सह्याद्री चौफेर | वृत्तसंस्था
मारेगाव : मतदार संघात हजार कोटींची कामे करून आमदार बोदकुरवार ह्यांनी वणी विधासभेचा चेहरा मोहरा बदलला आहेत. पणमात्र, विरोधकांकडून काहीच न केल्याचे उगाच मतदारांची दिशाभूल केल्या जात आहे. महायुतीचे अधिकृत उमेदवार संजीवरेड्डी बोदकुरवार यांच्या रूपाने विकासपुरुष उमेदवार निवडून देण्यासाठी कटिबद्ध राहूया, असे आवाहन भाजप तालुका अध्यक्ष अविनाश लांबट यांनी मतदारांना केले आहे.
भाजप महायुतीचे उमेदवार संजीवरेड्डी बोदकुरवार यांच्या प्रचारार्थ मारेगाव तालुक्यातील गाव भेटी दरम्यान नागरिकांनाकडून त्यांना सकारात्मक प्रतिसाद मिळत आहे. प्रत्येक उमेदवार वेगवेगळ्या माध्यमातून मतदारांपर्यंत पोहोचण्याचा प्रयत्न करीत आहे. यात आ. संजीवरेड्डी बोदकुरवार यांनी गाव भेटी तून बैठकींकडे लक्ष केंद्रित केले असून, ते दौरे, कॉर्नर सभा व बैठकांच्या माध्यमातून मतदारांपर्यंत पोहोचत आहेत. शहर आणि ग्रामीण भागात या बैठकांचे आयोजन केले जात असून, या बैठकींमधून त्यांचा १० वर्षाच्या कार्यकाळातील कामे सांगितली जात आहेत. गावांना भेटी देत स्थानिक ग्रामस्थांशी संवाद साधत असताना ग्रामस्थांच्या अपेक्षा, समस्या व प्रश्न जाणून घेत ते सोडविण्यासाठी आपण कटिबद्ध असल्याचे संजीवरेड्डी बोदकुरवार यांनी सांगितले.
बुधवारी आ.बोदकुरवार यांनी वणी तालुक्यातील 22 गावात पदयात्रा काढून मतदारांशी संवाद साधला. या प्रचार कार्यात महायुतीतील शिवसेना, रिपाई (आठवले गट), घटक पक्षांचे पदाधिकारी, कार्यकर्ते व समर्थक वणी विधानसभा मतदार संघ पिंजून काढत आहे.
