उद्यापासून मारेगावात भव्य हॉलीबॉलचे खुले सामने

सह्याद्री न्यूज नेटवर्क | 

मारेगाव : येथील छत्रपती शिवाजी महाराज क्रिडा मंडळ च्या वतीने मो.जावेद मो.यासीन पटेल व स्व.अशोक आरेवार यांच्या स्मूर्ती प्रित्यर्थ शहरातील ओम श्री पार्क स्टेडियम, मारेगाव मार्डी रोड ला दिनांक 3 ते 5 डिसेंबर या दरम्यान, (दिवस-रात्र) डे नाईट डायरेक्ट रट्टा हॉलीबॉल चे भव्य खुले सामन्याचे आयोजन करण्यात आले आहे.

यामध्ये प्रथम बक्षिस स्व.श्रद्धाताई नांदेकर यांचे स्मूर्ती प्रित्यर्थ माजी आमदार विश्वास नांदेकर यांचे तर्फे 31,016/-, द्वितीय बक्षिस मो.जावेद मो.यासिन पटेल यांच्या स्मूर्ती प्रित्यर्थ इजहार शेख यांचे चे तर्फ 25,016/-, तृतीय बक्षिस मो.जावेद मो.यासिन

स्मूर्ती प्रित्यर्थ जुबेर पटेल यांचे तर्फ 21,016/-, चतुर्थ बक्षिस  अरविंद ठाकरे (लकी बार अँड रेस्टॉरंट) यांचे तर्फ 15,016/-, पाचवे बक्षिस आकाश बिल्डिंग मटेरियल संचालक अविनाश सुभाष मत्ते यांचे तर्फ 11,016/- तर, सहावे बक्षिस तुळशीराम बार अँड रेस्टॉरंट संचालक तुळशीरामजी डोळस यांचे तर्फे 7,016/- असे भव्य लाखोंची बक्षिसे ठेवण्यात आले असुन, बेस्ट शॉटर, बेस्ट नेटर, बेस्ट सेंटर, मॅन ऑफ द टूर्नामेंट व बेस्ट प्लेअरंना आकर्षक बक्षिसांची मेजवानी असणार आहे. प्रवेश फी 716/- तर,तक्रार फी 1616/- रुपये भरावी लागणार आहे. तसेच सामने नियमानुसार खेळविल्या जाईल, पंचाचा व मंडळाचा निर्णय अंतिम राहील,संघ वेळेवर उपस्थित न झाल्यास तो बाद करण्यात येईल, खेळाडूच्या रक्षणाची जबाबदारी स्वतः त्यांचेवर राहील,एका खेळाडूला एकाच संघात खेळता येईल,नैसर्गिक आपत्तीस मंडळ जबाबदार राहणार नाही. वरील प्रमाणे नियम व अटी सुद्धा लागू असणार आहे.

या कार्यक्रमाचे स्वागताध्यक्ष डॉ महेंद्र लोढा राष्ट्रवादी काँग्रेस महाराष्ट्र सरचिटणीस, हे राहणार आहेत तर, उद्घाटक म्हणून  माजी आमदार विश्वासभाऊ नांदेकर तर, वामनराव कासावार माजी आमदार तथा काँग्रेस महाराष्ट्र राज्य कमिटी सचिव हे अध्यक्ष म्हणून या कार्यक्रमाचे राहणार आहेत.

शासन प्रशासनास दिव्यांग वृध्द निराधार यांच्या हक्काची जानीव व्हावी म्हणून गाव तिथे दिव्यांग शाखेची स्थापना अंतर्गत धामणगाव येथे फालकाचे अनावरण

सह्याद्री न्यूज | कुमार अमोल 

मुखेड : तालुक्यातील धामणगाव येथे दिव्यांग वृध्द निराधार मित्र मंडळ महाराष्ट्र या शाखेचे उदघाटन संस्थापक अध्यक्ष चंपतराव डाकोरे पाटिल कुंचेलीकर व धामणगाव चे सरपंच विनोद पाटील यांच्या हस्ते संपन्न झाला.

             

गावकर्‍यांच्या वतीने कार्यक्रमाचे अध्यक्ष संस्थापक अध्यक्ष मा चंपतराव डाकोरे पाटिल, जि अध्यक्ष ज्ञानेश्वर, नवले जी संपर्क प्रमुख नागोराव बंडे, ता अध्यक्ष विठ्ठलराव बेलकर, सरपच, ग्रामसेवक, तंटामुक्त चे अध्यक्ष,पाहुण्याचा गावकऱ्याच्या वतीने सत्कार करण्यात आला. 

        

संस्थापक अध्यक्ष चंपतराव डाकोरे पाटिल यांनी दिव्यांग वृध्द निराधार यांच्या हक्काच्या सवलती व निधीची चोरी होऊ नये,दिव्यांगाना अपमानकारक वागणूक मिळु नये, त्यांना मान सन्मान मिळावा व दिव्यांगाच्या हक्काची जानिव शासन प्रशासनास व्हावी, म्हणून गाव तिथे शाखा उपक्रम नांदेड जिल्ह्यातील प्रत्येक गाव तेथे शाखा अभियान चालु असुन तळागाळातील दिव्यांग, वृध्द, निराधार बांधवांना संघटित करुन शासन प्रशासनाचे लक्ष केंद्रीत करण्यासाठी गाव तेथे शाखा स्थापन करून संघटितपणे लढाईत सामिल व्हावे असे डाकोरे पाटिल यांनी आव्हान केले.

      

हा कार्यक्रम यशस्वी करण्यासाठी मुखेड ता अध्यक्ष आर एम कांबळे, ता.सचिव हनमंत हेळगिरे, सर्कल प्रमुख मानसिंग वडजे, शाखा प्रमुख दुर्गाजि दाबनवाड, संतोष हेळगिरे, माधवराव वानोळे, श्रीपत सोनकांबळे, अंकिता वडजे, ईत्यादी कार्यकर्ते उपस्थित होते. 

विदर्भ मंडळ अधिकारी संघाची सभा पार पडली

सह्याद्री न्यूज | किरण घाटे 

चंद्रपूर : विदर्भ मंडळ अधिकारी संघाची केन्द्रीय सभा नुकतीच विदर्भातील उपराजधानी नागपूरात पार पडली .सभेला नागपूर, चंद्रपूर, बुलठाणा, अमरावती, वाशिम, अकाेला, गडचिराेली, वर्धा, व गाेंदिया जिल्ह्यातील पदाधिकारी प्रतिनिधी,व मंडळ अधिकारी उपस्थित हाेते. दरम्यान, याच सभेच्या आरंभी या वर्षासाठी नविन कार्यकारणीची निवड निवडणूक पध्दतीने करण्यांत आली. त्यात या वेळेस चंद्रपूर जिल्ह्याचे मूल निवासी सेवानिवृत्त नायब तहसीलदार पुरुषोत्तम काेमलवार गटाचे या निवडणूकीत वर्चस्व कायम राहिले. सदरहु निवडणूकीत अध्यक्षपदासाठी काेमलवार गटाचे बुलठाण्याचे विजय डेकाटे यांनी गत पाच वर्षापासून अध्यक्ष असलेले काटकर यांचा दणकून पराभव केला तर उपाध्यक्षपदी पुरुषोत्तम काेमलवार व सरचिटणीस पदी नागपूरचे शे.बा.चव्हाण हे अविराेध निवडूण आले. नागपूरात आयोजित करण्यांत आलेल्या सभेत मंडळ अधिकारी यांचे आर्थिक व सेवा विषयक मागण्यांबाबत सविस्तर चर्चा करण्यांत आली.

शासनस्तरावर या प्रलंबित मागण्यांचा पाठपुरावा करण्यांचा निर्णय सर्वानुमते घेण्यात आला असल्याचे काेमलवार यांनी आज या प्रतिनिधीस चंद्रपूर मुक्कामी सांगितले. सभेला विदर्भातील मंडळ अधिकारी माेठ्या संख्येने उपस्थित हाेते.

सुनील गेडामच्या बेमुदत उपोषणाला आले यश

सह्याद्री न्यूज | किरण घाटे

चंद्रपूर : जिल्ह्याच्या सिंदेवाही तालुक्यातील लाडबोरी या गावातील मुळ रहिवासी सुनील गेडाम हे तहसील कार्यालयात शेतीच्या फेरफार करण्यासाठी वारंवार फे-या मारून वैतागून गेले होते.त्यांना तुमची शेती शासन जमा करू अश्या धमक्या देखिल मिळत होत्या. मात्र, ह्या पोकळ्या धमक्यांना न जुमानता त्यांनी हा वारंवार अधिकाऱ्यांसोबत घडतं असलेला हा प्रकार ऑल इंडिया पँथर सेनेकडे कथन केला. ऑल इंडिया पँथर सेनेने त्यांना न्याय मिळेपर्यंत लढावं असं ठमकावून सांगितलं. ऑल इंडिया पँथर सेना ही तुमच्या खांद्याला खांदा लावून उभी असेल. तेव्हा सुनील गेडाम यांनी उपोषणाचा स्वतःहून मार्ग अवलंबला व त्यांनी चंद्रपूर जिल्हाधिकारी कार्यालय समोर दिनांक २४ नोव्हेंबर पासून उपाेषणाला सुरूवात केली. त्यांच्या मागण्या जोमाने धरून ऑल इंडिया पँथर सेना दिवस रात्र सोबतीने राहत होती. अखेर दिनांक १ डिसेंबर २०२१ ला त्यांच्या या लढ्याला यश प्राप्त झाले. त्यामध्ये रुपेश निमसरकार जिल्हाध्यक्ष ऑल इंडिया पँथर सेना,उपाध्यक्ष त्यागीभाई देठेकर, युवाध्यक्ष अजयभाऊ झलके, जिल्हा सल्लागार संतोषजी डांगे यांचे विशेष सहकार्य मोलाचे योगदान आहे. या शिवाय सिंदेवाही तालुकाध्यक्ष आक्रोश खोब्रागडे, तालुका युवाध्यक्ष तथागत कोवले, उपाध्यक्ष जितेंद्र नागदेवते, महेंद्र कोवले, उपकार खोब्रागडे तथा ऑल इंडिया पँथर सेनाच्या पदाधिकारी व सदस्यांचे सुद्धा विशेष सहकार्य लाभले असल्याचे रुपेश निमसरकार यांनी या प्रतिनिधीशी बाेलतांना आज चंद्रपूर मुक्कामी सांगितले.

चंद्रपूर महसूल विभाग पथकाच्या कारवाया - अवैध रेतीचे वाहने केले जप्त

सह्याद्री न्यूज | किरण घाटे 

चंद्रपूर : आज बुधवार 1 डिसेंबरला सकाळी घुग्घुस परिसरात असलेल्या चिचोली येथील रेती घाटावर चंद्रपूरचे सहाय्यक जिल्हाधिकारी तथा उपविभागीय अधिकारी राेहन घुगे यांच्या मार्गदर्शनात घुग्घुसचे मंडळ अधिकारी किशोर नवले, तलाठी शैलेश दुव्वावार, राहुल भोंगळे, रवी तल्लार, यांनी धाड टाकून तीन (अवैध रेतीचे तस्करी करणारे) ट्रॅक्टर जप्त केली. त्या नंतर सदरहु जप्त केलेली वाहने येथील तलाठी कार्यालयात दंडात्मक कारवायांसाठी जमा करण्यांत आल्याचे वृत्त आहे. 

     

या बाबत असे कळते की, घुग्घुस परिसरातील चिचोली रेती घाटावर एमएच 34 एल 3562, एमएच 34 एल 3598, एमएच 34 एल 7193 नबी भाई, अशोक घोडके, विलास रामटेके यांच्या मालकीचे तीन ट्रॅक्टर अवैध रेती तस्करी करण्यासाठी चिचोली रेती घाटावर गेले हाेते महसूल विभागाने संयुक्तरित्या धाड टाकून तीन ट्रॅक्टर जप्त करून तलाठी कार्यालयात लावले. या वेळी घटनास्थळावरुन एकूण 3 ब्रास रेतीचा अवैध साठा जप्त करण्यात आला. प्रत्येकी एका ट्रॅक्टर धारकांकडून 1 लाख 10 हजार 900 रुपये प्रमाणे 3 लाख 32 हजार 700 रुपये दंड वसूल करण्यात येणार असल्याची माहिती मंडळ अधिकारी नवले यांनी दिली.

      

गत तीन ते चार वर्षांपासून घुग्घुस परिसतील रेती घाटाचा लिलाव झाला नाही. त्यामुळे या परिसरातील अवैध रेती तस्करांनी अक्षरश: धुमाकूळ घालून ट्रॅक्टर व ट्रालीने अवैध रेती तस्करी दिवस रात्र करणे सुरु केले हाेते. आजच्या या महसुल विभागाच्या धडक कारवायामुळे रेती माफियांचे चांगलेच धाबे दणाणले आहे.