मारेगाव : अवैध मुरूम वाहतूक करणारे 3 ट्रॅक्टर जप्त, महसूल पथकाची कामगिरी..

सह्याद्री चौफेर | वृत्तसंस्था 

मारेगाव : शुक्रवार दिनांक 5/5/2023 रोजी ठीक मध्यरात्री 1.00 वा. राज्यमार्ग मार्डी- मच्छिन्द्रा रोड वरील मार्डी पेट्रोल पंप समोर तीन लाल रंगाचे महिंद्रा सरपंच, मेसी फर्गुशन व आणखी एका कंपनीचे ट्रॅक्टर व लाल रंगाची ट्रॉली यामध्ये मुरूम अवैधरित्या वाहतूक करताना आढळून आले. 

पथक प्रमुख अमोल गुघाने, तलाठी शिंगणे, तलाठी कुळमेथे हे होते. सदरचे ट्रॅक्टर मुद्देमालासह तहसील कार्यालय येथे जमा केले. या प्रकरणी ट्रॅक्टर मालक रत्नाकर देवराव जुमळे, अभय जुमळे, सुबोध शर्मा हे तिघेही रा. मार्डी येथील असून यांच्यावर अवैध उत्खनन करून विनापरवाना मुरूमाची वाहतूक केल्याप्रकरणी ट्रॅक्टरवर जप्तीची कारवाई करण्यात आली. 

सदरची कारवाई तहसीलदार दिपक पुंडे यांच्या मार्गदर्शनाखाली मंडल अधिकारी अमोल गुघाने, तलाठी शिंगणे, तलाठी कुळमेथे, वाहन चालक विजय कन्नाके, कोतवाल लवू भोंगळे यांनी केली आहे.

जिल्ह्यामध्ये मारेगाव व ग्रामीण भागात अवैधरित्या रेती व मुरूम वाहतुक करुन तस्करी करणाऱ्या वाहनांवर महसूल विभागाच्या विशेष पथकाने कारवाई मोहीम सुरु केली आहे. त्यामुळे तालुक्यातील विविध भागातील तस्करांना या धाडसी कामगिरीची चांगलीच धडकी बसली आहे.

.