वणी येथील विदर्भस्तरीय 'आझादी की दौड' स्पर्धेत 'हे' ठरलेत प्रथम पुरस्काराचे मानकरी!

सह्याद्री चौफे | वृत्तसंस्था 

वणी : येथील शिक्षण प्रसारक मंडळ व वणी लायन्स चॅरिटेबल ट्रस्ट यांच्या संयुक्त विद्यमाने राष्ट्रीय क्रीडा दिनानिमित्त आयोजित विदर्भस्तरीय 'आझादी की दौड' स्पर्धेला विदर्भातून उत्स्फूर्त प्रतिसाद लाभला असून पंधरा वर्षांवरील खुल्या गटातून पुरुष विभागात सौरव तिवारी (नागपूर) याने प्रथम क्रमांक तर, महिला गटातून सलोनी लव्हाळे (भातकुली, अमरावती) हिने प्रथम क्रमांक पटकावला आहे. दहा वर्षांवरील व पंधरा वर्षांआतील मुलांच्या गटात प्रणय उपासे (ब्रह्मपुरी) याने प्रथम क्रमांक तर मुलींच्या गटात लावण्या नागरकर (चंद्रपूर) हिने प्रथम क्रमांक पटकावला आहे.या चारही धावपटूंना पाच हजार रुपये रोख, सन्मानचिन्ह, प्रमाणपत्र आणि सोनेरी पदक सन्मानपूर्वक प्रदान करण्यात आले.

पंधरा वर्षांवरील खुल्या गटातून साईनाथ पुंगाटी (भामरागड) द्वितीय तर महिला गटातून अंजली मडावी (नागपूर) हिचा द्वितीय क्रमांक आला. दहा वर्षांवरील व पंधरा वर्षांआतील मुलांच्या गटात पियुष गायधनी (चिमूर, चंद्रपूर) यांचा द्वितीय तर मुलींच्या गटात रुचिका नागरकर (चंद्रपूर) हिचा द्वितीय क्रमांक आला. या चारही धावपटूंना तीन हजार रुपये रोख, सन्मानचिन्ह, प्रमाणपत्र, रुपेरी सन्मानपदक प्रदान करण्यात आले.

पंधरा वर्षांवरील खुल्या गटातून पुरुष विभागात सनी फुसाटे (वर्धा) याने तृतीय तर महिला गटातून अभिलाषा भगत (राजुरा ,चंद्रपूर) हिने तृतीय क्रमांक पटकावला.दहा वर्षांवरील व पंधरा वर्षांआतील मुलांच्या गटात अभय मस्की (नागपूर) याने तृतीय क्रमांक तर मुलींच्या गटात सेजल चौधरी (वर्धा) हिने तृतीय क्रमांक पटकावला. या चारही धावपटूंना दोन हजार रुपये रोख, सन्मानचिन्ह, प्रमाणपत्र, सन्मानपदक प्रदान करण्यात आले.

या स्पर्धेत यवतमाळ, चंद्रपूर,नागपूर,अमरावती, गोंदिया भंडारा, वर्धा, बुलढाणा, गडचिरोली या जिल्ह्यांतील ९७४ धावपटू सहभागी झाले. सकाळी सात वाजता शिक्षण प्रसारक मंडळाचे अध्यक्ष विजय मुकेवार यांचे अध्यक्षतेखाली वणीचे आमदार संजीवरेड्डी बोदकुरवार यांचे हस्ते आझादी की दौड स्पर्धेचे उद्घाटन झाले.स्पर्धेनंतर लगेच पारितोषिक वितरण समारंभ झाला.

यावेळी वणीचे ठाणेदार अनिलकुमार बेहराणी, शिक्षण प्रसारक मंडळाचे उपाध्यक्ष नरेंद्र बरडिया, सचिव सुभाष देशमुख सहसचिव अशोक सोनटक्के, कार्यकारिणी सदस्य उमापती कुचनकार, नरेंद्र ठाकरे, अनिल जयस्वाल, नरेश मुनोत, सुरेश शुक्ल, माजी आमदार विश्वास नांदेकर, लाॅयन्स क्लबचे अध्यक्ष राजाभाऊ पाथ्रडकर,वणी लाॅयन्स चॅरिटेबल ट्रस्टचे कोषाध्यक्ष चंद्रकांत जोबनपुत्रा, संचालक महेंद्र कुमार श्रीवास्तव, हे प्रमुख अतिथी म्हणून उपस्थित होते.

यावेळी लोकमान्य टिळक महाविद्यालयाचे प्राचार्य डॉ. प्रसाद खानझोडे, स्पर्धेचे मुख्य संयोजक प्रा.उमेश व्यास, इन्स्टिट्यूट ऑफ फार्मसीचे प्राचार्य डॉ सुधाकर रेड्डी, उपप्राचार्य प्रा.पुरुषोत्तम गोहोकार वणी लायन्स इंग्लिश मिडियम हायस्कूलचे मुख्याध्यापक प्रशांत गोडे, वणी लायन्स वरिष्ठ महाविद्यालयाच्या प्राचार्य चित्रा देशपांडे, शिक्षण प्रसारक मंडळ विद्यालय व कनिष्ठ महाविद्यालयाचे मुख्याध्यापक प्रमोद क्षीरसागर, वाहतूक शाखा पोलिस निरीक्षक सीता वाघमारे,हे विचारपीठावर उपस्थित होते.सूत्रसंचालन डॉ. मनोज जंत्रे यांनी केले तर प्रशांत गोडे यांनी आभार मानले.

या स्पर्धेच्या यशस्वीतेसाठी मुख्य संयोजक प्रा उमेश व्यास, क्रीडा शिक्षक प्रा.कमलेश बावणे, किरण बुजोणे ,रूपेश पिंपळकर, इंदु सिंग, यांचेसह लोकमान्य टिळक महाविद्यालय, शिक्षण प्रसारक मंडळ विद्यालय,वणी लायन्स इंग्लिश मिडीयम हायस्कूल कनिष्ठ व वरिष्ठ महाविद्यालय, इन्स्टिट्यूट ऑफ फार्मसी संस्थांमधील सुमारे दोनशे पन्नास शिक्षक व शिक्षकेतर कर्मचारी , वाहतूक पोलीस, राष्ट्रीय छात्र सेना व राष्ट्रीय सेवा योजनेच्या विद्यार्थ्यांनी अथक परिश्रम घेतले.

जेष्ठ पत्रकार रमेश तांबे यांना मातृशोक

सह्याद्री चौफेर | वृत्तसंस्था 

वणी : वणी तालुक्यातील ज्येष्ठ पत्रकार रमेश तांबे यांच्या मातोश्री अनुसया नानाजी तांबे (वय ८६) यांचे आज दि. २९ ऑगस्ट ला दुपारी ३.४५ वाजता वृद्धापकाळाने निधन झाले. त्या प्रेमळ, मनमिळाऊ स्वभावाच्या होत्या. त्यांच्या जाण्याने परिसरामध्ये हळहळ व्यक्त करण्यात येत आहे.

त्यांच्या पश्चात एक मुलगा, चार मुली व बराच मोठा आप्तपरिवार आहे. उद्या शुक्रवारी ११ वाजता त्यांची महात्मा ज्योतिबा फुले चौक परिसर येथील राहत्या घरून अंत्ययात्रा निघणार असल्याची माहिती त्यांच्या नातेवाईकांनी दिली.

धार्मिक वातावरणाने गजबजली वणी नगरी

सह्याद्री चौफेर | वृत्तसंस्था 

वणी : श्रीकृष्ण जन्माष्टमी समितीच्या वतीने शहरात सात दिवस विविध धार्मिक, सामाजिक, मनोरंजनात्मक कौटुंबिक कार्यक्रम आयोजन केले होते. या विविध कार्यक्रमाचा लाभ वणीकरांनी मोठ्या आनंदाने घेत जन्माष्टमी सोहळा उत्सहात साजरा केला.

सात दिवस भक्तिमय वातावरण निर्माण झाले होते.त्यात शेवटच्या दिवशी 27 ऑगस्ट ला वणी शहरात भव्य शोभ यात्रेचे आयोजन करण्यात आले होते. या यात्रेत टाळ-मृदुंगाच्या गजरात वारकरी भजन, नयन रम्य देखावे, आकर्षक रोशनाई, आदिवासी संस्कृती जपणारे गोंडी ढेमसा नृत्य, शिव तांडव नृत्य, मनमोहक गरबा, छत्रपती ढोल ताशा पथक, कोलकत्ता येथील महाकाली, भव्य बजरंग बली, यासह अनेक भव्य मनमोहक देखावे या शोभा यात्रेत सहभागी झाल्याचे चित्र पाहायला मिळाले होते. 

शहरातून सायंकाळी सहा वाजता अमृत भवन मंदिर येथून शोभा यात्रेला सुरुवात करण्यात आली. या दरम्यान बगीमध्ये श्रीकृष्ण, राधाकृष्ण, शिवपार्वती, विष्णू लक्ष्मी यासह विविध वेशभूषा परिधान करून या शोभा यात्रेत बालगोपाल सहभागी झाले होते. ही यात्रा अमृत भवन ते इंदिरा गांधी चौक, खाती चौक, गांधी चौक, कमान चौक, टागोर चौक, महाराष्ट्र बँक चौक, डॉ.  बाबासाहेब आंबेडकर चौक, टिळक चौक, छत्रपती शिवाजी महाराज चौक, अशी मार्गक्रमण करत शोभायात्रेचा समारोप करण्यात आला. 

विशेष उल्लेखनीय की,या शोभा यात्रेत यावर्षी मनमोहक विविध देखाव्यांनी वणीकरांच्या डोळ्याचे पारणे फेडले. शोभा यात्रेत माजी खासदार ओबीसी आयोगाचे अध्यक्ष हंसराज अहिर, आमदार संजीव रेड्डी बोदकुरवार, भाजपाचे जिल्हाध्यक्ष तारेन्द्र बोर्डे, संजय देरकर, विजय पिदुरकर, दिनकर पावडे, पवन एकरे, सत्यजित ठाकूरवार यासह शहरातील इतर मान्यवर या सह नागरिक हजारो महिला पुरुष भाविक भक्तगण हाती घोडा पालखी जय कन्हैया लाल की चा जयघोष करीत शोभायात्रेत सहभागी झाले होते. 

श्रीकृष्ण जन्माष्टमी समितीचे सल्लागार विजय चोरडिया, सौ. सीमा विजय चोरडिया, समितीचे अध्यक्ष अ‍ॅड. कुणाल चोरडिया, सौ. ख्याती कुणाल चोरडिया यांनी शोभायात्रेत सहभागी झालेल्या बालगोपाल व भक्तांची काळजी घेतली. दरम्यान संपूर्ण वणी शहरात शोभायात्रा निमित्त भक्तिमय वातावरण निर्माण झाले होते. यात्रेच्या बंदोबस्तासाठी वणी पोलीस स्टेशनचे पोलीस निरीक्षक अनिल बेहेराणी यांनी स्वतः हजर राहून कडेकोट बंदोबस्त ठेवला होता. अशा तर्हेने श्रीकृष्ण जन्माष्टमी सोहळा मोठ्या हर्षऊल्हासात पार पडला.  

युवासेनेत असंख्य कार्यकर्त्यांचा पक्ष प्रवेश

सह्याद्री चौफेर | वृत्तसंस्था 

वणी : तालुक्यातील नायगाव (वरोरा रोड), घोंसा व भालर या गावातील असंख्य युवकांनी पक्ष प्रमुख उद्धव बाळासाहेब ठाकरे यांचे विचार व वणी विधानसभा प्रमुख संजय देरकर व युवासेना उपजिल्हा प्रमुख अजिंक्य शेंडे याच्या उपस्थितीत युवासेनेचे वणी शहराध्यक्ष साकेत भुजबळराव यांच्या नेतृत्वावर विश्वास ठेवत 24 ऑगस्ट रोजी युवासेनेमध्ये पक्षप्रवेश केला.

यामध्ये विशेषतः नवंतरुणांचा मोठ्या प्रमाणात समावेश होता. सध्या राजकारणात साकेत भुजबळराव हे खूप ऍक्टिव्ह असून समाजकारणात व राजकारणात आपले फार योगदान देत आहेत. सोबतच सध्याचे युवा पिढीत ते लोकांना मार्गदर्शन व प्रोत्साहीत करून युवासेनेत पक्ष प्रवेश घेत आहे.  

 

यावेळी माजी उपजिल्हाप्रमुख दीपक भाऊ कोकास, राज्यकार्याध्यक्ष अविनाश भाऊ भुजबळराव, माजी उपशहर प्रमुख अजय भाऊ चन्ने यांचीही प्रामुख्याने उपस्थिती होती.  वैभव पिंपळशेंडे व सुनील खडतकर व त्यांच्या मित्रपरिवाराने युवा सेनेमध्ये प्रवेश घेतला.

 याप्रसंगी राज्य संघटक सतीश भाऊ जोगी, कुंभाचे शाखा प्रमुख अंकुश जोगी, सामित भुजबळराव, अनिकेत टिकले, लखन व विपुल व समस्त युवासेना व शिवसेनेचे आजी व माजी पदाधिकारी पदाधिकारी उपस्थित होते.

वणी : विदर्भस्तरीय 'आझादी की दौड' स्पर्धेची जय्यत तयारी!

सह्याद्री चौफेर | वृत्तसंस्था 

वणी : येथील शिक्षण प्रसारक मंडळ व वणी लायन्स चॅरिटेबल ट्रस्ट यांच्या संयुक्त विद्यमाने राष्ट्रीय क्रीडा दिनानिमित्त येत्या २९ ऑगस्ट रोजी होणाऱ्या विदर्भस्तरीय 'आझादी की दौड ' स्पर्धेची जय्यत तयारी सुरू असून संपूर्ण विदर्भातून धावपटूंचा उत्स्फूर्त प्रतिसाद लाभत आहे.

साडे चार किलोमीटर दौड असणारी ही स्पर्धा दोन गटांत होईल.'अ' गटात १० वर्षावरील ते १५ वर्षांआतील वयोगटातील मुले व मुली असे दोन विभाग आहेत.'ब' गट १५ वर्षांवरील सर्वांसाठी खुला असून या गटात स्त्री व पुरुष असे दोन विभाग आहेत. प्रत्येक विभागात प्रथम द्वितीय व तृतीय क्रमांकांस अनुक्रमे पाच हजार तीन हजार व दोन हजारांची रोख पारितोषिके, मेडल, सन्मानचिन्ह व सन्मानपत्र देण्यात येणार आहे. एकूण चाळीस हजार रुपयांची रोख पारितोषिके देण्यात येतील.

यवतमाळ, चंद्रपूर, गडचिरोली, नागपूर, भंडारा, गोंदिया, वर्धा, अमरावती, वाशिम, अकोला, बुलढाणा या सर्व जिल्ह्यांतून सर्व गटातील सुमारे सतराशे धावपटूंनी नोंदणी केली आहे.

२९ ऑगस्ट रोजी सकाळी सात वाजता लोकमान्य टिळक महाविद्यालयात या स्पर्धेचे स्पर्धेचे उद्घाटन शिक्षण प्रसारक मंडळाचे अध्यक्ष विजयराव मुकेवार यांच्या अध्यक्षतेत वणी लायन्स चॅरिटेबल ट्रस्टचे अध्यक्ष आमदार संजीव रेड्डी बोदकूरवार यांच्या हस्ते होईल. स्पर्धा आटोपल्यानंतर ताबडतोब पारितोषिक वितरण समारंभ होणार आहे.

वणी येथील उपविभागीय अधिकारी नितीनकुमार हिंगोले, तहसीलदार निखिल धुळधर उपविभागीय पोलीस अधिकारी गणेश किंद्रे, ठाणेदार अनिल बेहराणी, वाहतूक शाखा पोलिस निरीक्षक सीता वाघमारे, वैद्यकीय अधीक्षक डॉ.धर्मेन्द्र सुलभेवार, गटशिक्षणाधिकारी स्नेहदीप काटकर यांनी ही स्पर्धा उत्साहपूर्ण आणि शांततामय वातावरणात यशस्वी होण्यासाठी आवश्यक त्या सोयी सुविधांचा व एकूणच व्यवस्थापनाचा आढावा घेतला आहे.स्पर्धेचे मुख्य संयोजक प्रा.उमेश व्यास यांच्या नेतृत्वात विविध समित्या तयार केल्या असून स्पर्धेची जय्यत तयारी सुरू आहे.

या स्पर्धेच्या तयारीसाठी शिक्षण प्रसारक मंडळाचे उपाध्यक्ष नरेंद्र बरडिया सचिव सुभाष देशमुख सहसचिव अशोक सोनटक्के,सर्व कार्यकारिणी सदस्य, लॉयन्स चॅरिटेबल ट्रस्टचे उपाध्यक्ष बलदेव खुंगर, राजाभाऊ पाथ्रडकर व सर्व कार्यकारिणी सदस्य, प्राचार्य डॉ. प्रसाद खानझोडे, प्राचार्य सुधाकर रेड्डी, स्पर्धेचे मुख्य संयोजक प्रा.उमेश व्यास, उपप्राचार्य प्रा. पुरुषोत्तम गोहोकार, मुख्याध्यापक प्रमोद क्षीरसागर, मुख्याध्यापक प्रशांत गोडे , प्राचार्य वर्षा देशपांडे, , क्रीडा शिक्षक प्रा.कमलेश बावणे, किरण बुजोणे ,रूपेश पिंपळकर, इंदु सिंग, अनिल निमकर, दत्तात्रय मालगडे, अरविंद गारघाटे यांचेसह लोकमान्य टिळक महाविद्यालय, शिक्षण प्रसारक मंडळ विद्यालय,वणी लायन्स इंग्लिश मिडीयम हायस्कूल कनिष्ठ व वरिष्ठ महाविद्यालय, इन्स्टिट्यूट ऑफ फार्मसी संस्थांमधील सुमारे दोनशे पन्नास शिक्षक व शिक्षकेतर कर्मचारी अथक परिश्रम करीत आहेत.

  

“स्पर्धकांचा सहभाग लक्षणीय असा आहे. विदर्भस्तरीय 'आझादी की दौड’ यशस्वी करण्यासाठी सर्वांनी सहकार्य करावे.” असे आवाहन या स्पर्धेच्या तयारीसाठी लोकमान्य टिळक कनिष्ठ व वरिष्ठ महाविद्यालय, शिक्षण प्रसारक मंडळ विद्यालय,वणी लॉयन्स इंग्लिश मिडीयम हायस्कूल, कनिष्ठ व वरिष्ठ महाविद्यालय, इन्स्टिट्यूट ऑफ फार्मसी या संस्थांमधील सर्व शिक्षक व शिक्षकेतर कर्मचारी यांच्या सभेत शिक्षण प्रसारक मंडळाचे अध्यक्ष विजय मुकेवार यांनी केले.यावेळी उपाध्यक्ष नरेंद्र बरडिया,सहसचिव अशोक सोनटक्के, कार्यकारिणी सदस्य नरेश मुणोत हे मान्यवर उपस्थित होते.