येणाऱ्या निवडणूका वंचित बहुजन आघाडी स्वबळावर लढणार - धनंजय गायकवाड

सह्याद्री न्यूज | नंदकुमार मस्के 

महागांव, (२९ ऑगस्ट) : आता नगरपंचायत व जिल्हा परिषदेच्या निवडणुका जवळच येऊन ठेपलेल्या आहे. त्या निवडणुकीच्या अनुषंगाने वंचित बहुजन आघाडीने जोमात तयारी करून शहरातील विश्रामगृह येथे येणाऱ्या नगरपंचायत निवडणुकीचे संदर्भात महिला आघाडी चे वतीने नुकतीच बैठक संपन्न झाली. या बैठकीमध्ये यवतमाळ पश्चिम विभागाचे जिल्हाध्यक्ष मा. धनंजय गायकवाड यांनी पक्ष संघटन मजबूत करून गाव तेथे शाखा निर्माण करण्याबाबत मार्गदर्शन केले. तसेच महागाव नगरपंचायत पूर्णपणे ताकत लावून एकजुटीने लढण्याचे आवाहन करण्यात आले.

येणाऱ्या निवडणुका वंचित बहुजन आघाडी स्वबळावर लढण्याचे आदेश जिल्हाध्यक्ष धनंजय गायकवाड यांनी तालुक्यातील पदाधिकारी यांना दिला तसेच त्यादृष्टीने तयारी करण्याचा सुचना दिल्या, यावेळी धम्मावती वासनिकताई महिला आघाडी जिल्हाध्यक्ष यवतमाळ आणि करूनाताई चौधरी यांनीही महिलांना मार्गदर्शन केले.

          

या बैठकीत प्रकाश डांगे, दिलीप काळबांडे, शे. महेबूब, शे. अहमद शेख हारून, जल्लाउद्दिन काझी यांनी पक्ष प्रवेश केला. धनंजय गायकवाड यांनी त्यांचे स्वागत केले. सौ. वंदनाताई भवरे, तालुकाध्यक्ष शे. अश्फाक शे. आगा, शहराध्यक्ष पप्पूभाऊ कावळे यांनी या बैठकीचे आयोजन केले. 

          

या कार्यक्रमाचे सूत्र संचालन तालुका सल्लागार रामराव कांबळे, प्रास्ताविक विजय लहाने माजी जिल्हाध्यक्ष व आभार पप्पूभाऊ कावळे यांनी मानले. सौ. शोभाताई कावळे, शकुंतलाबाई वंजारे, गयाबाई सांगडे, बेबीबाई बहाद्दूरे, श्याम कांबळे, सचिव नामदेव लहाने, श्रीराम पवार इत्यादी कार्यकर्ते मोठ्या संख्येने यावेळी उपस्थित होते.

रासा येथील युवकाची गळफास घेऊन आत्महत्या

सह्याद्री न्यूज नेटवर्क | 

वणी, (२९ ऑगस्ट) : रासा येथील युवकाची गावालगत  असलेल्या तलावाजवळील काटेरी झुडपात युवक गळफास घेतलेल्या अवस्थेत आढळुन आला. 

आत्महत्या की घातपात अशी चर्चा परिसरात सुरु असून, रासा येथील निलेश सुधाकर चौधरी (३५ वर्ष) असे नाव आहे. मृतकाच्या अंगावर खरचटलेच्या खुणा आढळुन आल्याने, चर्चेला उधान आले आहे.

घटनेची माहिती गावातील लोकांनी पोलीस प्रशासनाला देताच, पोलीस प्रशासन घटनास्थळी तात्काळ दाखल झाले.

घटनेचा तपास पोलीस प्रशासन करीत असून, तपासा अंती मृत्यूदेहाचे खरे कारण समोर येईल.

मेघा ताई एक उत्तम शिक्षिका

 

संकलन : किरण घाटे

मेघा ताई या एक उत्तम शिक्षिका आहेत, त्याच सोबत साहित्य क्षेत्रात त्या अग्रेसर असून त्यांनी वृत्त पत्रातून स्त्री विषयक विपुल लेखन केले आहे. आकाशवाणी वर त्यांचे बरेच कार्यक्रम झालेले आहे. त्यांना अभिनयाची तसेच नृत्याची खूप आवड आहे. त्या आपल्या कलेतून त्यांनी सावित्रीबाई फुले बोलतेय, विवेकानंद, बाबांना श्रद्धांजली, मोबाईलचा गोंधळ ती फुलराणी असे अनेक एकपात्री प्रयोग सादर करून रसिकांची मने जिंकली, त्यांनी आजवर अनेकदा रक्तदान केलेले आहे.

सामाजिक वनीकरण या माध्यमातून त्या वृक्षारोपण करीत असतात. २०१९ मधे त्यांना महाराष्ट्र राज्य विश्वकोश निर्मिती मंडळ नाशिक येथे त्यांनी कृतीसत्रात सहभाग घेऊन त्यांचा सत्कार करण्यात आला.आजपर्यंत बरेच पुरस्कार त्यांना मिळालेले आहे. २०१९ मधे नवरत्न साहित्य परिषद अहमदनगर यांच्या तर्फे ताईंना नारी रत्न पुरस्कार देऊन गौरवण्यात आले. त्यांना कविता लेखनाची सुध्दा आवड असून लवकरच त्यांचा काव्यसंग्रह प्रकाशनाच्या वाटेवर आहे. त्यांचे विषयी लिहावे तेव्हढे कमीच आहे.

सहजं सुचलं महिला व्यासपीठासाठी मायाताई काेसरे, विजया भांगे, प्रभा अगडे, सुविधा बांबाेडे, विजया तत्वादी, डॉ.अंजली साळवे यांचे सह अधिवक्ता मेघाताई धाेटे यांचे योगदान फार माेलाचे व तेव्हढेच महत्वाचे आहे. हे विसरता येण्यासारखे नाही.

-साै.स्मिता बांडगे

शिक्षिका मूल जि.चंद्रपूर

मो. ९४२१७१८३४७

वरोरा एअरब्रोन अकॅडमी च्या वतीने ६० किमी पद यात्रा

सह्याद्री न्यूज | कालू रामपुरे 

वरोरा, (२९ ऑगस्ट) : एअरब्रोन अकॅडमी नेहमीच सामाजिक कार्यात अग्रेसर असते. कमांडर सागर कोहळे, प्रवीण चिमूरकर, तुराणकर यांच्या नेतृत्वाखाली एअरब्रोन अकॅडमी च्या वतीने वरोरा ते चंदनखेडा पर्यंत ६० किमी पायी पदयात्रा काढण्यात आली. यामध्ये ७० मुलींनी सहभाग घेतला होता.

या ६० किमी पद यात्रेतील सहभागी व आयोजकांची सुधीरभाऊ मुडेवार यांनी चंदनखेड्यात राहण्यासाठी व जेवणाची उत्तम व्यवस्था केली. पद यात्रे दरम्यान वाटेत आरोग्याच्या दृष्टीने उपयुक्त व्यवस्था गांधी उद्यान, रॉयल रायडर्स, रोटरी क्लब यांनी केली होती. या ६० किमी पद यात्रेचा उत्साह वाढवण्यासाठी शहरातील सामाजिक कार्यकर्ते प्रवीण सुराणा, नितेश जैस्वाल, गांधी उद्यानचे मनोज कोहळे, इनरव्हीलच्या अध्यक्षा मधू जाजू, आरोग्य सभापती दिपाली टिपले, माया बजाज, बोधे मॅडम हर्षदा कोहळे, रॉयल रॉयडर्स चे अदनान सिद्दीकोट हे उपस्थित होते.

आयोजकांसह सहभागी मुली वरोरा परत येऊन क्रीडा क्लब येथे ही पदयात्रा समाप्त झाली. यावेळी सर्व मुलींचा सत्कार करण्यात आला व प्रोत्साहन शुभेच्छा दिल्या. एअरब्रोन अकॅडमी वरोराचा स्तुत्य उपक्रमाला 

शहराचे नामवंत आ. नगराध्यक्ष एहतेशाम अली यांच्या वतीने सर्वांचे स्वागत करण्यात यावेळी आले.

स्वताच्या व्हाँट्सअपवर स्टेटस् ठेवून "ताे" आत्महत्या करण्यांस निघाला..

सह्याद्री न्यूज | किरण घाटे 

स्वताच्या व्हाँट्सअप नंबर वर स्टेटस् ठेवून ताे चक्क आत्महत्या करण्यांस निघाला पण अनेकांच्या समयसुचकते मुळे ताे सहीसलामत बचावल्याची घटना काल शनिवार दि.२८आँगष्टला उपराजधानी नागपूरात घडली. या घटनेतील युवकाचे नांव योगेश नासरे असून ताे खुद्द एक रुग्ण सेवक असल्याचे बाेलल्या जाते. या बाबत असे कळते की नागपूर परिसरातील अनेक रुग्णांना सतत सेवा देणां-या याेगेशने काल स्वतःच्या व्हाट्सअप नंबर वर आत्महत्या करणारी स्टेटस ठेवली होती. शहरातील स्थानिक

संताजी ब्रिगेड तेली समाज महासभाच्या पदाधिकाऱ्यांनी त्याचे व्हाट्सअपवर स्टेटस बघितल्यावर सर्व व्हाट्सअप ग्रुप वर हा मेसेज लगेच वायरल केला. एव्हढेच नाही तर संताजी ब्रिगेड पदाधिका-यांनी D.C.P. ऑफिस अजनी येथे पोहोचून अधिकाऱ्यांची भेट घेतली व त्यांना योगेश नासरे यांचे व्हाट्सअप स्टेटस दाखवले. लोकेशन माहिती बघताच पोलीस अधिकारी मदतीला धावून आले त्यातही एक देवदूत विष्णू शेजोडे निवासी शेगाव हा फुटाळा तलावाच्या सुंदरी करणाचे काम करत असताना त्याने व्हाट्सअप वरची माहिती बघितली. त्यास त्याच क्षणी फुटाळा तलावाच्या पायरी वर एक संशयित व्यक्ती बसलेला दिसला. ताे व्यक्ती म्हणजे योगेश नासरे हाेता. शेजाेळ यांनी त्यास हाक दिली. तेव्हा तो तिथून निघुन गेला. त्याच वेळी शेजोळ यांनी त्याचा पाठलाग करीत त्याला थांबविण्याचा बराच प्रयत्न केला पण योगेश बाईकवर असल्यामुळे तो समोर निघून गेला. नंतर त्यांनी धावून त्याचा पाठलाग केला. ताे पर्यंत योगेश काही अंतरावर निघून गेला हाेता. याेगेशने त्या ठिकाणी विष प्राशन केले. वेळेचा विलंब न लावता शेजोड यांनी संताजी ब्रिगेडच्या काही पदाधिकार्‍यांना या बाबत माहिती दिली. लोकांच्या मदतीने बाईक वर बसून योगेशला मेडिकल करीता आणित असतांना पाेलिस घटनास्थळी पाेहचले. नंतर अंबाझरी पोलिस स्टेशनच्या मदतीने त्यांस मेडिकल कॉलेजला उपचारार्थ आणण्यांत आले. संताजी ब्रिगेड तेली समाजाच्या पदाधिकाऱ्यांनी याेगेशचा प्राण वाचविण्यांसाठी ही महत्वपूर्ण कामगिरी पार पाडली.

या कामगिरीत अजय धोपटे विजय हटवार, रवींद्र बावनकर, परेश भांनारे सुरेश शेंद्रे, अमोल नासरे, मंगेश साकरकर व इतर पदाधिका-यांचे सहकार्य लाभले. परंतु या घटनेतील रुग्ण सेवक योगेशने आत्महत्या करण्यांचा निर्णय का घेतला यांचे कारण हे व्रूत्त लिही पर्यंत कळु शकले नाही. या घटनेने अख्ख्या नागपूरात खळबळ उडाली हे मात्र तेव्हढेच खरे आहे.