सह्याद्री चौफेर | वृत्तसंस्था
मारेगाव : मारेगाव पोलीस स्टेशन च्या हद्दीत येत असलेल्या नेत गावातीलच 42 वर्षीय विलास मणिराम उईके नामक इसमाचा मृतदेह काल (ता 22) रोजी गुरुवारी दुपारी आढळून आला. आढळून आलेल्या मृतकाने विषारी द्रव प्राशन केल्याची गावात चर्चा असून, तो रोजमजुरी करून आपल्या कुटुंबाचा उदरनिर्वाह करत होता.
सदर इसम काहीवेळा नेत गावात आढळून आल्याचे गावकऱ्यांचे म्हणणे आहे. मारेगाव पोलिसांनी घटनास्थळाचा पंचनामा करून मृतदेह शवविच्छेदनासाठी मारेगाव ग्रामीण रुग्णालयात हलविण्यात आला.शवविच्छेदनानंतर पार्थिव कुटुंबातील सदस्यांना स्वाधीन करून त्याच्या पार्थिवावर रात्री दहा वाजता नातेवाईकांच्या उपस्थितीत अंत्यसंस्कार करण्यात आला. मृतकाच्या पश्चात पत्नी, दोन मुलं असा आप्त परिवार आहे.