सह्याद्री चौफेर | राजू डावे
वणी : काँग्रेसचे राज्यातील एकमेव खासदार बाळू धानोरकर यांनी वणी तालुक्यात वाघाच्या हल्ल्यात मृत पावलेल्या व्यक्ती अभय मोहन देऊळकर रा. भुरकी (रांगणा) व रामदास जगन्नाथ पिदुरकर कोलेरा (पिंपरी) या दोन मृतकांच्या घरी जाऊन त्यांच्या कुटुंबीयांचे सांत्वन करण्याकरिता खासदार बाळू धानोरकर यांनी दोनही मृतकांच्या कुटुंबियांना भेट दिली.
त्यापूर्वी वणी रेस्ट हाऊस येथे उपविभागीय अधिकारी तहसीलदार तसेच वनविभागाचे वरिष्ठ अधिकारी यांचेसोबत चर्चा करून कायमस्वरूपी नरभक्षी वाघाचा बंदोबस्त करून मृतकांच्या कुटुंबीयांना उर्वरित आर्थिक मदत तात्काळ देण्याच्या सूचना केल्या वणी तालुक्यात भविष्यात मानवावर हमला होवू नये. याची दक्षता घ्यावी अशा सूचना संबंधित अधिकाऱ्यांना दिल्या. तसेच रंगनाथस्वामी फार्मर्स प्रोडयुसर कंपनी लि. वणी चे अध्यक्ष संजय खाडे यांचेकडून मृत व्यक्तींना वारस मोहन आनंदराव देऊळकर यांना 10,000 रू. व प्रतिभा रामदास पिदूरकर यांना 10,000 रू. असे 20,000 रू. मा. खासदार बाळू भाऊ धानोरकर यांच्या हस्ते आर्थिक मदत करण्यात आली. त्यात शासकीय मदत प्रत्येकी 10 लाख रु. त्यांना मिळाले आहे.
उर्वरित 10 लाख रु. सुद्धा तात्काळ आजचा आजच द्या अशी सूचना खासदार बाळू धानोरकर यांनी दिल्या तसेच परिसरात फिरत असलेले नरभक्षक वाघ आहे त्या वाघाचा कायमस्वरूपी बंदोबस्त करा असे उपविभागीय अधिकारी, तहसीलदार व वनविभागाच्या अधिकाऱ्यांना सूचना केल्या.
परिसरातील शेतकरी व शेतमजूर यांनीसुद्धा घाबरून जाऊ नये असा धीर दिला. यावेळी परिसरातील कोलेरा, पिंपरी, पिंपळगाव, उकणी, व मुंगोली या गावच्या पुनर्वसनाबाबत लवकरात लवकर पुनर्वसन करण्यासाठी मा. जिल्हाधिकारी त्यांच्यासोबत चर्चा करून शक्य तितक्या लवकर मिटिंग लावून पुनर्वसनाचा मार्ग व इतरही समस्या मार्गी लावण्यासाठी मिटिंग घेण्याच्या सूचना जिल्हाधिकारी, उपविभागीय अधिकारी व तहसीलदार त्यांचेसोबत माझ्या उपस्थितीत मिटिंग लावा अशा सूचना मा. खासदारांनी दिल्या.
या प्रसंगी उपविभागीय अधिकारी डॉ. शरद जावळे, तहसीलदार निखिल धूळधर वणी, किरण जगताप उप वनसंरक्षक पांढरकवडा, आशिष वासनिक वनपरिक्षेत्र अधिकारी वणी, टिकाराम कोंगरे अध्यक्ष जिल्हा मध्यवर्ती सह बँक, संजय खाडे अध्यक्ष रंगनाथस्वामी फार्मर्स प्रोडयुसर कंपनी लिमिटेड वणी, प्रमोद वासेकर, संजय सपाट, जितेंद्र बोंडे, प्रफुल उपरे, बंडु सोनटके, विलास चिकटे सरपंच नांदेपेरा अधिकारी व मोठ्या संख्येने गावकरी उपस्थित होते.
