सह्याद्री चौफेर | वृत्तसंस्था
वणी : वणी पोलीस स्टेशन च्या हद्दीत येत असलेल्या एका मोबाईल शॉप व्यावसायिकाला चाकूच्या धाकावर लुटण्यात आले होते, त्यांचा पोलिसांनी शिग्रगतीने तपास करून सहा आरोपीना अटक करण्यात आली आहे.
पोलिसांनी दिलेल्या माहितीनुसार पो.स्टे.वणी येथे दिनांक २०/०८/२०२४ रोजी फिर्यादी नामे श्री. अंकुश चिंतामणी बोढे (वय ३६) वर्षे व्यवसाय मोबाईल शॉपी चालक रा. वसंत गंगा विहार बालाजी अपार्टमेंट चे समोर वणी (ता.वणी) यांनी तक्रार दिली की, त्यांचे ठाकुरवार कॉम्प्लेक्स मध्ये अंकुश मोबाईल शॉपी या नावाचे दुकान आहेत, दिनांक १९/०८/२०२४ रोजी रात्री २१/०० वा.चे सुमारास आपली आस्थापना बंद करून तसेच आस्थापना मधील शनिवार दिनांक १७/०८/२०२४ रोजी पासुन गोळा झालेली रक्कम एकुण ६,००,०००/रुपये अशी निळ्या रंगाचे रेक्झीन Air Case बॅगमध्ये ठेवुन त्यांची टु व्हीलर वाहनाने फिर्यादी यांचे भावाचा मेहुणा नामे कुणाल अरविंद पोकळे याचे सोबत मिळुन घरी जाणे करीता रात्री ९.१५ वा.चे सुमारास निघाले त्यावेळी कुणाल पोकळे हा वाहन चालवित होता, व फिर्यादी हे पैशांची बॅग घेवुन मागे बसले होते, ९.२२ वा. चे सुमारास नमुद फिर्यादी हे वसंत गंगा विहार परिसराचे गेट जवळ पोहोचले असता त्यांचे मागाहुन एक निळ्या रंगाची चारचाकी गाडी आली व फिर्यादीचे वाहना समोर येवुन त्यांचे वाहन थांबविले त्या वाहनामधुन एक टि शर्ट व जिन्स परिधान करून असलेला व्यक्ती यांचे जवळ आला तेव्हा फिर्यादी हे घाबरले व कॉलनी कडे पळत सुटले तेव्हा सदर इसमाने त्यांचा पाठलाग करून पकडले त्यावेळी वाहनातील इतर दोघे इसम सुद्धा त्यांचे जवळ आले, त्यापैकी एका इसमाने "इसकी गलेकी चैन खिच, इसको चाकु मार" असे म्हणत होता. तेव्हा त्यापैकी एका इसमाने त्याचे जवळ असलेला चाकु काढला व चाकुचा धाक दाखवुन फिर्यादी कडे असलेली पैशांची बॅग हिसकावली व फिर्यादी यांचे गळ्यातील सोन्याची चैन वजन अडीज तोळे असलेली ज्याला त्रिशुल आकाराचा लॉकेट असलेली जबरीने गळ्यातुन ओढत असतांना तुटुन खाली पडली.त्यावेळी नमुद तिन्ही इसम हे पैशांची बॅग व तुटलेली सोन्याची चैन घेवुन पळुन त्यांचे वाहनात बसले व सदर वाहनातील वाहन चालकाने त्यांचे वाहन घेवुन चौघेही मिळुन आंबेडकर चौकाचे दिशेने निघुन गेले तरी नमुद अज्ञात आरोपीत इसमांनी फिर्यादी यांचे जवळील पैशांची बॅग ज्यामध्ये विविध किंमतीचे भारतीय चलनाचे दराचे एकुण ६,००,०००/रुपये असलेली तसेच फिर्यादी यांचे गळ्यात असलेली व ओढताण मध्ये तुटलेली अर्धी सोन्याची चैन अंदाजे वजन १० ग्रॅम किंमत ५०,०००/रु. असा एकूण ६,५०,०००/रु किंमतीचा मुद्देमाल चाकुचा धाक दाखवुन जबरीने हिसकावुन वाहनात बसुन निघुन गेले अशी तकार दिल्यावरून पो.स्टे. वणी येथे अपराध कमांक ७७०/२०२४ कलम ३०९(४), ३(५) भारतीय न्याय संहीता अन्वये नोंद करण्यात आला असुन तपासावर आहे.
गुन्हा घडताच केलेली कार्यवाही :
सदर प्रकरणातील अज्ञात आरोपीत इसमांचा शोध घेवुन त्यांना अटक करण्याकरीता तत्काळ पो.स्टे. वणी येथील दुय्यम पोलीस अधिकारी यांचे अधिनस्थ ३ वेगवेगळे पथक त्याच बरोबर स्थानिक गुन्हे शाखेची दोन पथके तयार करण्यात आले, रवाना झाले. तद्नंतर सदर प्रकरणी प्राप्त करण्यात आलेले सि.सि.टी.व्ही फुटेज व फोटो असे पोलीस स्टेशन लगतचे संपुर्ण पोलीस ठाण्यात वितरीत करण्यात आले असता पो.स्टे. मारेगाव जि. यवतमाळ येथुन माहीती प्राप्त झाली की, सदर प्रकरणातील संशयीत इसम हे मारेगाव येथील रहीवासी आहेत. १) गणेश दत्ता चौगुले वय २४ वर्षे, २) शेख सलीम शेख हुसेन वय २६ वर्षे दोन्ही रा. वार्ड क. ०७ मारेगाव येथील असल्याचे सांगीतले. त्यांना ताब्यात घेवुन पो.स्टे. वणी येथे घेवुन येवुन सविस्तर विचारपुस केली असता त्यांनी कबुली दिली की, त्यांनीच त्यांचे वर्धा येथील इतर ४ साथीदारांसह मिळुन सदरचा गुन्हा केलेला आहे. गुन्हा कबूल केल्यानंतर आरोपीचा शोध घेण्याकरीता स्थागुशा चे दोन पथके तसेच पोस्टे वणी चे एक पथक चिखलदरा, अमरावती येथे रवाना झाले. तर दोन पथके वर्धा येथे रवाना झाली. जिल्हा वर्धा येथे जावुन सदर पथकाने वर्धा पोलीस पथकाच्या मदतीने आरोपी इसम नामे १) रितीक गणेश तोडसाम वय २४ वर्षे, २) पियुष अरून नारनवरे वय १९ वर्षे दोन्ही रा. इतवारा बाजार पोलीस चौकी जवळ वर्धा जि. वर्धा, ३) तौसीफ रज्जाक कुरेशी वय २५ वर्षे रा. आनंद नगर, रेल्वे पटरीचे बाजुला वर्षा जि. वर्धा ४) सुजल सुरेश पाटील वय १९ वर्षे रा. इतवारा बाजार पोलीस चौकी जवळ वर्धा जि. वर्धा नमुद आरोपीत इसमांचे घरातुन सदर प्रकरणातील ३,१३,५००/रु.असे हस्तगत करण्यात आले. सदर प्रकरणाचा तपास पोलीस उपनिरीक्षक धिरज गुल्हाणे पो.स्टे. वणी हे करीत आहेत.
सदरची कार्यवाही मा. कुमार चिंता सो.पोलीस अधिक्षक यवतमाळ. मा. पियुष जगताप सो.अपर पोलीस अधिक्षक यवतमाळ, गणेश किंद्रे उपविभागीय पोलीस अधिकारी वणी, ज्ञानोबा देवकते पोलीस निरीक्षक स्था.गु.शा. यवतमाळ, अनिल बेहेराणी पोलीस निरीक्षक पोलीस स्टेशन वणी, यांचे मार्गदर्शनात पोउपनि/धिरज गुल्हाणे, सुदाम आसोरे, पो.हे.कॉ विकास धडसे, गजानन डोंगरे, पोना/पंकज उंबरकर, पोकों/विशाल गेडाम, शाम राठोड, मो. वसिम, गजानन कुडमेथे, शंकर चौधरी पो.स्टे वणी तसेच उपविभागीय पोलीस अधिकारी कार्यालय येथील पो.हे.कॉ इकबाल शेख, विजय वानखडे, पो.कॉ संतोष कालवेलवार, अमोल नुनेलवार, अतुल पायघन, अशोक दरेकार तसेच पोस्टे मारेगाव येथील श्री शंकर पांचाळ पोलीस निरीक्षक पोस्टे मारेगाव, श्रेणी पोउपनि प्रमोद जिडडेवार, पोहेकों/ आनंद अलचेवार, पोहेकों / अफशाल पठाण, नापोकों/ अजय वाभीटकर, पोलीस स्टेशन शिरपुर माधव शिंदे सहायक पोलीस निरीक्षक पोस्टे शिरपुर तसेच स्थानीक गुन्हे शाखा यवतमाळ चे स.पो.नि अजयकुमार वाढवे, पो.उप.नि धनंजय हाके, पो.हे.कॉ उल्हास कुरकुटे, योगेश डगवार, सुनील खंडागळे, सुधीर पांडे ना.पो.कॉ निलेश निमकर, सुधीर पिदुरकर, रजनीकांत मडावी, नरेश राऊत तसेच स्थानिक गुन्हे शाखा पथक वर्धा येथील पोउपनि/अमोल लगड, सलाम कुरेशी, पोकों/सचिन इंगोले, हमीद शेख, प्रमोद पिसे, राजेश दिवसकर, श्रीकांत खडसे, रामकिसन इप्पर, आशिष मयुरी, उदय सोळंकी यांनी पार पाडली आहे.
