आजचे राशीभविष्य: ८ एप्रिल शनिवार..!
मेष (Aries):
सामाजिक व राजकीय आघाडीवर आपली विशेष प्रतिमा निर्माण होऊ शकते. आपल्या कार्याची योग्य दखल घेतली जाईल. त्याचे कौतुक होईल. महत्त्वाची कामे करताना त्यात पुरेसे लक्ष घालून ती स्वतःच्या निगराणीखालीच पूर्णत्वास न्यावी. छुपे शत्रू कोणत्या क्षणी दगा देतील, याचा नेम नाही. आर्थिक आघाडीवर काही अडचणी सुरू असतील तर त्या सावकाश दूर होऊ लागतील. काही जुनी येणी मिळू शकतील. आपली आर्थिक घडी सुस्थितीत येऊ लागेल. कुटुंबात समाधान असेल.
वृषभ (Taurus):
आपल्या मानसिक स्वास्थ्यासाठी सध्याची ग्रहस्थिती फारशी चांगली नाही. अतिशय व्यग्रता, काही महत्त्वाच्या निर्णयाच्या प्रसंगी दोलायमान स्थिती, एखाद्याच्या सांगण्यावरून विचार न करता भूमिका ठरवणे वगैरे घडू शकते. कोणताही महत्त्वाचा निर्णय घेण्याची वेळ आली तर भरपूर विचार करावा. प्रसंगी ज्येष्ठांचा सल्ला घेणे फायद्याचे ठरेल. करायला जावे एक आणि व्हावे विपरीत असा अनुभव येतच असेल. कार्यक्षेत्रात संमिश्र वातावरण राहील. कुटुंबातील सदस्यांमध्ये मतभेद टाळा.
मिथुन (Gemini):
महत्त्वाची कामे पूर्णत्वास नेण्यासाठी आपल्याला जीवाचे रान करावे लागेल, याची तयारी ठेवा. सामाजिक व राजकीय आघाडीवर काम करताना प्रतिष्ठेला धक्का बसणार नाही याची खबरदारी घ्या. आर्थिक आघाडीवर धीम्या गतीने का होईना, पण सुधाराचे योग आहेत. काहींना वाहन-स्थावर खरेदीचे योग संभवतात. नोकरी व व्यवसायात नरम-गरम वातावरण राहील. सहकार्‍यांशी वादविवाद होणार नाही, याची काळजी घ्या. हाडांची दुखणी असणार्‍यांचा त्रास वाढू शकतो. कुटुंबात सहकार्याचे वातावरण राहील.
कर्क (Cancer):
महत्त्वाच्या कामांमध्ये अडचणी येणे, काम पूर्णत्वास न जाणे किंवा ऐनवेळेवर काम फिसकटून पदरी अपयश पडणे असे सध्या घडत असावे. त्यामुळे काही व्यावहारिक व धोरणात्मक भूमिका अंगीकारणे लाभदायक ठरेल. आर्थिक आघाडीवर स्वस्थता राहील. आवक मंदावलेली असेल. पण त्यामुळे फारसे काही बिघडणार नाही. स्थावर संपत्ती खरेदी-विक्रीची योजना असेल. काही मंडळी वाहन खरेदीच्या प्रयत्नातदेखील असू शकतात. आर्थिक व्यवहार करताना पुरेशी काळजी घ्या.
सिंह (Leo):
नोकरी-व्यवसायात दगदग व धावपळ वाढेल. गुप्त शत्रूंच्या कारवाया आपल्या मार्गात अडचणी निर्माण करू शकतात. प्रतिष्ठा टिकवून ठेवण्यासाठी मेहनत करावी लागेल. आर्थिक अंदाजपत्रक बिघडू शकते. आवक अडलेली वा मंदावलेली राहील आणि खर्च मात्र वाढलेला असेल. काही आकस्मिक खर्चदेखील मनस्ताप देतील. जमीन वा वाहन खरेदीच्या योजना असल्यास व्यवहार पूर्ण सावधगिरीने करावा. कोणी सांगितले म्हणून विसंबून राहू नये. प्रकृतीकडे दुर्लक्ष होण्याची संभावना आहे.
कन्या (Virgo):
हा आठवडा प्रामुख्याने सकारात्मक आणि हाती घेतलेल्या कार्यात यश देणारा ठरावा. नोकरी- व्यवसायासाठी अतिशय उत्तम असणार आहे. निश्चित योजना आखून व्यावसायिक पावले उचलली तर भरपूर फायदा पदरी पडू शकेल; पण एक पथ्य पाळावयास हवे. कोणतेही कार्य हे दुसर्‍या कुणाच्या दबावाखाली येऊन वा कोणत्याही प्रलोभनाला बळी पडून हाती घेऊ नये. कुटुंबात आनंदाचे आणि समाधानाचे वातावरण राहील. आपल्या कामात सर्वांची साथ मिळेल.
तूळ (Libra):
या आठवड्यात काही अचानक लाभ होण्याची शक्यता आहे. विशेषतः नोकरीत असणार्‍यांना चांगले इन्सेंटिव्ह, वाढ मिळण्याची शक्यता आहे, तर व्यवसायात असाल तर नवे उपक्रम सुरू करता येतील. नव्या व्यवसायात किंवा नव्या क्षेत्रात पदार्पण करता येऊ शकेल. आर्थिक घडी अधिक मजबूत होईल. उत्पन्नाचे नवे स्रोत उपलब्ध होऊ शकतील. जुने विकून नवीन खरेदीचे योग संभवतात. आरोग्याची काळजी घेण्याची गरज आहे. काहींना वैवाहिक जीवनात काहीसा तणाव जाणवू शकतो..
वृश्चिक (Scorpio):
हा आठवडा आपणास काहीसा संघर्षमय जाण्याची शक्यता आहे. लहानशा कामासाठीही बराच प्रयत्न करावा लागू शकतो. कामेही विलंबाने पूर्णत्वास जातील. या आठवड्यात खरे तर आपणास स्वतःकडे लक्ष देण्याची गरज आहे. आरोग्यासंबंधातही काळजी घ्यावी लागेल. विशेषतः पोटाचे त्रास, कमरेचे त्रास, स्पॉन्डिलायटिसचा त्रास असणार्‍यांनी काळजी घेणे जरूरी आहे. आपली दिनचर्या सुधारून ही काळजी घेता येऊ शकेल. आर्थिक आघाडीवर सतर्क राहावे. कुटुंबाचे सहकार्य मिळेल.
धनु (Sagittarius):
कोणतेही मोठे निर्णय घेताना आपणास या आठवड्यात पुरेपूर सावधगिरी बाळगायला हवी. आर्थिक फसवणूक, दिशाभूल करण्याचे प्रयत्न होतील, त्यांना बळी पडू नका. कोणावरही, विशेषतः आर्थिक व्यवहारात विसंबून राहणे, विश्वास टाकणे धोक्याचे राहील. व्यवसायात जपून पावले उचलावीत. नवे उपक्रम हाती घेणार असाल तर थोडे थांवा. परिस्थितीचा अदमास घेऊन धोरण ठरवावे. कुटुंबात काहीसे संमिश्र वातावरण राहील. आरोग्याबाबत काही किरकोळ त्रास सतावतील.
मकर (Capricorn)
कार्यालयीन कामात दगदग आणि एवढे करूनही हाती काही न लागण्याची स्थिती आता बदलणार आहे. धीम्या गतीने का होईना, पावले सकारात्मकतेच्या दिशेने पडणार आहेत. हा आठवडा काहीसा अधिक खर्च करायला लावू शकतो; मात्र तो आपणास त्याचा आनंदही देईल. खर्च व्यर्थ जाणार नाही. वाहन किंवा स्थावरसंबंधी व्यवहार होऊ शकतात. काहींना मंडळींना एखादी नवीन दिशा व्यावसायिक पदार्पणासाठी खुणावू लागेल. त्यांचा वेळीच लाभ घेणे इष्ट राहील.
कुंभ (Aquarius) :
या आठवड्यात जवळपास प्रत्येकच कामात आपणास बरीच मेहनत घ्यावी लागेल. विशेषतः सरकारी कामात कमालीचा विलंब लागू शकतो. परंतु धीर न सोडता प्रयत्न सुरू ठेवल्यास अंतिमतः यश आपल्याच पदरी पडणार आहे. काहींना आरोग्यासंबंधी कुरबुरी जाणवतील. पथ्यपाणी सांभाळून प्रकृतीची काळजी घेतली पाहिजे. खर्चाला अनेक वाटा उपलब्ध होऊ शकतात. मात्र, हा खर्च काही विधायक कामात होऊन त्याचे समाधान मिळू शकेल. कुटुंबात समाधान राहील.
मीन (Pisces) :
weekly Horoscope : हा आठवडा आपणा, बव्हंशी उत्तम जाणार आहे. अनेक सकारात्मक गोष्टी घडू शकतील. आपली अडलेली कामे पूर्णत्वास जातील. आर्थिक स्थिती अधिक मजबूत होईल. अडलेला पैसा मिळेल. व्यवसायातील अडचणी दूर होतील. अचानक काही मोठे व्यवहार व त्यातून अपेक्षित लाभ संभवतो. आपल्या सहकार्‍यांशी संबंध सौहार्द्राचे राहतील याची काळजी घ्या. कौटुंबिक जीवनात चांगले वातावरण राहील. काही किरकोळ प्रसंग वगळता कुटुंबातील सदस्यांची उत्तम साथ मिळेल.
