सह्याद्री चौफेर | कुमार अमोल
मारेगाव : मागील कित्येक वर्षापासून प्रलंबित असलेला मारेगाव तालुक्यातील क्रीडा संकुलाच्या प्रश्न अखेर मार्गी लागला आहे.
मारेगाव तालुक्यात 90-95 गावे येतात. इथे विद्यार्थी पोलिस,आर्मी भरती ची तय्यारी मोठ्या प्रमाणात करतात. मात्र तालुक्यात एकही क्रीडांगण उपलब्ध नसल्याने येथील विद्यार्थ्यांना मोठी अडचण येत होती. वारंवार मागणी करूनही काहीही होत नव्हते. मात्र श्री. शंकरराव मडावी नगरसेवक यांना येथील विद्यार्थी भेटले आणि त्यांनी क्रीडांगण साठी मागणी केली.
त्यानंतर सतत पाठपुरावा करून जिल्हाधिकारी, मुख्य कार्यकारी अधिकारी, तहसीलदार, गटविकास अधिकारी यांच्यासोबत बैठक झाली. आणि त्यानंतर टाकरखेडा शिवारातील 5 एकर जागा क्रीडा संकुलासाठी मंजूर करायचे ठरविण्यात आले. या जागेचा प्रस्ताव क्रीडा विभागामार्फत तय्यार करण्यात आला. मात्र ग्रामविकास विभागाच्या हद्दीतील जागेसाठी जिल्हा परिषदेची NOC आवश्यक होती. त्याकरिता गटविकास अधिकारी मार्फत दिनांक 29 डिसेंबर 2022 ला मुख्य कार्यकारी अधिकारी, जिल्हा परिषद यवतमाळ येथे प्रस्ताव सादर करण्यात आला. आणि दिनांक 9 जानेवारी 2023 ला जिल्हा परिषदेची NOC प्राप्त झाली. त्यानंतर प्रस्ता जिल्हाधिकारी यांच्याकडे मान्यतेसाठी पाठविण्यात आला आणि दिनांक 28 एप्रिल रोजी मा.जिल्हाधिकारी महोदयांनी याबाबतचा आदेश पारित करून 5 एकर जागा तालुका क्रीडा संकुलासाठी मंजूर केली. आता लवकरच 5 एकर जागेवर भव्य असे क्रीडा संकुल होणार आहे. त्यामध्ये रनिंग ट्रॅक, क्रिकेट, फुटबॉल व्हॉलिबॉल, कब्बडी, खो-खो, स्विमिंग, स्केटिंग, इनडोअर सर्व खेळ (बॅटमिंटन, टेबल टेनिस,बॉक्सिंग) इ. सर्व खेळांचा समावेश असणार आहे.
एक भव्य दिव्य असे,सर्व सोयीसुविधा असलेले स्टेडियम मारेगाव तालुक्यामध्ये होणार आहे . ज्यामुळे तालुक्यातील विद्यार्थ्याची मोठी सोय होणार आहे. मागील कित्येक वर्षाची मागणी या वेळेस पूर्णत्वाला येत आहे.
यावेळी पक्षीय राजकारण बाजूला ठेवून श्री. संजय राठोड पालक मंत्री, श्री. बाळू भाऊ धानोरकर खासदार, श्री. संजिवरेड्डी बोदकुरवार आमदार, श्री वामनराव कासावार माजी आमदार, श्रीमती नंदा खुरपुडे जिल्हा क्रीडा अधिकारी, श्री. मिलमिले तालुका क्रीडा आधिकरी यांनी सर्वतोपरी मदत केली. त्यासाठी त्यांचे श्री. शंकरराव मडावी यांच्या वतीने आभार मानण्यात येत आहे.
