तहसील कार्यालय महागाव येथे निरोप समारंभ संपन्न

सह्याद्री न्यूज | नंदकुमार मस्के 

महागांव, (२९ ऑगस्ट) : तहसील कार्यालय महागाव यांचे वतीने आदरणीय स्वप्नील कापडणीस उपविभागीय अधिकारी उमरखेड तसेच श्री एन.जे. इसलकर तहसीलदार महागाव व इतर कर्मचारी यांना निरोप देण्यात आला.

या कार्यक्रम प्रसंगी देऊळगावकर सर प्रभारी उपविभागीय अधिकारी उमरखेड तथा तहसीलदार उमरखेड अध्यक्षस्थानी होते. तसेच प्रमुख पाहुणे म्हणून  विश्वंबर राणे साहेब, डॉ. संतोष आदमूलवाड, सौ. माया ठोके मॅडम मंचावर उपस्थित होते. सर्वप्रथम स्वप्नील कापडणीस उपविभागीय अधिकारी यांचा सन्मान शाल व श्रीफळ देऊन सन्मान करण्यात आला.तसेच एन जे इसलकर तहसीलदार महागाव यांचा सपत्नीक शाल व श्रीफळ देऊन सत्कार करण्यात आला. तसेच इतर कर्मचारी श्री पाईकराव, भडंगे, पांडे, अश्विनी फाटे, पुरी मंडळ अधिकारी यांचा शाल व श्रीफळ देऊन सत्कार करण्यात आला.

उपविभागीय अधिकारी देऊळगावकर यांनी आपले मनोगत व्यक्त करताना म्हटले की इसलकर साहेब यांनी तहसीलदार पदाचा प्रभार हा उत्तम रित्या सांभाळला. इसलकर साहेब यांनी कर्मचाऱ्यांना व येणाऱ्या जाणाऱ्या प्रत्येक नागरिकाला आपुलकीची वागणूक देऊन सर्व सामान्य जेनतेचे कामे केली व तसेच उपविभागीय अधिकारी कापडणीस साहेब यांचा कार्यकाळ सुद्धा चांगल्या प्रकारे गेला सदर कार्यक्रमाला सर्व कर्मचारी अधिकारी हजर होते.

कार्यक्रमाचे प्रास्ताविक डॉक्टर एस. एस. अदमूलवाड नायब तहसीलदार यांनी केले तसेच सूत्रसंचालन शंकर चव्हाण व आभार प्रदर्शन राजू वैद्य यांनी केले. सदर कार्यक्रम यशस्वी करण्याकरिता सर्व अधिकारी, कर्मचारी, मंडळअधिकारी, तलाठी, शिपाई व कोतवाल यांनी सहकार्य केले.

कोलगाव येथील लाभार्थ्यांना खावटी योजनेचा किराणा साहित्य वाटप

सह्याद्री न्यूज | शंकर घुगरे 

वणी, (२९ ऑगस्ट) : आज मौजा कोलगाव येथे एकात्मिक आदिवासी प्रकल्प अंतर्गत खावटी योजना ही लाभार्थ्यांना वाटप करण्यात आली. दुसऱ्या टप्प्यातील किराणा वाटप आज लाभार्थ्यांना मिळाला आहे. पहिल्या टप्प्यात प्रती पात्र कुटुंबास रुपये २०००/-खात्यावर जमा करण्यात आले होते.

या योजनेतुन ग्रामीण भागातील आदिवासी कुटुंबाना कोरोना काळात आधार देण्याचा उद्देश आहे. आज कोलगाव येथील लाभार्थ्यांना किरणा साहित्य वाटप करण्यात आले.

त्या वेळी गणेश जेनेकर सरपंच, सौ.निताताई गावडे उपसरपंच, ग्रामपंचायत सदस्य, व सुमित सोनटक्के सर, मनोज ढेगळे सर, बंडु गिलबिले उपस्थित होते. 

माथार्जून (पाटण आई) येथे शामा दादा कोलाम संघटना समिती गठीत

सह्याद्री न्यूज | योगेश मडावी 

झरी, (२९ ऑगस्ट), : आज दिनांक २९/८/२०२१ ला पाटण आई देवस्थान येथे नविन शामा दादा कोलाम संघटना समिती गठीत करण्यात आली आहे.

त्या मध्ये झरी तालुका अध्यक्ष मा.कैलास लालुजी आत्राम, उपाध्यक्ष मा.पांडु चिनू टेकाम, सचिव मा.देवा गोली टेकाम, कोषधयक्ष मा.संजय रामदास आत्राम, यांची सर्वानुमते निवड करण्यात आली.

सर्व सल्लागार मंडळीने मिळुन निर्णय घेतले. यावेळी  सर्व कोलाम बांधव व कार्यकर्ते उपस्थित होते, या कार्यक्रम समितीचे अध्यक्ष जानराव सोनु दडांजे, उपाध्यक्ष गंगाधर आत्राम, सचिव बाळू आत्राम, सल्लागार समितीचे अध्यक्ष मा. तुकाराम आत्राम, माजी अध्यक्ष संतोष मेश्राम, माजी सचिव आत्माराम आत्राम व यवतमाळ चे विजय ढोबरे साहेब व सामजिक कार्यकर्ता सोनेराव आत्राम इत्यादी उपस्थित होते.

अचानक विज पडून ६ बकऱ्या दगावल्या

सह्याद्री न्यूज | विवेक तोडासे 

मारेगाव, (२९ ऑगस्ट) : तालुक्यातील दोन घटना ताजी असतांना आता तिसरी घटना समोर आली आहे. वरूड येथील मन हेलावून टाकणारी एक घटना घडली. वरूडच्या टेकडी परिसरात अचानक विज पडून तब्बल ६ शेळ्या दगावल्या, त्या कवडु नागोशे यांच्या शेतालगत चरत असतांना अचानक विज कोसळली आणि सहा बकऱ्या जागीच ठार झाल्या आहे.

ही घटना रविवार (२९ ऑगस्ट) ला ४.३० वाजताचे दरम्यान, घटना घडली असल्याचे कळते.

या दुर्दैवी घटनेत नग ३ जिजा नागोशे यांच्या शेळ्या आहेत, तर महादेव घोसले यांच्या नग ३ शेळ्या दगावल्या आहेत. अशा ऐकूण सहा नग दगावल्याचे कळते. यामध्ये जवळपास ८०/ हजार रूपयांच्या वर नुकसान झाले असल्याचे स्थानिकातून बोलल्या जात असून, शेळी मालकाला आर्थिक मदत मिळावी असे मत व्यक्त होत आहे.

तालुका विविध घटनेने हादरला : मारेगाव तालुक्यात आत्महत्येचे सत्र काही केल्या थांबता थांबेना!

सह्याद्री न्यूज | विवेक तोडासे 

मारेगाव, (२९ ऑगस्ट) : तालुक्यात आत्महत्येचे सत्र सुरूच आहे. आज सकाळी बुरांडा (खडकी) येथील एका इसमाने शेतात गळफास घेऊन आत्महत्या केल्याचे उघड झाले. मृतकाचे नाव बळीराम कर्णू धुर्वे (३७) असे आहे.

बळीराम धुर्वे हा बुरांडा (खडकी) येथील रहिवाशी होता. तो ट्रॅक्टर चालक होता. तसेच शेतमजुरीही करायचा. गेल्या १५-२० दिवसांपासून तो गावात नव्हता.  शनिवार दिनांक २८ ऑगस्ट रोजी तो गावात परतला होता. त्यानंतर रात्री साडे दहा वाजताच्या सुमारास तो घरून निघून गेला होता. रविवारी दि.२९ ऑगस्ट रोजी सकाळी ६ वाजताच्या दरम्यान, गावानजीक असलेल्या विनोद चांदवडकर यांच्या शेतातील बंड्यात बळीरामचा मृतदेह दोरीने गळफास घेतलेल्या अवस्थेत आढळला. बळीरामने गळफास घेतल्याचे कळताच पोलीस पाटील बबन जोगी यांनी मारेगाव पोलीस स्टेशन ला  माहिती दिली. मारेगाव पोलीस घटनास्थळी दाखल झाले,घटनेचा पंचनामा करून मृत्यूदेह शवविछेदनासाठी पाठवला. आत्महत्येचे नेमकं कारण अद्याप असून रात्री ११ ते १२ दरम्यान, ही घटना घडली असावी असा कयास आहे. बळीराम यांच्या पाठीमागे पत्नी आणि मुलगा आहे.

तर...दुसरी घटना तालुक्यातील रामपूर येथील एका अविवाहित तरुणीने शुक्रवारी कीटकनाशक प्राशन करून आत्महत्येचा प्रयत्न केला होता. तरुणीला उपचारासाठी चंद्रपूर येथे हलवण्यात आले होते. मात्र, आज तिची प्राणज्योत मालवली. शिवानी महादेव रामपुरे (१९) असे मृत तरुणीचे नाव आहे. रामपूर येथील रहिवाशी होती. शिवाणीने शुक्रवार दि. २७ ऑगस्ट रोजी रात्रीच्या वेळेस विषारी कीटकनाशक प्राशन केले. ही घटना माहीत होताच घरच्यांनी शेजारच्यांच्या मदतीने तिला मारेगाव येथील ग्रामीण रुग्णालयात उपचारासाठी दाखल केले. मात्र, तरुणीची तब्येत चिंताजनक असल्याने तिला पुढील उपचारासाठी चंद्रपूर येथील जिल्हा रुग्णालयात दाखल करण्यात आले. परंतु आज उपचारादरम्यान तिचा मृत्यू झाला. शिवानीच्या मृत्यूचे नेमके कारण कळले नाही. 

मारेगाव तालुक्यात दर आठवड्यात सुमारे २ आत्महत्येच्या घटना उघडकीस येत आहे. मात्र, अद्यापही या गंभीर प्रश्नाकडे ना लोकप्रतिनिधींचे लक्ष आहे ना प्रशासनाचे.