घराच्या बांधकामावरून वाद; तिघांविरुद्ध गुन्हा दाखल

सह्याद्री चौफेर| ऑनलाईन

वणी : शहरातील भगतसिंग चौक, इंगोले मेडिकलजवळ घराच्या बांधकामावरून झालेल्या वादात एका व्यक्तीला मारहाण करण्यात आली. याप्रकरणी वणी पोलिसांनी तिघांविरुद्ध गुन्हा दाखल केला आहे.

रविंद्र धनराज गुप्ता (वय ३०, रा. रंगनाथनगर, कोंडाणावाडी) यांनी दिलेल्या तक्रारीनुसार, शास्त्री नगर येथील साठ वर्षीय महिलेसह विकास गजानन बोंडे (वय २१, रा. जागृती नगर) व प्रशांत मारोती गाडगे (वय ४०, रा. शास्त्रीनगर) यांच्यासोबत घराच्या बांधकामावरून वाद झाला.

तक्रारीत नमूद केल्यानुसार, महिला आरोपीने फिर्यादी रविंद्र गुप्ता यांना शिवीगाळ केली, तर आरोपी विकास बोंडे याने हातातील कड्याने मारहाण केली, ज्यामुळे गुप्ता यांच्या डाव्या बाजूच्या कानाजवळ जखम झाली व रक्त स्त्राव झाला. तसेच आरोपी प्रशांत गाडगे याने कॉलर पकडून थापडबुक्यांनी मारहाण केली.

या घटनेनंतर रविंद्र गुप्ता यांनी वणी पोलीस स्टेशनमध्ये तक्रार दाखल केली. पोलिसांनी आरोपींविरुद्ध कलम 118 (1), 115 (2), 352, 351(2), (3), 3(5) BNS अंतर्गत गुन्हा नोंदवला आहे.

या प्रकरणाचा तपास पोलीस हवालदार मारोती पाटील पोलीस स्टेशन वणी करत आहेत.

स्व. सिंधुताई मस्की स्मृतिप्रित्यर्थ मारेगाव ग्रामीण रुग्णालयाला फोल्डिंग बेड भेट...

सह्याद्री चौफेर | ऑनलाईन

मारेगाव : स्वर्गीय सिंधुताई दिगांबर मस्की यांच्या स्मृतीप्रित्यर्थ श्री. दिगांबर मस्की यांच्याकडून येथिल ग्रामीण रुग्णालय मारेगाव,आज दिनांक ३१ मार्च २०२५ ला रुग्णालयातील रुग्ण सेवेसाठी फोल्डिंग बेड भेट देण्यात आला. 

विशेष म्हणजे प्रसिद्धीच्या कोसोदूर असलेले हे परिवार, सामाजिक कार्यात मात्र सतत हिरीरीने नेहमीच मस्की परिवार अग्रेसर असतात. यावेळी सुद्धा "मस्की" कुटुंबीय सामाजिक कार्यात सरसावल्याचे दिसून आले आहे. येथील श्री. दिगांबर मस्की यांच्या सामाजिक जणींवेतून स्वर्गीय सिंधुताई दिगांबर मस्की यांच्या स्मृतीप्रित्यर्थ आज सोमवार ला ग्रामीण रुग्णालयाला रुग्ण सेवेसाठी फोल्डिंग बेड भेट देण्यात आला आहे. 

त्यानिमित्त उपस्थित असलेले मान्यवर दिगाबरराव नारायण मस्की, प्रा.डॉ.राजेंद्र कुमार सुर ,श्री सुनील कोगरे, श्री गोपाल काळे, मारुती भाऊ देवाळकर, डॉ. मनीष तुळशीराम मस्की नगरपंचायत नगराध्यक्ष मारेगाव, श्रेयश गोपालराव काळे ,भार्गव मनीष मस्की व ग्रामीण रुग्णालयाचे डॉक्टर, सिस्टर्स, व ग्रामीण रुग्णालयातील संपूर्ण स्टॉप प्रामुख्याने हजर होते. 

आदिवासी बेरोजगार तरुणांना स्थानिक कंपन्यामधे रोजगार द्या - ए टी एस

सह्याद्री चौफेर| ऑनलाईन

चंद्रपूर : चंद्रपूर जिल्हा हा औद्योगिक जिल्हा असून या जिल्ह्यात नावाजलेल्या अनेक खाजगी कंपन्या आहेत.त्या कंपन्यामध्ये परप्रांतीय व राजकीय नेते ह्यांच्याशी सलोखा असणाऱ्या किवा स्थानिक राजकीय लोकप्रतिनिधी यांच्याशी संबध असणारे ह्यांचीच शिफारिस असेल तर त्या कंपनी मध्ये खाजगी रोजगार दिला जातो. अशी खंत जिल्ह्यातील नागरिकांनी व्यक्त केली आहे. 

चंद्रपूर गडचिरोली आदिवासी बहुल जिल्हे असून अनेक आदिवासी बेरीजगार युवक आहेत. त्यांना जिल्ह्यातील विविध कंपन्यामध्ये रोजगार उपलब्ध करून द्यावा अश्या मागणी चे निवेदन नामदार डॉ.प्रा.अशोकराव उईके आदिवासी विकास मंत्री तथा पालकमंत्री चंद्रपूर महा.राज्य यांना आज संतोष कुळमेथे विदर्भ अध्यक्ष, जितेश कुळमेथे विदर्भ प्रवक्ता,साईनाथ कोडापे विदर्भ सचिव,आदिवासी टायगर सेना च्या वतीने करण्यात आली.

क्षुल्लक कारणावरून मारहाण,तिघांविरुद्ध पोलिसात गुन्हा दाखल

सह्याद्री चौफेर | ऑनलाईन 

वणी : वर्दळी च्या ठिकाणी मोटारसायकल ला कट लागला म्हणून एका इसमास त्याचे घरी जाऊन मारहाण केल्याची तक्रार गुरुवारी रात्री 8.30 वाजता घडली. याप्रकरणी वणी पोलीस ठाण्यात दाखल करण्यात आली आहे. 

अर्पित अग्रवाल (25), विजय अग्रवाल (55) व संजय गोयल (50) रा. वणी असे मारहाण करणाऱ्या आरोपीचे नाव आहे. फिर्यादी कृष्णकुमार नंदकिशोर वर्मा (63), रा. राम मंदिर जुनी स्टेट बँक जवळ वणी यांनी याबाबत तक्रार नोंदविली.

तक्रारीनुसार फिर्यादी गुरुवारी सायंकाळी 6 वाजताच्या सुमारास त्यांच्या मोटरसायकलवरून गांधी चौकातून घराकडे जात होते. दरम्यान गांधी चौकाकडे जात असलेल्या अर्पित अग्रवाल याच्या दुचाकीचा त्यांच्या दुचाकीला कट लागला. त्यामुळे दोघांमध्ये शाब्दिक बाचाबाची झाली. नंतर फिर्यादीने दुर्लक्ष करून घराकडे निघून गेला. मात्र, अर्पित हा त्यांच्या मागेच घरी आला व फिर्यादी सोबत परत वाद करुन शिवीगाळ केली.

त्यानंतर अर्पित अग्रवाल यांनी फोन करून त्याचे वडील विजय अग्रवाल यांना बोलाविले. विजय अग्रवाल यांनी फिर्यादी यास शिवीगाळ व थापड बुक्क्यांनी मारहाण केली. शिवाय त्यांच्या सोबत आलेला संजय गोयल यांनीसुद्धा शिवीगाळ केल्याचे तक्रारीत नमूद करण्यात आले आहे. फिर्यादी यांची पत्नी भांडण सोडविण्यासाठी मधात आली असता तिलाही शिवीगाळ व ढकलढुकल केले. क्षुल्लक कारणावरून मारहाण केली व जिवे मारण्याची धमकी दिल्याचा आरोप फिर्यादी यांनी लावला आहे. फिर्यादी कृष्णकुमार नंदकिशोर वर्मा यांच्या तक्रारीवरून पोलिसांनी गैरअर्जदार विरुद्ध कलम 115(2), 352, 351(2), 351(3) BNS नुसार गुन्हा दाखल केला.

यवतमाळ : लाखांचा मुद्देमाल आयजींच्या हस्ते वितरित

सह्याद्री चौफेर | ऑनलाईन 

वणी : फेब्रुवारी महीन्याच्या पहील्या आठवड्यात वणी शहरातील साधनकर वाडीत राहणारे विमा कंपनीचे सेवानिवृत्त अधिकारी प्रदीप चिंडालीया यांच्या घरात झालेल्या घरफोडीत 14 लाख 80 हजार रूपयाचा माल चोरट्यानी लंपास केला होता. तसेच 6 डिसेंबर ला येथील जिल्हा परीषद कॉलनीतील कमलबाई भुसारी यांचे 9 तोळे सोने व 45 हजार रूपये रोख चोरट्याने लंपास केले होते. दोन्ही गुन्ह्याच्या आरोपींना वणी पोलिसांनी मोठ्या शिताफीने अटक करून मुद्देमाल जप्त केला होता.

                       

गुरूवारी यवतमाळ जिल्हा पोलिस अधिक्षक कार्यालयात अमरावती परिक्षेत्राचे विशेष आयजी रामनाथ पोकळे यांच्या हस्ते चोरी गेलेला मुद्देमाल तक्रारदाराला परत करण्यात आला. या प्रसंगी जिल्हा पोलीस अधीक्षक कुमार चिंता व पोलीस विभागातील अधिकारी कर्मचारी उपस्थित होते. 

यात उज्वला प्रदीप चिंडालिया यांना 142.25 ग्रॅम सोने व 47.760 ग्रॅम चांदी देण्यात आली. कमलबाई बाळकृष्ण भुसारी यांना 89.140 ग्रॅम सोने परत देण्यात आले. 

यावेळी वणी पोलिस स्टेशन चे पोलीस निरीक्षक गोपाल उंबरकर हे उपस्थित होते.