महाराष्ट्र राज्य कर्मचारी जाणार दाेन दिवशीय लाक्षणिक संपावर !

सह्याद्री न्यूज | किरण घाटे 

चंद्रपूर : येत्या 23 व 24 फेब्रुवारीला महाराष्ट्र राज्य कर्मचारी दोन दिवसांचा लाक्षणिक संप करणार असुन या संपाची नोटीस चंद्रपूरचे निवासी उपजिल्हाधिकारी यांच्या मार्फतीने महाराष्ट्राचे मुख्यमंत्री उध्दवजी ठाकरे यांना आज मंगळवार दि. १ फेब्रुवारीला पाठवली असल्याची माहिती चंद्रपूर जिल्हा राज्य कर्मचारी संघटनेच्या वतीने देण्यांत आली.

संपाची नाेटीस देतांना चंद्रपूर जिल्हा राज्य कर्मचारी मध्यवर्ती संघटनाचे अध्यक्ष दिपक जेऊरकर, कार्याध्यक्ष राजू धांडे, उपाध्यक्ष अविनाश बोरगमवार,सह सरचिटणीस ब अतुल भिसे, या शिवाय शैलेश धात्रक, संघटक नितीन पाटील, प्रसिद्ध प्रमुख अनंत गहुकर व सांस्कृतिक सरचिटणीस महेश पानसे उपस्थित होते.

खैरगांव मार्गांवर पट्टेदार वाघाचे दर्शन

सह्याद्री न्यूज नेटवर्क |

मारेगाव : तालुक्यातील बोटोणी वरून डावीकडे सराटी खैरगाव मार्गांवर पट्टेदार वाघ उभा ठाकून बसला होता.

दरम्यान, ६ वाजता स्वरांगण संगीत विद्यालय मारेगाव चे संचालक रवि घुमे, प्रोफेसर नितीन कुमार कुंभार,पुणे, सह्याद्री न्यूज चे संपादक कुमार अमोल व उमेश हेअर सलून मच्छिन्द्रा चे संचालक उमेश क्षीरसागर हे "तानाबाना" नीड कोलाम संस्थेला सदिच्छा भेट देण्याकरिता गेले असता वाटेत पट्टेदार वाघाचे दर्शन झाले.

यावेळी एक दुचाकी वाटसरू या मार्गाने आले असता त्यांना वाघ असल्याचे सांगून त्यांना दोन मिनिट थांबवून त्यांना लगेच वाटेत काढून त्यांना पुढे जाण्यास सांगितले. तेव्हा वाघाने आमच्या कारच्या दिशेने वाघाने झेप घेण्याच्या प्रयत्न केला असता, आम्ही सर्वांनी कार चा वेग वाढून पुढे मार्गस्थ झाले. मात्र या मार्गाने जाणाऱ्यांनी सावधगिरी बाळगने अत्यंत गरजेचे आहे असे मत सर्वांनी व्यक्त केले.

अज्ञात वाहनाच्या धडकेत शेतकरी तरुण जागीच ठार

सह्याद्री न्यूज | कुमार अमोल 

मारेगाव : काल सायंकाळी ७:३० वाजताच्या दरम्यान, म्हैसदोडका येथील एका तरुणाला अज्ञात वाहनाने जोरदार धडक दिल्याने त्याचा जागीच मृत्यू झाला आहे. त्याच्या अपघाताची वार्ता परिसरात पसरताच हळहळ व्यक्त होत आहे.

विकास बबन डाहुले असे रा म्हैसदोडका असे अज्ञात वाहनाच्या धडकेत ठार झालेल्या तरुणाचे नाव आहे. विकास गावाकडे परत जात असतांना अज्ञात वाहनाने त्याला धडक दिली त्यात त्याचा जागीच मृत्यू झाला. धडक इतकी भयानक होती की, विकास चा अपघातात संपूर्ण चेंदामेंदा झाला असल्याचे वृत्त आहे.

मृत्यूदेह शवविच्छेदनासाठी मारेगाव ग्रामीण रुग्णालयात पाठवण्यात आला. शेतकरी विकास यांच्या पश्चात आई वडील, पत्नी, चार विवाहित बहिणी, व एक मुलगी असा आप्त परिवार आहे.

सदर घटनेचा अधिक तपास मारेगाव पोलीस करित आहे.

शहरातील चार मटका अड्डे व दोन अवैध तंबाखू व्यवसायिकांवरील धाडीत तब्बल ४४ आरोपींवर गुन्हा दाखल, दोन आरोपी फरार

सह्याद्री न्यूज | प्रशांत चंदनखेडे 

वणी : अमरावती विभागाचे पोलिस उपमहानिरीक्षक यांच्या विशेष पोलिस पथकाने वणी शहरात छुप्या पद्धतीने सुरु असलेल्या अवैध धंद्यांवर धाडी टाकून शहरात एकच खळबळ उडवून दिली. एकाच वेळी शहरातील चार मटका अड्ड्यांवर धाडी टाकण्यात आल्या. तसेच प्रतिबंधित सुगंधित तंबाखू व सुगंधित गुटख्याची अवैध विक्री करणाऱ्या व्यापाऱ्यांच्या घर, गोदाम व दुकानांवरही या विशेष पोलिस पथकाने धाडी टाकल्या. सुगंधित तंबाखाची अवैध विक्री करणाऱ्या दोन व्यापाऱ्यांसह तिघांवर कार्यवाही करण्यात आली. अवैध धंद्यांवरिल धडक कार्यवाहीत विशेष पोलिस पथकाने चार मटका आड्ड्यांवरून ४ लाख ५७ हजार १७० रुपयांचा मुद्देमाल जप्त केला. तर ४१ आरोपींना अटक केली आहे. दोन आरोपी फरार आहेत. तसेच दोन अवैध तंबाखू व्यवसायीकांवर टाकलेल्या धाडीत पोलिसांनी ४ लाख ६३ हजार ७३० रुपयांचा मुद्देमाल जप्त केला आहे. पोलिसांनी सर्वच आरोपींवर विविध कलमान्वये गुन्हे दाखल केले आहे. 

अमरावती विभागाचे पोलिस उपमहानिरीक्षक चंद्रशेखर मिना यांच्या विशेष पोलिस पथकाने २९ जानेवारीला दुपारी ३.३० वाजताच्या सुमारास वणी येथील चार अवैध मटका अड्ड्यांवर एकाच वेळी धाडी टाकल्या. अमरावती परिक्षेत्रातील परिविक्षाधिन पोलिस अधिक्षक गोवर हसन यांच्या नेतृत्वात चार पोलिस पथके तयार करून शहरातील चार मटका अड्यांवर एकाच वेळी या धाडी टाकण्यात आल्या. परिविक्षाधिन आयपीएस गोवर हसन यांच्या नेतृत्वातील विशेष पोलिस पथकात पोलिस अधिकारी व कर्मचाऱ्यांचा मोठा फौजफाटा होता. अमरावती पोलिस उप महानिरीक्षक विभागाची वणीच्या इतिहासातील ही पहिलीच कार्यवाही असल्याचे बोलल्या जात आहे. या विशेष पोलिस पथकाने दीपक चौपाटी परिसरातील मटका अड्ड्यावर टाकलेल्या धाडीत चार मोबाईल, ५ दुचाकी व ९५ हजार ४०० रुपये रोख रक्कम असा एकूण २ लाख ३१ हजार ४०० रुपयांचा मुद्देमाल जप्त केला. तर १२ आरोपींना अटक केली. दोन आरोपी अद्याप फरार आहेत. सिंधी कॉलनी परिसरातील मटका अड्ड्यावर वरिल धाडीत पोलिसांनी तिन मोबाईल व २० हजार ५६० रुपये रोख असा एकूण २४ हजार ३६० रुपयांचा मुद्देमाल जप्त करित सात आरोपींना अटक केली. एकता नगर परिसरातील न.प. गाळ्यामध्ये सुरु असलेल्या मटका अड्यावर धाड टाकून पोलिसांनी ११ मोबाईल, १ दुचाकी व रोख १ लाख २७ हजार ११० रुपये असा एकूण १ लाख ९१ हजार ६१० रुपयांचा मुद्देमाल जप्त केला, व १७ आरोपींना अटक केली. तर एकता नगर परिसरातील दुसऱ्या मटका अड्ड्यावर धाड मारून पोलिसांनी तीन मोबाईल व ५ हजार १०० रुपये रोख असा एकूण ९ हजार ८०० रुपयांचा मुद्देमाल जप्त केला. एकंदरीत चार मटका अड्ड्यावरिल धाडीत विशेष पोलिस पथकाने ४ लाख ५७ हजार १७० रुपयांचा मुद्देमाल जप्त करून ४१ आरोपींना अटक केली. वणी शहरातील अवैध धंद्यांवरील ही आतापर्यंतची सर्वात मोठी कार्यवाही असल्याचे बोलल्या जात आहे. अटक करण्यात आलेल्या ४१ व दोन फरार अशा एकूण ४३ आरोपींवर पोलिसांनी मजुका कायद्याच्या कलम १२(अ), १०९ नुसार गुन्हा दाखल केला आहे. 

शहरात सुंगधित तंबाखू व सुगंधित गुटख्याची अवैधरित्या विक्री करणाऱ्या दोन व्यापाऱ्यांवरही या विशेष पोलिस पथकाने धाडी टाकून त्यांच पितळ उघडं पाडलं आहे. सिंधी कॉलनीतील साई ट्रेडर्स या दुकानावर धाड टाकून पोलिसांनी ४७ हजार १८८ रुपये किमतीचा सुगंधित तंबाखू व सुगंधित गुटखा जप्त केला. प्रतिबंधित सुगंधित तंबाखू व गुटखा दुकानात ठेऊन त्याची अवैध विक्री करणाऱ्या अनिल व्यवहारीमल नागदेव या व्यावसायिकाला पोलिसांनी अटक केली आहे. तर सिंधी कॉलनीतील राहत्या घरी धाड टाकून पोलिसांनी ४ लाख १६ हजार ५४२ रुपये किमतीचा सुगंधित तंबाखू व सुगंधित गुटखा जप्त केला आहे. प्रतिबंधित सुगंधित तंबाखाचा घरात अवैध साठा करून ठेवणाऱ्या सुरेश परेलाल गोधाणी व दीपक कवडू चावला दोन्ही रा. सिंधी कॉलनी यांच्यावर पोलिसांनी गुन्हा दाखल केला आहे. सुगंधित तंबाखू व सुगंधित गुटख्याचा साठा करून त्याची अवैध विक्री करणे, याप्रकरणी पोलिसांनी तीनही आरोपींवर भादंवि च्या कलम १८८, २७२, २७३, ३२८ नुसार गुन्हा दाखल केला आहे. 

पुढील तपास उपविभागीय पोलिस अधिकारी संजय पुज्जलवार यांच्या मार्गदर्शनात एसडीपीओ पोलिस पथकाचे विजय वानखेडे, इकबाल शेख, प्रदीप ठाकरे, रवी इसनकर करित आहे.

रात्रीच्या वेळी महसुल पथकावर पाळत ठेवणारे गेले झाेपी अन् जाळ्यात अडकले अवैध रेतीचे दाेन ट्रैक्टर

सह्याद्री न्यूज | किरण घाटे 

चंद्रपूर : अवैध गाैण खनिजांवर कारवाया करण्यांसाठी महसुल विभागाच्या अधिका-यांनी व कर्मचा-यांनी कंबर कसली असुन काल रविवार दि.३० जानेवारीला मध्यरात्रीला काेरपना भागातील पैनगंगा नदीच्या पात्रातुन अवैध रेती नेणां-या दाेन ट्रॅक्टरला पकडल्याचे वृत्त आहे.या धडक कारवाया काेरपना महसुल विभागाचे पटवारी विरेन्द्र मडावी, विशाल काेसनकार, अमाेल गाेसाई व काेतवाल रुपेश पानघाटे यांनी जिव धाेक्यात घालुन संयुक्तिकरित्या केल्या आहे. शेती उपयाेगासाठी या वाहनांचा परवाना असुन त्यांनी या ट्रॅक्टर वापर अवैध रेती नेण्यासाठी केला असल्याची बाब ही समाेर आली आहे. विशेष म्हणजे या वाहनांना कुठलाही क्रमांक नसल्याचे दिसून येते.अश्या वाहनांवर आरटीआे यांनी कारवाया कराव्या अशी मागणी देखिल या परिसरातील जनतेंनी केली आहे. विशेष म्हणजे या प्रकणातील एका रेती तस्करांने भाडे तत्वावर ट्रॅक्टर घेवून अवैध रेती नेण्यांचा सपाटा लावला हाेता परंतु त्याचे नशिबाने त्याला साथ दिली नाही. त्याच ट्रॅक्टरला महसुल विभागाच्या पथकाने दंडात्मक कारवाईसाठी ताब्यात घेतले असल्याचे पथकातील एका कर्मचा-यांने आज सांगितले. दरम्यान जप्तीतील एक वाहन पाेलिस पाटील माराेती राऊत यांचे सुपुर्द नाम्यावर देण्यांत आले आहे.उपरोक्त कारवाया राजुराचे उपविभागीय अधिकारी संपत खलाटे व काेरपनाचे तहसीलदार महेन्द्र वाकलेकर यांचे मार्गदर्शनाखाली महसुल विभागाच्या पथकाने केल्या आहे. सदरहु वाहने अनुक्रमे शिवराम शंकर आडे व रमेश उध्दव गाैरकर यांचे मालकीचे असल्याचे समजते. जप्तीतील दुसरे वाहन रात्री उशिरा काेरपना तहसील कार्यालयात जमा करण्यांत आल्याचे समजते.

या सततच्या कारवायामुळे रेती माफियांत चांगलीच खळबळ उडाली आहे तर राेजंदारीवर पाळत ठेवणा-यांचे अक्षरश: धाबे दणाणले आहे.