सह्याद्री चौफेर । कुमार अमोल
वणी : शिवसेना (उध्दव बाळासाहेब ठाकरे) वणी विधानसभा प्रमुख संजय देरकर यांच्या नेतृत्वात पदाधिकारी व सर्व शिवसैनिक (सर्व विंग) च्या शिवसैनिकांच्या व्दारा पक्षप्रमुख आदरणीय उध्दव बाळासाहेब ठाकरे यांचे आदेशाने दि.४ ऑगस्ट ते ११ ऑगस्ट २०२४ पर्यंत शिवसेना (उध्दव बाळासाहेब ठाकरे) वणी विधानसभा क्षेत्रातील पक्षाच्या कार्यालयातून भगवा सप्ताह व प्राथमिक सभासद नोंदणीला सुरवात करण्यात आली असून या सप्ताहाला नागरिकांचा उत्स्फूर्त प्रतिसाद मिळत आहे.
यामध्ये प्रामुख्याने सदस्य नोंदणी अभियान, माझी विज माझा अधिकार अभियान, प्रत्येक बुथ वर मतदार यादी वाचन आदी उपक्रम राबविले जाणार आहे. तसेच जनसंपर्क वाढविणे, पक्ष बांधणी करणे, पक्ष संघटन मजबूत करणे, गावपातळीवर शिवसेनेच्या शाखा निर्माण करणे, पक्ष प्रवेश सोहळे घेणे व जेष्ठ शिवसैनिकांचा सत्कार, यावर देखील भर देण्यात येणार आहे.
पक्षप्रमुख उध्दव बाळासाहेब ठाकरे यांनी आपल्या मुख्यमंत्री पदाच्या कार्यकाळात राज्याच्या जनतेला दोनदा दिलेली कर्ज माफी, शेती मालाला दिलेला भाव, विविध लोकहितार्थ राबविल्या गेलेल्या योजना व घेतलेले निर्णय, कोरोना काळातील महाभयंकर सकंटावर केलेली नियोजनबध्द मात याबाबत या सर्व लोकोपयोगी कार्यांला उजाळा देत जनतेपर्यंत पोहचवणे.
भगवा सप्ताहाच्या निमित्ताने घरोघरी जावुन शिवसैनिक व पदाधिकारी व्दारा जनतेसमोर वाचा फोडुन या ढोंगी सरकारचा फडदाफाश करुन जनतेची जनजागृती करणे. घटनाबाह्य सरकारकडुन राज्यात सुरु असलेली हुकुमशाही, जाती पातीच्या नावावरील भेदभाव व आरक्षणाच्या नावाखाली जाती-जाती मध्ये तेढ निर्माण करणे सुरु असुन याबाबत जनजागृती करणे. वणी विधानसभा क्षेत्रातून या सर्व विविध उपक्रमावर दि.४ ऑगष्ट ते ११ ऑगष्ट पर्यंत कार्यक्रम चालणार असुन शिवसेना (उध्दव बाळासाहेब ठाकरे) पक्षातर्फ दैनदिन लोकहितार्थ जनसेवा, सामाजिक कार्य व पक्ष सघंटन सतत अवरिहीत सुरुच आहे.
शिवसेना वणी विधानसभा प्रमुख संजय देरकर यांच्या नेतृत्वात पक्षाच्या बळकटीसाठी कार्यकर्त्यांची एकजूट करण्याचा निष्ठेने प्रयत्न केला जात आहे. याच दृष्टीकोनातून पक्ष प्रमुख उद्धव ठाकरे यांच्या वाढदिवसाचे औचित्य साधून वणी विधानसभा मतदार संघात "भगवा सप्ताह" आयोजित करण्यात आला आहे. या सप्ताहाच्या सुरुवातीला दि.४ ऑगष्ट पासून सद्गुरू जगन्नाथ महाराज मंदिरात पक्ष प्रमुख उद्धव ठाकरे यांच्या दीर्घ आयुष्यासाठी महाआरती व प्रार्थना करण्यात आली.
यावेळी संजय देरकर यांच्यासह शिवसेनेचे (उबाठा) संतोष माहुरे, रवि बोढेकर, दीपक कोकास, डिमन टोंगे, पुष्पा भोगेकर, सुनंदा गुहे, अजिंक्य शेंडे, सतिश गादेवार, विजय पानघंटीकर, अमजद शेख, संतोष कुचनकार, गोवर्धन टोंगे, प्रेमा धानोरकर, पारखी, भगवान मोहिते, राजू ईद्दे, विठ्ठल बोंडे, अजय कवरासे, नंदू ढुमणे, नरेश कोठारी, राजू लडके, प्रशांत बलकी, सुभाष भोगेकर, श्रावण टोंगे, हरिदास केळझरकर, दिवाकर भोंगळे, बंडू निंदेकर, जगन खंडाळकर, संजय देठे, विनोद ढुमणे, विकास धगडी, मो. असलम, यांच्यासह शिवसैनिक व युवासेना मोठ्या संख्येने उपस्थित होते.
