1 मे च्या घटनेचा संशयित पोलिसांच्या जाळ्यात

संग्रहीत छायाचित्र

सह्याद्री चौफेर | ऑनलाईन

वणी : शहरातील गॅस गोडाऊनचे मागे गांधी नगर परिसरातील तळ्या जवळ एका बेसावध तरुणीला मारहाण करून तिच्यावर अत्याचार करणाऱ्या संशयिताला अखेर पोलिसांनी अटक केली आहे. राजू तथा कटर (अं. वय 47, रा. खरबडा, वणी) असं संशयिताचे नाव आहे.

1 मे,महाराष्ट्र दिनी एका 18 वर्षीय युवती वर झालेल्या शारीरिक व अनैसर्गिक अत्याचारच्या घटनेने वणी हादरलं होतं. धक्कादायक म्हणजे भरदिवसा पीडित युवती विटा भट्टी कडे तुटलेल्या विटा गोळा करण्यासाठी जात असताना तिला चक्क मागून जोरात पकडून, लाथाबुक्याने मारहाण करून तीचे कपडे फाडले,त्यानंतर तिला काटेरी झुडूपात ओढत नेऊन तिच्यासोबत बळजबरी केल्याचा अज्ञात गुन्हा नोंद झाला होता. 

संशयित हा घटनेच्या दिवसापासून बेपत्ता असल्याने पोलिसांना शंका आली आणि त्याचाच कसून शोध घेत होते. मुलीवर लैंगिक अत्याचार करतांना दाडी वाढवून असलेल्या या आरोपीने नंतर चेहऱ्यावरची दाडी काढल्याचे पोलिस तपासात पुढे आले. त्यामुळे पोलिसांची आणखी संशयाची सुई त्याचेवर वळली. त्याचेवर अनेक गंभीर गुन्हे नोंद असल्याने पोलिसांनी त्यालाच लक्ष केले. शेवटी सात दिवसांपासून पोलिसांना गुंगारा देत असलेला संशयित पोलिसांच्या हाती लागलाच. पोलिसांनी या संशयिताला अटक केली आहे. 

कटर नावाने ओळखला जाणारा तो मानकी शेत शिवारात दडी मारून होता. खाकींची चाहूल लागताच तो सैराट झाला. मात्र, पोलिसांच्या चमुने त्याचा पाठलाग करून त्याला पकडले. ही कार्यवाही जिल्हा पोलिस अधिक्षक कुमार चिंता, अप्पर पोलिस अधिक्षक पियुष जगताप, एसडीपीओ गणेश किंद्रे यांच्या मार्गदर्शनात डिबी पथक प्रमुख एपीआय धिरज गुल्हाने व डीबी चमू व पोलिस चमुने पार पाडली.

"थालेसेमिया आजार गंभीर नसला तरीही काळजी घेणे गरजेचे" - डॉ. भक्ती काकडे

सह्याद्री चौफेर | ऑनलाईन

वणी : "थालेसेमिया हा आजार सिकलसेल श्रेणीतला असल्याने तो आनुवंशिक आहे. तो पालकांकडून पाल्यामध्ये प्रसारित होतो.त्यामुळे या आजाराची काळजी घेणे गरजेचे आहे." असे प्रतिपादन शासकीय ग्रामीण रुग्णालय वणीच्या वैद्यकीय अधिकारी डॉ. भक्ती काकडे यांनी या रोगावर माहिती देत असताना केले. 

   

  शासकीय ग्रामीण रुग्णालय वणीच्या ट्रॉमा केअर हॉल मध्ये ८ मे जागतिक थालेसेमिया दिन साजरा करण्यात आला.  कार्यक्रमाचे अध्यक्ष वैद्यकीय अधीक्षक डॉ. धर्मेंद्र सुलभेवार हे होते तर मार्गदर्शक म्हणून ग्रामीण रुग्णालय वणीच्या वैद्यकीय अधिकारी डॉ. भक्ती काकडे ह्या होत्या. प्रमुख पाहुणे म्हणून परिसेविका अरुणा गुरनुले व गीत घोष होते.

      

ह्या कार्यक्रमात डॉ. काकडे पुढे बोलताना म्हणाल्या की, हा आजार रक्तपेशी तयार न होणे किंवा कमी तयार होणे ह्यामुळे होत असतो. या थालेसेमिया आजाराचे मेजर आणि मायनर असे दोन प्रकार असून मायनर प्रकारात औषधे घेऊन लक्षणे कमी करता येतात. मात्र मेजर थालेसेमिया मध्ये बोन मॉरो ट्रान्सप्लांट करावा लागतो, त्यामुळे ह्याची काळजी घेणे अती आवश्यक असते. म्हणून लग्नापूर्वी आपण सर्वांनी ब्लड टेस्टिंग करूनच विवाह संबंध केले पाहिजे, असेही त्यांनी जोर देऊन म्हणाल्या.

      

हा कार्यक्रम हिंद लॅब्स डाइग्नोस्टिक सेंटर द्वारे घेण्यात आला होता. कार्यक्रमाचे संचालन कु. शीतल राजगडकर यांनी केले तर आभार धनश्री सूर्यवंशी यांनी मानले. हा दिवस लोकांमध्ये जनजागृती करण्यासाठी, माहिती देण्यासाठी साजरा केल्या जातो. या कार्यक्रमास शासकीय ग्रामीण रुग्णालयातील परिचारिका, कर्मचारी व रुग्ण मोठ्या संख्येने उपस्थित होते.

अल्पवयीन मुलीवर दुष्कर्म, आरोपी गजाआड

संग्रहीत छायाचित्र

सह्याद्री चौफेर | ऑनलाईन

मारेगाव : अल्पवयीन मुलीला नातेवाईकांकडे सोडून देतो म्हणत तिच्यावर दुष्कर्म केल्याप्रकरणी वैभव राजूरकर (वय 22) रा. बोदाड (राजूर) या संशायित आरोपीस अत्याचार, अँट्रॅसिटी अँक्ट व पोस्को अंतर्गत गुन्हे दाखल करून गजाआड करण्यात आले आहे. 

16 वर्षीय पीडित मुलीने मारेगाव पोलिसांत तक्रार दिली होती. ही घटना डिसेंबर महिन्यात घडली होती. पीडितेचे आईवडील बाहेरगावी गेले होते, ती घरी एकटी राहण्यापेक्षा तिने नातेवाईकाकडे जाने पसंत केले व ती त्यांच्याकडे जाण्यासाठी निघाली असता वाटेत पीडित मुलीला दुचाकीने सोडून देतो म्हणून आग्रह धरत राज्मार्गावरील झुडूपात नेत बळजबरीने दुष्कर्म केले व याबाबत कुठे वाच्यता केल्यास जीवे मारण्याची धमकी दिली. अशातच पिडीता हीच्या पोटात दिवसागणिक अंकुराची वाढ होत असल्याची फिर्याद मारेगाव पोलिसात दाखल करण्यात आली.

त्यानुसार संशायित आरोपीस कलम 64(1), 3(1) 4, 3(1) 3(2) नुसार गुन्हे दाखल करून अटक करण्यात आली.

पंख्याला गळफास घेऊन तरुणीची आत्महत्या

संग्रहीत छायाचित्र

सह्याद्री चौफेर | ऑनलाईन

मारेगाव : येथील वार्ड नं. 16 मधील एका तरुणीने बेडरूम मध्ये आत्महत्या केली आहे. ही दुःखद घटना आज सकाळी उघडकीस आली.

दिक्षा केशव उमरे (अंदाजे वय 26) असं या तरुणीचे नाव आहे, सकाळी घरचे लोकं उठल्यानंतर बेडरूम मध्ये जावून बघण्यासाठी गेले असता दार बंद होते. या दरम्यान बेडरूमचा लॉक तोडल्यावर आतील सलिंगच्या पंख्याला ओढणीने लटकून असल्याचे त्यांना तरुणी दिसली. या धक्कादायक प्रकाराने उमरे कुटुंबावर दुःखाचे डोंगर कोसळले. दिक्षा हिच्या आत्महत्येचे कारण तूर्तास अस्पष्ट असून मारेगावात हळहळ व्यक्त होत आहे. ती उच्चशिक्षित असून औरंगाबाद येथे जॉब करत असल्याचे समजते.

तिच्या पाठीमागे आई वडील,व एक लहान बहीण असा परिवार आहे. 

सराटी येथे सामाजिक सभागृहचा लोकार्पण सोहळा संपन्न

सह्याद्री चौफेर | ऑनलाईन

मारेगाव : दलित वस्ती सुधार योजना अंतर्गत सराटी येथे उभारण्यात आलेल्या भव्य सामाजिक सभागृहाचा लोकार्पण सोहळा दि. 7 मे 2025 रोजी उत्साहात संपन्न झाला. 

आदिवासी नेते तथा सरपंच तुळशीराम कुमरे यांच्या हस्ते उदघाटन करण्यात आले, तर प्रमुख पाहुणे गणपतराव आत्राम, ग्राम.सदस्य विष्णूजी कांबळे, यांची उपस्थिती होती.  

या भव्य सामाजिक सभागृहाच्या लोकार्पण सोहळ्यानिमित्त सराटीत एक वेगळाच उत्साह संचारला होता. तेथील स्त्री-पुरुष नागरिकांच्या चेहऱ्यावरून आनंद ओसंडून वाहत होता. सामाजिक सभागृहाच्या परिसरात नागरिक मोठ्या संख्येने उपस्थित झाले होते. यानिमित्ताने सभागृहाला जागा दान कर्ते घनश्याम पाटील व दिलीप पाटील यांचा ग्रामस्थांच्या वतीने सत्कार करण्यात आला. सूत्रसंचालन ग्राम अधिकारी जनबंधू यांनी तर आभार प्रदर्शन लीलाधर ठेंगळे यांनी मानले.

कार्यक्रमाला यशस्वी करण्यासाठी गोपाल वनकर, रमेश गौरकार, प्रवीण वानखेडे, सीमा नरांजे, विमलबाई वानखेडे, बिरजू भरणे, सुशिलाबई नरांजे, संघर्ष तेलंग, सुर्यभान वानखेडे, लोकेश कांबळे, शारदा बोरकर, मिथुन वानखेडे, अमोल वानखेडे, रत्नमाला वनकर, भास्कर सपाट ई. समाजबांधवांनी सहकार्य केले.