संताचे विचार आत्मसात करून सामान्यापर्यंत पोहचविले पाहिजे - विजय चोरडिया

सह्याद्री चौफेर | वृत्तसंस्था 

मारेगाव : संताची विचार आत्मसात करून सामन्य माणसा पर्यंत पोहचविण्याचे काम आपण सर्वानी मिळून केले पाहिजे असे, प्रतिपादन सामाजिक कार्यकर्ते तथा भाजप राज्य कमेटीचे सदस्य विजय चोरडिया यांनी केले. ते श्री मल्हारगड दत्त देवस्थान कवडशी येथील दत्त जयंती निमित्ताने बोलत होते.

संस्थेच्या वतीने दत्त जयंती निमित्त विविध कार्यक्रमाचे आयोजन करण्यात आले होते. यात धार्मिक, पुजा, भजन किर्तन व भव्य यात्रेचे आयोजन करण्यात आले होते. या प्रसंगी त्यांच्या सामाजिक कार्याची दखल घेत श्री.चोरडिया यांचा सत्कार करण्यात आला.

यावेळी विचार पिठावर प्रमुख अतिथी म्हणून मंदिर समितीचे मनोज सरमोकदम, बोबडे सर, मनोज केळकर, पवन एकरे, राजु धावंजेवार ईत्यादी मान्यवर उपस्थित होते. तर यात्रेला परिसरातील हजारो भाविक भक्त मोठ्या संख्येने दर्शनासाठी हजेरी लावली.

ग्रामीण भागातील खेळाडूंची प्रतिभा कौतुकास्पद - संजय खाडे

सह्याद्री चौफेर | वृत्तसंस्था 

वणी : ग्रामीण भागातील खेळाडू हे मजुरीचे काम करून

उरलेला वेळ आपला छंद जोपासण्यासाठी खेळ खेळत असतात, ही एक आनंदाची बाब आहे. अलिकडच्या काळात ग्रामीण भागातही मोठ्या प्रमाणात खेळांच्या स्पर्धा होण्याचे प्रमाण वाढले आहे. त्यामुळे ग्रामीण भागातील खेळाडूंची प्रतिभा समोर येत आहे आणि कौतुकास्पद आहे,असे प्रतिपादन रंगनाथ स्वामी अर्बन निधी लिमीटेड,चे अध्यक्ष संजय खाडे यांनी व्यक्त केले. बोरगाव प्रिमियर लीगच्या बक्षिस वितरण सोहळ्याप्रसंगी ते बोलत होते. रविवार 24 डिसेंबर रोजी बक्षिस वितरण सोहळा संपन्न झाला. राष्ट्रसंत तुकडोजी महाराज क्रीडा मंडळ बोरगाव (मे) तर्फे या लीगचे आयोजन करण्यात आले होते. स्पर्धेमुळे खेळाडूंना प्रोत्साहन मिळते. त्यामुळे ग्रामीण भागात ठिकठिकाणी अशा स्पर्धा होणे गरजेचे आहे,असे ही ते म्हणाले.

बजरंग वॉरिअर्स व 11 स्टार संघात अंतिम सामना बुधवारी दिनांक 20 डिसेंबर रोजी बोरगाव प्रिमियर लीगचे थाटात उद्घाटन झाले. या स्पर्धेत 6 संघ सहभागी झाले होते तसेच बोरगाव व परिसरातील 22 गावातील खेळाडू या संघात सहभागी झाले होते. अंतिम सामना हा बजरंग वॉरिअर्स व 11 स्टार संघात खेळला गेला. हा सामना शेवटच्या शटकापर्यंत रोमांचकारी ठरला.

प्रथम फलंदाजी करत 11 स्टार संघाने 10 ओव्हरमध्ये 99 रन्स काढले. या सामन्यात आशिष बोबडे यांने धडाकेबाज 64 रन्सची खेळी केली. 100 रन्सचे टारगेट बजरंग वॉरिअर्सने 9.3 ओव्हरमध्ये पूर्ण करीत 7 विकेट व 3 चेंडू राखून विजय मिळवला. बजरंग वॉरिअर्सतर्फे लोकेश पाचभाई यांनी 32 रन्स तर सूरज बोरसरे 23 रन्सची संयमी पण महत्त्वपूर्ण खेळी केली.

स्पर्धेतील विजेता संघाला 35 हजार रुपये रोख, तर

उपविजेत्या संघाला 25 हजार रुपये रोख बक्षिस देण्यात

आले. लीगमध्ये बेस्ट बॅस्टमन हा 11 स्टार संघाचा आशिष

बोबडे ठरला. बेस्ट बॉलर हा छत्रपति वॉरिअर्सचा प्रीतम

ढवस ठरला, बेस्ट फिल्डर तुकाराम वासेकर (माही योद्धा)

तर मॅन ऑफ दी सिरिज 11 स्टार संघाचा डॉ. दीपंकर बिस्वास ठरला.

बक्षिस वितरण सोहळ्यात प्रमुख अतिथी म्हणून महेश सोमलकर, धनंजय खाडे, प्रतिक गेडाम, ईश्वर खाडे, पद्माकर देरकर, सुधाकर तुराणकर, प्रकाश आसुटकर, देविश काळे, आनंदराव बलकी, बंडू बलकी, श्रीकृष्ण महाकुलकर, दीपक ताजणे, शंकर महाकुलकर, रंगनाथ कोवे, देवराव कोल्हे, शत्रुघ्न मालेकर, विजय आसुटकर, विठ्ठल चिंचोलकर, नीलेश चिंचोलकर यांची उपस्थिती होती.

कार्यक्रमाचे बहारदार सूत्रसंचालन राहुल घुगुल यांनी केले तर कार्यक्रमाच्या यशस्वीतेसाठी मंडळाचे शिवराम चिडे, उमेश शेंडे, गणेश बलकी, लखन गेडाम, गौरव महाकुलकुर यांच्यासह बोरगाव येथील खेळाडू व समस्त गावक-यांनी परिश्रम घेतले.

गुणवंत विद्यार्थी सत्कार, जेष्ठ नागरिकांचा अमृत महोत्सवी सत्कार सोहळा व समाज प्रबोधन मेळावा संपन्न

सह्याद्री चौफेर | वृत्तसंस्था 

मारेगाव : राजमाता पुण्यश्लोक अहिल्यादेवी होळकर फाउंडेशन मारेगांव च्या वतीने अमृत महोत्सवी आयोजीत करण्यात आलेल्या समाज प्रबोधन मेळाव्यात वणी,मारेगांव व झरी (जामणी) तालूक्यातील धनगर समाजातील गुणवंत विद्यार्थ्यांचा सन्मान सोहळा, जेष्ठ नागरिकांचा सत्कार, स्पर्धा परिक्षेत निवड झालेल्या विद्यार्थ्याचा सत्कार येथील स्थानिक त्रिमूर्ती मंगल कार्यालयात सोमवार दिनांक २५ डिसेंबर,२०२३ रोजी उत्साहात संपन्न झाला.

मा.दादाजी कालर सेवानिवृत मुख्याधापक यांचे अध्यक्षतेखाली मा. रमेश जारंडे, मा.प्रा संजय बोधे वरोरा, मा कैलास उराडे राजूरा, मा. डॉ. प्रा. गजानन सोडनर, मा. प्रा. रमेश बुच्चे, मा. अविनाश जानकर, मा विठ्ठलराव बुच्चे, यवतमाळ मा राजेंद्र कोरडे, मा. पांडूरंग पंडिले, मा. देविदास बोबडे, मा.डॉ मधुकर आस्कर वणी, मा. विठल काळे, मा.अरविंद वखनोर, मा रविराज चंदनखेडे, मा. माणिकराव पांगुळ, मा.लक्ष्मण झिले, मा.रामचंद्र अडते, मा.मंगेश चामाटे, निरे सर, अडते सर, चिव्हाणे सर, खुजे सर, मा. सौ.सुनिता पचकटे, मा. सौ. वनिता उराडे यांचे प्रमुख उपस्थीतीत संपन्न झाला.

ज्ञान हीच संपत्ती आहे हे अधोरेखीत करून समाजाने आधुनिक तंत्रयुक्त ज्ञानाची कास धरावी असे आवाहन मा.प्रा. संजय बोधे यांनी केले. समाजाच्या अनुसुचीत जमातीच्या आरक्षणाबाबत व न्यायालयीन लढाई बाबत सविस्तर मार्गदर्शन मा. रमेश जारंडे, मा. कैलास उराडे, मा. अविनाश जानकर यांनी केले. या सोहळ्यात ४० गुणवंत विद्यार्थी, ३० जेष्ठांचा अमृत महोत्सवी सत्कार, विविध क्षेत्रात नावलौकीक मिळविणाऱ्या २५ समाजभुषणाचा विशेष सत्कार करण्यात आला. या सोहळ्याचे सुत्रसंचालन मा. प्रा. आशिष साबरे सर, प्रास्ताविक मा.रघुनाथ कांडरकर सर, अहिल्यावंदना मा. विकास चिडे सर आभार मा. राजकुमार बोबडे यांनी केले.

या सामाजिक सोहळ्याला वणी, मारेगांव व झरी (जामणी) तालुक्यातील मोठ्या संख्येने समाज बंधूभगीनी उपस्थीत होत्या. या सोहळ्याचा यशस्वीतेसाठी वणी, मारेगांव व झरी (जामणी) तालुक्यातील कार्यकर्त्यांनी अथक परिश्रम घेतले. महाराणी अहिल्यादेवी समाज प्रबोधन मंच वणी मारेगांव झरी-जामणी तालूका, खंडोबा- वाघोबा देवस्थान चॅरिटेबल ट्रस्ट वणी, महाराजा यशवंतराव होळकर सार्वजनिक वाचनालय वणीच्या कार्यकर्त्यांनी विशेष सहकार्य केले.

गाडीचा रिव्हर्स ठरला चिमुकलीचा काळ, अडीच वर्षीय मुलगी अपघातात ठार

सह्याद्री चौफेर | वृत्तसंस्था 

वणी :  शुक्रवारी तालुक्यातील नांदेपेरा येथे घरासमोर खेळत असलेल्या एका अडीच वर्षीय चिमुकली चारचाकी वाहणाखाली आली.या दुर्दैवी अपघातात त्या चिमुकलीचा मृत्यू झाल्या प्रकरणी वणी ठाण्यात तक्रार दाखल करण्यात आली असून आरोपी चालकाविरोधात विविध कलमान्वये पोलिसात गुन्हा दाखल करण्यात आला आहे. 

प्रकाश मारोती केमेकर यांची लडकी लेक देविका (अंदाजे वय 2/3) व 3 वर्षाचा एक मुलगा हे दोघेही घराजवळ खेळत  होते. दरम्यान, येथीलच प्रज्ज्वल प्रमोद कोल्हे हा महिंद्रा बोलेरो आपले मालवाहू वाहन क्र. (MH 29 T6753) मागे घेत होता. मात्र, वाहन रिव्हर्स घेताना बोलेरोच्या मागच्या चक्याखाली ती बालिका आल्याने या अपघातात तीच्या डोक्याला जबर मार लागला. तिच्या घरच्यांनी तिला तत्काळ वणी येथील एका खासगी रुग्णालयात उपचारासाठी दाखल केले. परंतु डॉक्टरांनी तपासणी अंती तिला मृत घोषित केले होते.

शुक्रवारी देविका एकाएकी अपघातात मृत्यू पावल्याने केमेकर परिवाराला मोठा धक्का बसला. अखेर मुलीचे वडील प्रकाश याचे भाऊ शंकर यांनी सोमवार दि.25 डिसेंबर ला वणी पोलीस ठाणे गाठून याबाबत तक्रार दिली. त्यांच्या तक्रारीवरून वाहन चालक प्रज्ज्वल कोल्हे याच्या विरोधात भांदविच्या कलम 279, 304 अ, 134 (अ), 134 (ब) नुसार गुन्हा दाखल करण्यात आला आहे. घटनेचा अधिक तपास पोउनि धिरज गुल्हाने करीत आहे. 

आणखी एका शेतकरी पुत्राने घेतला जगाचा निरोप

सह्याद्री चौफेर | वृत्तसंस्था

मारेगाव : तालुक्यात सतत आत्महत्याच्या घटना घडत आहे. हि आत्महत्येची धग कायम असताना आणखी एका शेतकरी पुत्राने (ता.17) डिसेंबर रोजी राहत्या घरी विष प्राशन केले होते. मात्र, आज मध्यरात्री त्याची प्राणजोत मालवली. त्याच्या अशा अकाली निधनाने परिसरात शोककळा पसरली आहे.

महेश मारोती ढोके (31) रा.शिवणी (धोबे) असे निधन झालेल्या अविवाहित तरुणाचे नाव आहे. महेशने आठ दिवसापूर्वी आपल्या राहत्या घरी घरात कोणीच नसतांना सायंकाळी 6 वाजता विषारी द्रव्य प्राशन केले होते, हि दुःखदायक बाब घरच्यांना निदर्शनास येताच त्याला तातडीने आधी वणी येथे ग्रामीण रुग्णालयात दाखल करण्यात आले होते, मात्र प्रकृती चिंताजनक असल्यामुळे त्याला चंद्रपूर येथे शासकीय रुग्णालयात भरती करण्यात आले. महेश याच्यावर मागील आठ दिवसापासून उपचार सुरु होते. मात्र, उपचारादरम्यान त्याचा काल रविवारच्या मध्यरात्री 1 वाजता त्याने अखेरचा श्वास घेतला असल्याची माहिती आहे. वडिलांच्या शेत कामात हातभार लावणारा महेश त्याच्या आत्महत्येचे कारण अद्याप ही अस्पष्ट आहे. मात्र तालुक्यात सतत होणाऱ्या आत्महत्येच्या घटनेत वाढता आलेख पाहता चिंता व्यक्त केली जात आहे.

महेश यांच्या पश्चात आई वडील, एक भाऊ, दोन विवाहित बहिणी असा बराच मोठा आप्त परिवार आहे. त्याची मृत्यूशी झुंज संपताच ढोके परिवारावर दुःखाचे डोंगर कोसळले असून शिवणी परिसरात हळहळ व्यक्त होत आहे.