सह्याद्री चौफेर | वृत्तसंस्था
मारेगाव : ज्यांना चांगले गुण मिळाले नाही त्या विदयार्थ्यांनी खचून न जाता चांगला अभ्यास करावा, गुण कमी अधिक होत असते याचा अर्थ आपण काहीच करू शकत नाही असा त्याचा अर्थ होत नाही. कमी गुण घेणारे विदयार्थी सुद्धा प्रयत्न करून उंच शिखर गाठू शकतात सर्वानी अभ्यासात अधिक मेहनत घ्यावी चांगले मार्क घेऊन अधिकारी वर्गात येऊन देशाची राज्याची सेवा करावी असे, प्रतिपादन मारेगाव दिवाणी व फौजदारी न्यायालयाचे न्यायधीश निलेश वासाडे यांनी केले. ते मारेगाव येथील विदयार्थी गुण गौरव सोहळ्याचे विशेष अतिथी म्हणून बोलत होते. अध्यक्षस्थानी कुंभा येथील सरपंच अरविंद ठाकरे होते तर या सोहळ्याचे उदघाटन वर्धमान फाउंडेशनचे अध्यक्ष विजय चोरडिया यांनी केले व पेसा अध्यक्ष तथा स्वागताध्यक्ष भैय्याजी कनाके हे प्रामुख्याने उपस्थित होते.
सन २२२-२३ या शैक्षणिक सत्रात १० वी,१० वी मध्ये उत्तीर्ण झालेल्या गुणवंत विदयार्थ्यांचा गुण गौरव सोहळा सावित्रीबाई फुले गुण गौरव समितीच्या वतीने आयोजित करण्यात आला होता. शेतकरी सुविधा केंद्रात पार, पडलेल्या सोहळ्याचे प्रमुख अतिथी म्हणून मारेगाव पंचायत समितीचे गटविकास अधिकारी पद्माकर मडावी,मारेगाव वनपरीक्षेत्राधिकारी शंकर हटकर,नायब तहसीदार ओसिन मडकाम,तालुका वैदकीय अधिकारी अर्चना देठे,कला,महिला व बालकल्याण चे विस्तार अधिकारी दिपक कळमकर,जेष्ठ समाजसेवक पुंडलिक साठे उपस्थित विशेष कार्य करणाऱ्याचा ही गौरव करण्यात आला.
यामध्ये पत्रकार माणिक कांबळे, सरपंच तुळशीराम कुमरे पोलीस पाटील मुकिंदा बदखल, तलाठी राजू डवरे, ग्रामसेवक जयंत फुलझेले, वनरक्षक प्रेमीला सिडाम, तालुका वैद्यकीय अधिकारी डॉ अर्चना देठे, वेगाव प्राथमिक आरोग्य केंद्राच्या वैद्यकीय अधिकारी रश्मी आडे, पहापळ जि.प.शाळेचे, मुख्याध्यापक नत्थु चौधरी,अंगणवाडी सेविका, आशा खामणकर, कुमार कॉम्पुटर टायपिंग इन्स्ट्युटचे संचालक राजेश घुमे,संगणक मार्गदर्शक अभिषेक कनाके,युवा उद्योजक निलेश भगत, इत्यादीचा समावेश होता. कार्यक्रमाचे प्रास्ताविक प्रशांत भंडारी यांनी केले, सूत्रसंचालन सौ, स्नेहलता चुंबळे यांनी केले तर आभार आयोजक प्रतिभा तातेड यांनी मानले. कार्यक्रमाच्या यशस्वीतेसाठी कुमार अमोल कुमरे, पंकज साठे, बेबी आत्राम, मनिषा मोहुर्ले, गणेश तातेड, कवडू मोहुर्ले, आदेश तातेड, पंकज नेहारे, आदींनी अथक मेहनत घेतली.
