सह्याद्री न्यूज | विलास पिसे
चिमूर : चिमूर ऐतिहासिक व क्रांतिकारी नगरीत नगर परिषदेच्या गलथान व दुर्लक्षित कारभारामुळे जनतेला दैनंदिन समस्येला ताेंड द्यावे लागत असल्याने याची दखल घेत जिप गट नेते डॉ. सतीश वारजूकर यांच्या मार्गदर्शनखाली शहर काँग्रेस कमेटीचे वतीने राज्याचे मुख्यमंत्री उध्दवजी ठाकरे यांना चिमूर तहसीलदार यांच्या मार्फत एक निवेदन देण्यात आले.
चिमूर शहरातील आठवडी बाजारची जागा नसल्याने रस्त्यावर बाजार होत असल्याने अपघात होण्याची शक्यता असून वाहतुकीची कोंडी होत आहे. तेव्हा आठवडी बाजाराची जागा उपलब्ध करून देण्यात यावी, शहरातील पिण्याच्या पाण्याकरिता पाईप लाईन खोदकाम सुरू असून जनतेला त्रास होत आहे याची व्यवस्था तात्काळ करून देण्यात यावी,नाल्या पूर्णतः तुडूंब भरल्या असून आरोग्य धोक्यात येण्याची शक्यता आहे तेव्हा दखल घेण्यात यावी,ग्राम पंचायत काळातील अंगणवाडी केंद्र नगर परिषदला हस्तांतरीत करण्यात याव्या,नगर परिषद अंतर्गत येत असलेल्या योजनांची जनजागृती करण्यात यावी,जिप व पंस समिती योजना नप मार्फत राबविण्यात याव्या.
तत्कालीन वडाळा पैकू ग्राम पंचायतचे दस्तऐवज हस्तांतरण करण्यात यावे. काग व बाम्हणी गावात कचरा गाडी जाण्यास आदेशीत करावे,अभ्यंकर मैदानावरील जीर्ण पाण्याची टाकी पाडून नवीन टाकी बांधकाम करण्यात यावे, शहरातील सिमेंट रोड फोडलेले असून दुरुस्त करण्यात यावे, नप क्षेत्रात पंतप्रधान आवास योजनाची अंमलबजावणी करण्यात यावी, उद्याने निर्माण करण्यात यावे, शहरातील मुख्य मार्गावर शौचालय बांधकाम करण्यात यावे, नपमध्ये आकृतीबद्ध कर्मचारी नियुक्तीची अंमलबजावनी करण्यात यावी, नपला रुग्णवाहिका देण्यात यावी,ग्राम पंचायत काळातील सफाई कामगार नप सेवेत सामावून घेण्यात यावे, मरावि कडून शेतकऱ्यांना पूर्णवेळ विद्युत पुरवठा सुरू देण्यात यावा आदी मागण्यांचा समावेश असलेले निवेदन शहर काँग्रेस कमिटीचे अध्यक्ष अविनाश अगडे व मीडिया प्रमुख पप्पू शेख यांच्या नेतृत्वात तहसीलदार मार्फत मुख्यमंत्री ठाकरे यांना निवेदन देण्यात आले.
निवेदन देत असतांना शहर काँग्रेस कमेटीचे शहर अध्यक्ष अविनाश अगडे, शहर मीडिया प्रमुख पप्पूभाई शेख, माजी नप सभापती तथा शहर काँग्रेसचे सहसचिव नितीन कटारे, शहर काँग्रेसचे महासचिव विनोद सातपुते, तालुका काँग्रेसचे उपाध्यक्ष राजू चौधरी, तालुका काँग्रेसचे सचिव विजय डाबरे, शहर काँग्रेसचे उपाध्यक्ष गुरुदास जुनघरे,शहर संपर्क प्रमुख धनराजजी मालके, तालुका काँग्रेसचे सहसचिव नागेश चटे, तालुका काँग्रेसचे सरचिटणीस विलास मोहिणकर, योगेश अगडे आदी उपस्थित होते. तदवतच याच समस्यांचे एक निवेदन नगर विकासमंत्री एकनाथ शिंदे, पालकमंत्री विजय वडेट्टीवार चंद्रपूरचे जिल्हाधिकारी, एसडीओ चिमूर तथा मुख्यधिकारी चिमूर यांना दिले आहे.
