सह्याद्री चौफेर | कुमार अमोल
वणी : माझा जन्म कोकण, मात्र माझी कर्मभूमी मुंबई आहे.गेल्या चार वर्षांपासून आपल्या वणी चा संपर्क प्रमुख म्हणून करतो. त्यावेळी गट बाजी असतील, आजही असतील. आम्ही गट बाजी मानत नाही, आजही इमाने इतबारे पक्षासाठी काम करतोय, स्वतःची व्यक्ति हवी असेल तर उमेदवार कोणीही असुद्या त्याच्या पाठीशी आपल्याला खंबीरपणे उभं राहून काम करायचं आहे,असे प्रतिपादन वणी विधानसभा संपर्क प्रमुख विजयानंद पेडणेकर यांनी केले. ते विधानसभा प्रमुख संजय देरकर यांच्या नेतृत्वात वणी विधानसभा मतदार संघात पक्ष प्रमुख उद्धव ठाकरे यांच्या वाढदिवस निमित्ताने 'भगवा सप्ताह' कार्यक्रमाचे आयोजन करण्यात आले. यावेळी जेष्ठ शिवसैनिकांच्या सत्कार प्रसंगी ते शिवसेना जनसंपर्क कार्यालयात बोलत होते.
यावेळी विधानसभा प्रमुख संजय देरकर, उपजिल्हा प्रमुख संजय निखाडे, उपजिल्हा महिला संघटिका डिमन टोंगे, माजी उपजिल्हा प्रमुख दीपक कोकास, आदीं प्रामुख्याने उपस्थित होते.
या सप्ताहात त्यांच्या हस्ते काही जेष्ठ शिवसैनिक यांचा सत्कार करण्यात आला. संपर्क प्रमुख श्री.पेडणेकर म्हणाले की, गेल्या तीस वर्षांपासून आपण काम करत आहात त्यांचा मला सार्थ अभिमान आहे. परंतु,आपली जबाबदारी काय आहे ते सर्वांनी समजून घेऊन एकत्र येणं आणि काम करणं,तेव्हाच आपला विजय होणार आहे.
संजय देरकर यांनी पुन्हा शिवसेनेला प्रवाहात आणू, असे सांगत आदरणीय पक्ष प्रमुख उद्धवजी ठाकरे यांच्या वाढदिवसाच्या निमित्ताने वणी विधानसभा मतदार संघामध्ये भगवा सप्ताह च्या माध्यमातून विविध उपक्रम राबविण्यात येत आहे, यात नव्याने सदस्य नोंदणी याबाबत मान्यवरांच्या उपस्थितीत भूमिका विषद केले. त्यानंतर इतरही मान्यवरांनी आपली मते मांडली.
या प्रसंगी जेष्ठ शिवसैनिकांनी शिवसेनेला वणी विधानसभेत मनासारखे नेतृत्व लाभल्याने जेष्ठ शिवसैनीकांनी विधानसभा प्रमुख संजय देरकर यांची कास धरत आगामी विधानसभा निवडणुकीत संजय देरकर यांना साथ देणार असे,अनेकांनी यावेळी मत व्यक्त केली.
कार्यक्रमात युवासेना उपजिल्हा प्रमुख अजिंक्य शेंडे, निकेश चव्हाण, वसंतराव डुकरे, चंदू हस्तक, रमेश शर्मा, गोवर्धन टोंगे, विलास भट, दिवाकर वनकर, खुशाल शेंडे, मंगेश मत्ते, विलास वांढरे, विनोद बलकी, राजू मोहितकर, रामकृष्ण राजूरकर, अजय चन्ने, श्रीरंग दुरतकर, खंडू वरारकर, शामराव मडावी, दिलीप खंडाळकर, महादेव बावणे, सुभाष भोगेकर, दिनेश भोसकर, बंडू बोथले, नितीन शिरभाते, विठ्ठल घाटे, मारोती नगराळे, सुनील ढुमणे, रामचंद्र वाभिटकर, खंडूभाऊ वरारकर, संकेत मोहिते, अर्जुन निखाडे, सुरेश देशकर, चंदाताई मुन, किर्ती देशकर, प्रमोद मुन, सुमंता उपरे, अनिल राजगडकर, गजानन आसुटकार, मंगेश करंडे, हरिदास केळझरकर यांच्या सह असंख्य शिवसैनिक उपस्थित होती.
