गळफास घेऊन युवा शेतकऱ्याची आत्महत्या

सह्याद्री चौफेर | ऑनलाईन 

मारेगाव : मारेगाव पोलीस स्टेशन अंतर्गत येत असलेल्या हिवरा येथील विवाहित तरुणाने शेतात कोणी नसताना बोरीच्या झाडाला दोरीने गळफास घेऊन आत्महत्या केली. या दुःखद घटनेने सर्वत्र हळहळ व्यक्त होत आहे.

प्रवीण सुदाम ताजणे (अंदाजे वय 32) रा. हिवरा,असे गळफास लावून आत्महत्या केलेल्या युवा शेतकऱ्याचे नाव आहे. प्रवीण हा शेती कसून आपल्या परिवाराचा उदरनिर्वाह करत होता. आज दि. १४/०१/२०२५ रोज मंगळवारला सायकळी ६.३० वा.गळफास घेऊन आत्महत्या केली आहे. त्याने इतके टोकाचे पाऊल का उचलले हे कळाले नसून मृतकाच्या पाठीमागे आई वडील, पत्नी व तीन वर्षाची चिमुकली मुलगी असा आप्त परिवार आहे. पंधरा दिवसा अगोदर बहिणी चा पती मरण पावला असे समजते. 

सदर घटनेची माहिती पोलिस पाटील राजू गाडगे यांनी मारेगाव पोलिसांना दिली. मात्र, वृत्त लिहेपर्यंत पोलीस कर्मचारी घटनास्थळी दाखल व्हायची होती. 

नगर वाचनालय द्वारा हेमंत व्याख्यानमाला

सह्याद्री चौफेर | ऑनलाईन 

वणी : दरवर्षी प्रमाणे या वर्षी नगर वाचनालयाची प्रतिष्ठित, सुश्राव्य व्याख्यानमाला दि. 15 व 16 जानेवारी रोजी आयोजित करण्यात आली आहे. 

      

दि. 15 जानेवारी बुधवारला 'शककर्ते शिव छत्रपती' या विषयावर पुणे येथील प्रसिद्ध वक्ते अक्षय चंदेल पहिले पुष्प गुंफनार आहे. या प्रसंगी अध्यक्षस्थानी महाराष्ट्र ग्रंथालय संघाचे अध्यक्ष गजानन कोटेवार हे राहणार आहेत. प्रमुख अतिथी म्हणून वणी विधानसभा क्षेत्राचे आमदार संजय देरकर, वणी नगर परिषदेचे मुख्याधिकारी डॉ. सचिन गाडे, वि.सा. संघ. शाखा-वणीचे अध्यक्ष डॉ. दिलीप अलोणे हे उपस्थित राहणार आहेत. हे पहिले पुष्प प्राचार्य राम शेवाळकर यांच्या स्मृती प्रित्यर्थ विदर्भ साहित्य संघ, शाखा-वणी कडून प्रायोजित करण्यात आले आहे. या प्रसंगी विदर्भ साहित्य संघ वणी शाखेचा वर्धापन दिन साजरा करण्यात येणार आहे. 

        

दि. 16 जानेवारी गुरुवारला या व्याख्यानमालेचे दुसरे पुष्प जळगाव येथील प्रसिद्ध वक्ते रविंद्र पाटील 'शापित राजहंस' (छ. संभाजी महाराज) या विषयावर गुफणार आहेत. या पुष्पाच्या अध्यक्षस्थानी उपविभागीय अधिकारी नितीनकुमार हिंगोले हे राहणार आहेत. प्रमुख अतिथी म्हणून माजी आमदार संजीवरेड्डी बोदकुरवार, व्यापारी असोसिएशनचे अध्यक्ष राकेश खुराणा, शासकीय कंत्राटदार नितीन रमेश उंबरकर हे उपस्थित राहणार आहेत. दुसरे पुष्प स्व. रमेश उंबरकर यांच्या स्मृती प्रित्यर्थ नितीन रमेश उंबरकर यांनी प्रायोजित केली आहे. 

    

नगर वाचनालय प्रांगनात सायंकाळी 7 वाजता होणाऱ्यांना व्याख्यानमालेसाठी वणीकर नागरीकांनी उपस्थित राहावे असे आवाहन नगर वाचनालयातर्फे करण्यात आले आहे.

गणेशपूर (वणी) येथे डायरेक्ट रट्टा व्हालिबॉल सामने संपन्न

सह्याद्री चौफेर | ऑनलाईन 

वणी : गणपती व्हालिबॉल योद्धा मंडळ, गणेशपूर द्वारा आयोजित दि. 10,11,व 12 जानेवारी 2025 असे तीन दिवसीय डायरेक्ट रट्टा व्हालिबॉल सामने आयोजित करण्यात आले होते. या टूर्नामेंट मध्ये एकूण 28 टीमांनी सहभाग घेतला होता. यामध्ये प्रथम बक्षीस, 11016 रु. जगदंबा क्रीडा मंडळ, गणेशपूर यांनी पटकाविले, दुसरे बक्षीस 7016 रु. फ्रेंड्स क्रीडा मंडळ, छोरिया यांनी पटकाविले तर तृतीय बक्षीस 5016 रु. धनोजे कुणबी क्रीडा मंडळ, वणी यांनी पटकाविले. 

या संपूर्ण व्हालिबॉल सामन्यामध्ये उत्कृष्ट ऑलराऊंडर म्हणून वेदांत ठावरी, उत्कृष्ट शॉटर म्हणून प्रदीप वासेकर तर उत्कृष्ट नेटर म्हणून सतीश आसूटकर यांची निवड करण्यात आली. सर्व सामान्यामध्ये अंपायर म्हणून जगदीश ठावरी, किशोर सोनटक्के, शांताराम झाडे व संदीप बोबडे यांनी भूमिका बजाविली. मंडळाचे सर्व पदाधिकारी, सदस्य व गणेशपूर गावातील तरुण उत्साही क्रीडा प्रेमी,प्रतिष्ठित नागरिक व ग्रामपंचायत पदाधिकारी यांनी वेळ देऊन तीन दिवस सहकार्य करून कार्यक्रम चांगल्या रीतीने पार पाडला.

वणी येथे जिल्हा बालकामगार कृती दलाची धाड

सह्याद्री चौफेर | ऑनलाईन 

वणी : जिल्हा बालकामगार कृती दलाच्या धाडीत वणी येथे एका ठिकाणी बालकामगार काम करतांना आढळून आला. या बालकाची मुक्तता करण्यात आली असून संबंधित व्यावसायिकावरुद्ध विविध कायद्यान्वये गुन्हे दाखल करण्यात आले आहे.

जिल्हाधिकारी तथा जिल्हा बालकामगार कृतीदल प्रमुख डॉ. पंकज आशिया यांच्या निदेर्शान्वये कामगार उपआयुक्त नितीन पाटणकर, सरकारी कामगार अधिकारी रा.रा. काळे यांच्या मार्गदर्शनाखाली वणी येथे धाड टाकण्यात आली. धाडीमध्ये एनी टाईम बाईक पॉइंट येथे १८ वषार्खालील एक बालक काम करतांना आढळून आला. बालकास

मुक्त करून बालकल्याण समितीकडे त्यास सुपूर्द करण्यात आले आहे. धाडीमध्ये एनी टाईम बाईक पॉइंटचे मालक वजीर खान मोहम्मद जफीर यांच्याविरुद्ध भारतीय न्याय संहिता (बीएनएस) २०२३ च्या कलम १४६,अल्पवयीन न्याय मुलांची काळजी व संरक्षण कायदा २०१५ च्या कलम ७५, ७९ अंतर्गत गुन्हा दाखल करण्यात आला आहे. तसेच बाल व किशोरवयीन कामगार प्रतिबंध व नियमन अधिनियम, १९८६ सुधारणा २०१६ अंतर्गत कलम ३,३ अ मध्ये स्वतंत्र खटला दाखल करण्याची कार्यवाही सुध्दा करण्यात येत आहे.

धाडीमध्ये दुकाने निरीक्षक विजय गुल्हाने, महिला व बालविकास अधिकारी कार्यालयाचे आकाश बुरेर्वार, आरोग्य विभागाचे प्रविण मेश्राम, समाजकार्य महाविद्यालयाचे प्राध्यापक दिपक आटे, होमगार्डचे निरंजन मलकापुरे, पोलिस विभागाचे रामेश्वर तिळेवाड,ग्रामिण समस्या मुक्ती ट्रस्टचे अशोक बगाडे, कामगार विभागाचे किसन जाधव यांनी सहभाग घेतला होता. बालकामगार ही अनिष्ट प्रथा बंद व्हावी व जिल्हा बाल कामगारमुक्त व्हावा याकरीता जिल्हाधिकाऱ्यांच्या मार्गदर्शनाखाली जिल्हा बालकामगार कृतीदलाच्या वतीने धाडी टाकल्या जातात. जिल्ह्यामध्ये बालकामगार ठेवणाऱ्या आस्थापनाधारकांविरुध्द कडक कायदेशिर कार्यवाही करण्यात येणार आहे. त्यामुळे कोणत्याही आस्थापना मालकांनी बालकांना कामावर ठेवू नये, असे आवाहन जिल्हा बालकामगार कृतीदल समितीद्वारे करण्यात आले आहे.

वणी पोलीस स्टेशन समोर ठिय्या आंदोलन,हिंदुत्ववादी विविध संघटना आक्रमक

सह्याद्री चौफेर | ऑनलाईन 

वणी : शेकडो गोवंशाचे शीर आढळून आले होते. त्यामुळे वणी शहरातील हिंदुत्ववादी विविध संघटना आक्रमक झाली असून सदर घटनेचा तीव्र निषेध केल्या जात आहेत. याबाबत निवेदन सादर करून आरोपीना तत्काळ अटक करा अशी मागणी होती, मात्र आरोपीना अटक करून त्यांना न्यायलयानेही जामिनावर सोडले. 

 त्यामुळे संतापलेल्या हिंदू समाज बांधवानी आक्रमक होत आरोपींच्या या गुन्ह्यामुळे शहरातील जातीय सलोखा बिघडण्याचा धोका निर्माण झालेला असतांना त्यांच्यावर पोलिसांनी सौम्य कलम लावल्या. आरोपींवर सौम्य कलम लावण्यात आल्याने न्यायालयानेही त्यांना जामिनावर सोडले. तेव्हा या सर्व आरोपींवर व त्यांच्या मुख्य सूत्रधारांवर वाढीव कलम लावून त्यांना तत्काळ अटक करण्याची मागणी सर्व गौरक्षक हिंदू समाज बांधवांनी एसडीपीओ गणेश किंद्रे यांच्याकडे लेखी अर्जातून केली आहे. तसेच या मागणीला घेऊन हिंदुत्ववादी संघटनांच्या कार्यकर्त्यांनी पोलिस स्टेशन समोर ठिय्या आंदोलनही केले. 

आरोपींना अटक होईपर्यंत आंदोलन सुरूच राहणार असल्याचे कार्यकर्त्यांकडून सांगण्यात आले आहे. यावेळी माजी आमदार संजीवरेड्डी बोदकुरवार, रवि बेलुरकर, तारेंद्र बोर्डे, संजय पिंपळशेंडे, अजिंक्य शेंडे, राजू तुरणकर, कृणाल चोरडिया, राहुल पारखी, श्रीकांत पोटदुखे यांच्यासह शेकडो हिंदू समाज बांधव उपस्थित होते.