जिबगाव येथे तान्हा पोळा मोठ्या उत्साहात साजरा....

उमेश गोलेपल्लीवार | सह्याद्री चौफेर 

सावली : तालुक्यातील मौजा जिबगांव वासीयांच्या वतीने जिबगांव येथे दिनांक 27 आगस्ट ला लहान बाळ गोपालांचा तान्हा पोळा उत्सव मोठ्या थाटामाटाने संपन्न झाला. यामध्ये नंदीबैल सजावट स्पर्धा व वेशभूषा स्पर्धा आयोजित करण्यात आली होती, या स्पर्धेमध्ये शेकडो लहान बालगोपालांनी आपल्या नंदीबैलाच्या सजावटीसह वेशभूषा मध्ये सहभाग नोंदवला.

जिबगांव येथील हनुमान चौकात आयोजित तान्हा पोळा यामध्ये नंदीबैल सजावट व वेशभूषा स्पर्धे मोठ्या संख्येने जिबगांव वासीयांच्या उपस्थित भव्य दिव्य बाल गोपाळाचा ताणा पोळा मोठ्या उत्साहात पार पडला.

कोब्रा मॅन संतोष वानखेडे यांच्या वाढदिवशी फळझाडे वाटप

विवेक तोडासे | सह्याद्री चौफेर 

मारेगाव : तालुक्यातील सगणापूर येथील सर्पमित्र तथा निसर्गप्रेमी कोब्रा मॅन संतोष वानखेडे यांनी आपला जन्मदिवस गावातील नागरिकांना फळझाडे वाटप करून साजरा केला आहे. त्यांच्या ह्या कृतीचे कौतुक होत असून पर्यावरण पोषक उपक्रम करून संतोष वानखेडे यांनीजन्मदिवस साजरा करून एक आदर्श समाजापुढे ठेवला. कोब्रा मॅन संतोष वानखेडे हे उच्चशिक्षित असून त्यांना सापाबद्दल विशेष आकर्षण असून आजपर्यंत वानखेडे यांनी 988 सापांना जीवदान दिले. त्यांच्या उपक्रमाने समाजात पर्यावरण रक्षणाचा संदेश जात आहे. 

प्रत्येक शाळेत आता आपले गुरुजी यांचा फोटो दर्शनी वर्गात झळकणार !

बालाजी सुवर्णकार | सह्याद्री चौफेर 

उदगीर : राज्यातील आता प्राथमिक माध्यमिक शाळांमध्ये सर्व माध्यमांच्या वर्गशिक्षक व शिक्षिका यांचा योग्य आकारातील फोटो आपले गुरुजी या नावाने सन्मानपूर्वक वर्गाच्या दर्शनी भागात प्रदर्शित करावा व सर्व शाळांमध्ये या सूचनेचे मा मंत्री मंडळात झालेल्या चर्चेनुसार मा आयुक्त शिक्षण महाराष्ट्र राज्य पुणे यांचे संदेश दिनांक 23 ऑगस्ट 2022 यानुसार व शिक्षणाधिकारी प्राथमिक माध्यमिक जिल्हा परिषद लातूर नांदेड उस्मानाबाद यांना शिक्षण उपसंचालक लातूर विभाग लातूर यांनी दिनांक 25 ऑगस्ट 2022 रोजी च्या परिपत्रकाद्वारे कळविले

असून त्या कारवाई बाबतचा अहवाल शिक्षण उपसंचालक लातूर यांनी दिनांक 29 ऑगस्ट 2022 पर्यंत सादर करण्याचे कळविले असून याबाबत टीचर ग्रुप ऑफ महाराष्ट्र राज्याचे खाजगी प्राथमिक विद्यालयाचे संस्थापक बालाजी सुवर्णकार यांनी या परिपत्रकाचे स्वागत केले असून आपले गुरुजी या शासनाच्या उपक्रमात शाळेच्या मुख्याध्यापकाने पुढाकार घ्यावेत असे मत बालाजी सुवर्णकार यांनी केले असून या आपले गुरुजी या प्रदर्शित फोटोला किती प्रतिसाद मिळेल अशी उत्सुकता गुरुजींना व पालकांना आता लागली आहे.

पोळ्या सारख्या सण आणि विवाहित तरुणाचा उपचारादरम्यान मृत्यू

विवेक तोडासे | सह्याद्री चौफेर 

मारेगाव : तालुक्यात आत्महत्यांचे सत्र सुरूच असून, दिवसेंदिवस आत्महत्येच्या घटनेत वाढ होताना दिसत आहे. मात्र प्रशासन या गंभीर प्रश्नाकडे गांभीर्याने घेत नसल्याचे बोलल्या जात आहे.

मारेगाव तालुक्यातील म्हैसदोडका येथील विवाहित तरुण सतिश वासुदेव बोथले (32) याने राहत्या घरात दि.25 ऑगस्ट रोजी सकाळी विषप्राशन करून आत्महत्या केली.

घडलेली दुःखद घटना कळताच ग्रामस्थांनी घटनास्थळी धाव घेत सतीशला लगेचच उपचारासाठी मारेगाव ग्रामीण रुग्णालयात दाखल करण्यात आले.

सतिशच्या तब्बेतीचे गांभीर्य लक्षात घेत त्यांचे वर येथील प्राथमिक उपचार करून पुढील उपचारार्थ चंद्रपूर येथे हालविण्यात आले. येथील उपचार सुरू असताना सायंकाळी सतीश यांचा उपचारादरम्यान मुत्यु झाला. ऐन पोळ्या सारख्या सणा च्या दिवशी त्याची सायंकाळी 26 ऑगस्ट रोजी निधन झाल्याने गावात शोककळा पसरली.

सतिशच्या आत्महत्येचे नेमके कारण अद्याप अस्पष्ट असून याच्या पाठीमागे आई-वडील, पत्नी व एक भाऊ असा बराच आप्त परिवार आहे. या घटनेने बोथले कुटुंबावर दुःखाचे डोंगर कोसळले आहे. 

एक महिन्याआधी मोठ्या भावाची आत्महत्या : 

मागील एक महिन्यांपूर्वी मोठ्या भावाने विषप्राशन करून आत्महत्या केली होते. त्यांनंतर लहान भावाने आत्महत्या केली, त्यामुळे या दु:खदायक घटनेने म्हैसदोडका परीसरात हळहळ व्यक्त होत आहे.

मच्छिन्द्रा वासीयांनी जपली अनेक वर्षांची परंपरा

नितेश वनकर | सह्याद्री चौफेर 

मारेगाव : वर्षभर शेतकरी वर्ग ज्यांच्या भरोशावर शेती करत असतो. त्या बैलांचा पोळा मोठ्या उत्साहात मच्छिन्द्रा येथे साजरा करण्यात आला. मारेगाव तालुक्यातील मच्छिन्द्रा येथे अनेक वर्षांपासून ऐतिहासिक बैलांचा पोळा भरतो. मात्र, कोरोना काळात दोन वर्षे या पोळाचे आयोजन नाममात्र करण्यात आले होते.     

पिढ्यान् पिढ्या हा बैलांचा पोळा येथील सर्वधर्म समभावातून जोपासला जात आहे. स्पर्धेच्या युगात ट्रॅक्टरचे प्रमाण वाढले असतांना मात्र, आजही पोळ्याच्या आदल्या दिवशी "आज आवतन घ्या, उद्या जेवायला या" म्हणत बैलांचे खांदे शेकत असतात. व दुसऱ्या दिवशी बैलांना रंगरंगोटी व सजावट केले जात असत.

अशातच सायंकाळी ६ वाजेच्या सुमारास प्रथम जोडीला मान दिला जातो. हनुमान मंदिराला प्रदक्षिणा घालण्याचा अगोदर आंब्याच्या बांधलेल्या तोरणाला तोडले जातात, ठरलेल्या मैदानात गावातील सर्व शेतकरी बांधवांच्या बैलांच्या जोड्या एकत्र येत असत. पोळ्यानिमित्त गावातील नागरिक हे बैलांच्या पाया व एकमेकांना अक्षदा लावून नमस्कार घेत असतात. एकमेकांच्या घरी बैल जोडी नेवून भेट देत असतात.

पोळा पाहण्यासाठी गावातील महिला, पुरुष मोठ्या प्रमाणावर मिळेल त्याठिकाणी उपस्थित होते. या निमित्ताने जातीय सलोखा ठेवणे ही मच्छिन्द्रा गावची परंपरा आहे.