांनी जात प्रमाणपत्र देण्याची याचिकाकत्याने केलेली विनंती मान्य करण्यात आली नव्हती यामुळे घटस्फोटीत महिलेने न्यायालयात धाव घेतली होती. त्यामुळे याचिकाकर्त्याने तिच्या आईच्या कागदपत्रांच्या आधारे याचिकाकर्त्याला जातीचे प्रमाणपत्र देण्याचे निर्देश प्राधिकरणाला द्यावेत अशी विनंती करत या न्यायालयात धाव घेतली आहे. अनुसूचित जमाती जात प्रमाणपत्र छाननी समिती, अमरावती आणि आणखी एक मध्ये तशाच प्रकारचा मुद्दा विचारात घेतल्याचे दिसून आले आहे. ज्यामध्ये असे म्हटले आहे की आईच्या कागदपत्रांच्या आधारे जात प्रमाणपत्र जारी करण्याची परवानगी असेल. जिल्हा जाती प्रमाणपत्र पडताळणी समितीने हा निर्णय नुकताच घेतला आहे.

आईच्या नावाच्या आधारे त्यांच्या अपत्यांना जात प्रमाणपत्र व जात पडताळणी प्रमाणपत्र द्या !

पतीपासून विभक्त व घटस्फोटीत महिलांना अपत्याच्या जात प्रमाणपत्रासाठी अडचणीचा सामना करावा लागतो.

जातीचे प्रमाणपत्र आईच्या नावाने मिळण्यासाठी न्यायालयात धाव घ्यावी लागते. यामुळे महिलांना आर्थिक अडचणींचा सामना करावा लागत असून या निर्णयाच्या आधारे महाराष्ट्र शासनाने व सामाजीक न्याय विभागाने परिपत्रक काढून आईच्या नावाच्या आधारे त्यांच्या अपत्यांना जात प्रमाणपत्र व जात पडताळणी प्रमाणपत्र देण्याची तरतुद करावी. 

यामुळे कुमारी माता, घटस्फोटित परित्याक्त्या, लिव्ह इन-रिलेशनशिपनंतर विभक्त झालेल्या आणि प्रेम प्रकरणातून झालेल्या अपत्यांना मोठा दिलासा मिळेल.

-सुकांत प्रकाश वंजारी 

सचिव भारतीय नारी रक्षा संघटना