सह्याद्री चौफेर | वृत्तसंस्था
यावेळी सरपंचा रंजना बांदूरकर, संगीता राजूरकर, मनीषा डाहुले, वृंदा रासेकर, गयाबाई अंकावर, शोभा मुसळे, मंजुषा गेडाम, बेबी पायघन, विमल पारखी, विमल गेडाम, सुनीता हनुमंते, संगीता मेश्राम, वंदना घुगुले, सुनिता बांदूरकर, अनिता गाताडे, शारदा महाकुलकर, विराबाई पेंदाणे, शीतल पेंदाणे, संगीता बोबडे, अर्चना बोबडे, अंजु डाहुले, बेबी सातपुते, बेबी तिखट, मीना डाहुले, मनीषा कोल्हे आदींची उपस्थिती होती.
तालुक्यातील वेळाबाई येथील अवैध दारूविक्री बंद करण्यासाठी शिरपूर ठाणेदार करेवाड यांना गावातील असंख्य महिलांनी सरपंचा बांदूरकर यांच्या समवेत अवैध दारूविक्री बंदी करण्याची मागणी केली. या अवैध दारूविक्री ने गावातील वातावरण गडूळ झाले असून महिला व तरुणींना मोठ्या प्रमाणात नाहक त्रास सहन करावा लागतो. परिणामी देशाचं भविष्य व्यसनाच्या आहारी जात असून गावातील शांतता भंग होण्याच्या मार्गांवर आहे.
परिणामी गावातील अवैधरित्या सुरु असलेली दारू विक्री तात्काळ बंद करण्याची मागणी उपस्थित महिलांसह सरपंच यांनी दिलेल्या निवेदनातून करण्यात आली. तूर्तास शिरपूर पोलीस स्टेशन हे अवैधरित्या होणाऱ्या धंद्या वर लगाम लावण्यासाठी ओळखले जाते, नुकतेच विविध गुन्ह्यातील दारू वर बुलडोजर चढविण्यात आले. त्यामुळे वेळाबाई येथील अवैध दारुविक्री वर कारवाई चे बुलडोजर ठाणेदार साहेब कधी चालवतात याकडे नागरिकांचे लक्ष लागले आहे.