सह्याद्री चौफेर | ऑनलाईन
यवतमाळचे जिल्हा पोलीस अधीक्षक कुमार चिंता यांनी काल दिनांक 13 रोजी प्रशासकीय कारणास्तव जिल्ह्यातील पोलीस अधिकाऱ्यांच्या तात्काळ बदल्या व नेमणूक केल्या आहेत. शहर पुसद येथे कार्यरत असलेले उमेश खुशालराव बेसरकर यांची मारेगाव पोलीस ठाण्याच्या ठाणेदार म्हणून कार्यभार देण्यात आला आहे.
जिल्हा पोलीस अधीक्षक कुमार चिंता यांनी कायदा व सुव्यवस्था अबाधित राहावी याकरिता जिल्ह्यातील प्रत्येक पोलीस ठाण्यात योग्य अधिकारी देण्याचा निर्णय घेतला आहे. शुक्रवारी निर्गमित केलेल्या आदेशात सहा अधिकाऱ्यांची नेमणूक करण्यात आली आहे. जिल्हा पोलीस अधीक्षक कुमार चिंता यांनी काल निर्गमित केलेल्या आदेशात पी आय विलास कुलकर्णी यांच्या कडे मुकुटबन पोलीस स्टेशन तर बेसरकर यांच्या कडे मारेगाव पोलिस ठाण्याचा पदभार दिला आहे.
नूतन ठाणेदाराकडे अनेक आव्हाने
मारेगाव हा आदिवासी बहुल तालुका व आता नव्याने आत्महत्याग्रस्त तालुका म्हणून ओळखला जातोय. मारेगाव सह ग्रामीण भागातील लोक मोलमजुरी करून कसे बसे जगत आहे आणि या ठिकाणी मटका, रेती तस्करी, सुगंधित तंबाखू सह गांजा ची विक्री, जनावरांची तस्करी, जुगार, अवैध दारू विक्री ही जोमात आहे. त्यामुळे नवीन ठाणेदार यांना आव्हानात्मक असणार आहे.