सह्याद्री चौफेर | कुमार अमोल
वणी : बिल काढून देण्यासाठी लाचेची मागणी करणाऱ्या वणी नगर परिषदचे दोन अधिकारी यांना अॅन्टी करप्शन ब्युरो (ACB) विभागाच्या अधिकाऱ्यांनी लाच घेतांना रंगेहात पकडले आहे. ही कारवाई यवतमाळ रोडवरील खरेदी विक्री कार्यालयाच्या बिल्डिंग मध्ये असलेल्या गजानन भोजनालयात आज मंगळवारी 1 ऑगस्ट ला दुपारी 2:30 वाजता लाचलुचपत प्रतिबंधक विभाग यवतमाळ यांनी केली. यात एक आरोग्य निरीक्षक तर दुसरा पाणी पुरवठा व स्वच्छता अभियंता असे दोन अधिकारी एसीबी (ACB) च्या जाळ्यात अडकले आहे. या खळबळजनक घटनेने उपविभागात एकच उडाली.
सविस्तर वृत्त असे की, दिनांक 26 जुलै 2023 रोजी तक्रारदाराने लाचलुचपत प्रतिबंधक विभाग यवतमाळ येथे येउन नगर परिषद वणी येथील लोकसेवक जय अशोक उंटवाल, (44) आरोग्य निरीक्षक व लोकसेवक शुभम अनंता तायडे, (26) कनिष्ठ अभियंता जलपुर्ती विभाग यांनी लाच मागणी केल्याची लेखी तक्रार, तक्रारदारांनी दिली. सदर लेखी तक्रारी वरून दिनांक 26 जुलै 2023 रोजी पंचासमक्ष पडताळणी केली असता यातील आरोपी लोकसेवक जय उंटवाल आरोग्य निरीक्षक यांनी स्वतः करीता तक्रारदार यांना त्यांचे माहे जुन महिण्याचे देयकावर सही केल्याचा मोबदला व सदर कामात भविष्यात त्रास होऊ नये म्हणुन 20 हजार रूपये लाचेची मागणी करून लाच रक्कम स्विकारण्याचे मान्य केले. तसेच आरोपी लोकसेवक शुभम तायडे, पाणी पुरवठा व स्वच्छता अभियंता यांनी स्वतः करीता तक्रारदार यांना त्यांनी नगर परिषद वणी अंतर्गत वणी शहरातील घनकचरा संकलन, घनकचरा विलगीकरण, वाहतुक करणे, शौचालय सफाईचे कामपुर्ण केल्याचे एप्रील ते जुन महिण्याचे देयके तयार करून दिल्याचा मोबदला म्हणुन 20 हजार रूपये प्रमाणे मागील तिन महिण्याचे एकुण 60 हजार रूपये लाचेची मागणी करून लाच रक्कम स्विकारण्याचे मान्य केले. त्यावरून दिनांक 1 ऑगस्ट 2023 रोजी आयोजीत केलेल्या सापळा कार्यवाही दरम्यान, आरोपी लोकसेवक जय उंटवाल आरोग्य निरीक्षक यांनी गजानन भोयजनालय येथे स्वतः करीता 20 हजार रूपये लाच रक्कम तक्रारदार यांचे कडुन पंचासमक्ष स्विकारली असता जय अशोक उंटवाल, आरोग्य निरीक्षक व शुभम अनंता तायडे, पाणी पुरवठा व स्वच्छता अभियंता यांना रंगेहात पकडण्यात आले. पुढील तपास सुरू आहे.
सदरची कार्यवाही मा. श्री.मारूती जगताप, पोलीस अधीक्षक, अॅन्टी करप्शन ब्युरो, अमरावती परिक्षेत्र, अमरावती, श्री. देविदास घेवारे, अपर पोलीस अधीक्षक, अमरावती यांचे मार्गदर्शनाखाली पोलीस उपअधीक्षक श्री. उत्तम नामवाडे, पोलीस निरीक्षक श्री. विनायक कारेगावकर पोलीस निरीक्षक श्री. अमित वानखडे आणि पोलीस अंमलदार सचिन भोयर, महेश वाकोडे , अतुल मत्ते, अब्दुल वसिम, राकेश सावसाकडे , राहुल गेडाम, सुधीर कांबळे, सुरज मेश्राम व चालक श्रेणी पोउपनि संजय कांबळे व सुधाकर कोकेवार सर्व नेमणुक अॅन्टी करप्शन ब्युरो, यवतमाळ यांनी केली.
शासकीय लोकसेवकाने लाचेची मागणी केल्यास त्याबाबत अॅन्टी करप्शन ब्युरो यवतमाळ कार्यालयास दुरध्वनी क्रमांक 07232-244002 तसेच टोल फ्रि क्रमांक 1046 वर संपर्क करण्याचे आव्हान पोलीस उप-अधिक्षक, अॅन्टी करप्शन ब्युरो, यवतमाळ यांनी केले आहे.
