वणी : येथील जयस्वाल दांपत्य सह दोन वर्षाची चिमुकली हिचा हेलिकॉप्टर दुर्घटनेत दुर्दैवी मृत्यू झाल्याची घटना आज सकाळी 15 जून ला घडली असून या हृदयद्रावक घटनेने संपूर्ण वणी परिसरात शोककळा पसरली आहे.
राजकुमार जयस्वाल, पत्नी श्रद्धा जयस्वाल व मुलगी काशी जयस्वाल अशी त्यांची नाव आहे. हे सर्व वणीतील रहिवाशी असून हेलिकॉप्टर दुर्घटना मध्ये त्यांचा समावेश असून आणखी इतर राज्यातील चार जणांचा मृत्यू झाल्याचे समजते.
वणी येथील राजकुमार जयस्वाल हे आपल्या परिवारासह केदारनाथ भेटीला गेले होते, केदारनाथची भेट घेऊन परत पुढील प्रवासाकडे निघाले असता त्यांच्या हेलिकॉप्टरला गौरीकुंड सोनप्रयाग च्या जंगलात हा अपघात झाला. खराब हवामानामुळे हा अपघात झाल्याची माहिती समोर आली असून यात एकूण सात जणांचा मृत्यू झाला आहे. यातील तीन जण यवतमाळ जिल्ह्यातील वणी येथील रहिवाशी जयस्वाल दांपत्यासह 23 महिन्याच्या चिमुकलीचा समावेश आहे.
मागील वर्षी राजकुमार जयस्वाल यांनी पहिल्यांदाच भव्य स्वरूपाचे काशी महाशिवपूराण कथेचे आयोजन प्रदीप मिश्रा यांच्या उपस्थितीत केले होते. विशेष म्हणजे राजकुमार यांचा मुलगा विवान हा ऐनवेळी पांढरंकवडा येथील आजोबा कडे थांबल्याने तो बचावला असं बोलल्या जात आहे.या दुर्दैवी घटनेने जयस्वाल कुटुंबियांसह वणी शहरात शोककळा पसरली आहे.
