दोन बहीण भावाची पोलिस खात्यात निवड

AI

सह्याद्री चौफेर | ऑनलाईन 

मारेगाव : गेल्या काही दिवसांपासून मोफत रेतीचा पुरवठा बंद असल्याने घरकुल लाभार्थी, मजूर तसेच ट्रॅक्टर धारक व चालक यांच्यात चिंतेचे वातावरण निर्माण झाले होते. अचानक काम ठप्प झाल्याने अनेकांच्या उपजीविकेवर परिणाम होत असल्याची ओरड असताना ऑनलाईन नोंदणीमुळे अडचणी होत्या ऑनलाईन पेक्षा ऑफलाईन रेती मिळावी अशी मागणी होती. प्रशासनाने याची दखल घेत शनिवार, दि. ४ एप्रिलपासून रेती वाटप पुन्हा सुरू करण्याचा निर्णय घेतल्याने सर्व संबंधित घटकांना मोठा दिलासा मिळाला आहे.

घरकुल बांधकामासाठी रेती हा अत्यावश्यक घटक असल्याने पुरवठा खंडित झाल्यामुळे अनेक कामे रखडली होती. आता कोसारा आणि दांडगाव घाटांवरून रेतीचे वितरण सुरू होणार असल्याने घरकुल बांधकामांना वेग येणार आहे. यामुळे मजूर वर्गासह ट्रॅक्टर चालकांच्या हाताला पुन्हा काम मिळणार असून परिसरात समाधानाचे वातावरण निर्माण झाले आहे.

दरम्यान, पावसाळा जवळ येत असल्यामुळे घरकुल बांधकाम लवकर पूर्ण करणे गरजेचे असल्याची भावना लाभार्थ्यांनी व्यक्त केली. शेती हंगामालाही सुरुवात होणार असल्याने सध्याच्या काळात घराचे काम आटोपणे सोयीचे ठरणार असल्याचे मतही पुढे येत आहे.

तसेच, रेती पुरवठा नियमित ठेवावा आणि ऑनलाईन प्रक्रियेऐवजी ऑफलाईन पद्धतीनेच वितरण सुरू ठेवावे, जेणेकरून तालुक्याच्या फेऱ्या टाळता येतील व वेळ आणि खर्चाची बचत होईल, अशी अपेक्षा लाभार्थ्यांकडून व्यक्त होत आहे.

एकंदरीत, रेती वाटप पुन्हा सुरू होत असल्याने परिसरात आनंदाचे वातावरण असून प्रशासनाच्या या निर्णयाचे स्वागत होत आहे.