वणी : वणी पोलिसांनी वेगवेगळ्या ठिकाणांहून हरवलेले आठ ते नऊ मोबाईल हस्तगत केले, ज्यांची किंमत सुमारे लाखों रुपये असतील.
CEIR (सेंट्रल इक्विपमेंट आयडेंटिटी रजिस्टर) हे एक पोर्टल आहे, जे हरवलेले मोबाईल ट्रेस करण्यासाठी आणि परत मिळवण्यासाठी तयार करण्यात आले आहे,या CEIR पोर्टल वरून अर्जदार नामे कैलाश मानकर, नितीन उताणे, राहुल विरुडकर अतुल टेकाम, चिले व सुमित चोरडिया यांचे मोबाइल मिळाले. अर्जदारांनी ऑनलाईन तक्रारी केल्या होत्या, त्यावरून नमूद मोबाइल ट्रेस झाले असून वरीलपैकी तीन अर्जदार यांना मोबाईल परत देण्यात आले असून चार मोबाईल अर्जदार पोलीस स्टेशनला न आल्याने सदरचे मोबाईल देणे बाकी आहे,अशी माहिती पोलीस निरीक्षक गोपाल उंबरकर, पोलीस स्टेशन, वणी यांनी दिली.
पोलीस स्टेशन वणी येथे प्राप्त झालेल्या मोबाईल मिसिंग च्या तक्रारीची तत्काळ दखल घेऊन त्यांचे मोबाइल शोधून अर्जदारांना मोबाईल परत दिल्या जात असल्यामुळे अर्जदारासह नागरिकाकडून पोलिस प्रशासन कौतुकास पात्र ठरत आहे.