रास्त धान्य दुकानदार मार्फत आधार लिंक करण्याचे आव्हान

चेतन पवार | सह्याद्री चौफेर 

दारव्हा : तालुक्यातील मा.सचिव,म.शा. अन्न नागरी पुरवठी व ग्राहक संरक्षण विभाग मुंबई याचे पत्र दिनांक 21/9/2022 अन्वये, ज्या शिधापत्रीका धारकांचे आधारसिडींग झालेले नाही (कुंटूबांतील सर्व सदस्याचे) अशा लाभार्थ्याचे 100 टक्के आधार सिडींग करावयाचे आहेत. यासाठी रास्तभाव धान्य दुकानदार यांचे कडील ई-पॉस (ekycव्दारे) मशीनवरुन ज्या लाभार्थ्यांनी आधार सिर्डींग केलेले नाही अशा लाभार्थ्यांचे आधार कार्ड जमा करुन घेवुन 100 टक्के आधारकार्ड रिडींग करावयाचे आहे. सदर आधार कार्ड रास्तभाव धान्य दुकानदारां मार्फत ई-पॉस मशीनव्दारे करणे बाबतची कार्यवाही पुर्ण करावयाची आहे. यासाठी अश्या सर्व शिधापत्रीका धारकांनी बुधवार दिनांक 28/09/2022 व गुरुवार दिनांक 29/9/2022 रोजी आपल्या गावातील रास्तभाव धान्य दुकानदार यांचे कडे स्वतः जाऊन आपला आधार कार्ड क्रमांक ई-पॉस मशीनवर अंगठा लावून ekyc व्दारे समाविष्ट करून घेणे अनिवार्य आहे. त्यामुळे सर्व शिधापत्रीका धारकांना आवाहन करण्यात येत आहे. की शिधापत्रीकेमधील ज्या सदस्याचे आधार सीडिंग झालेले नाही अशा सर्व सदस्याचे आधार कार्ड सिडींग करुन घ्यावे.

आजपासून जैताई मंदिर येथे नवरात्री उत्सव व विविध कार्यक्रम

कुमार अमोल | सह्याद्री चौफेर 

वणी : शहरात विविध प्रकारच्या सुश्राव्य कार्यक्रमांच्या आयोजनासाठी जैताई देवस्थान विदर्भात विख्यात आहे. जैताई माता मनोकामना पूर्ण करते असा अनेक भक्तांचा अनुभव आहे.

अश्विन व चैत्र नवरात्रातील या मंदिरातील कार्यक्रम विशेष उल्लेखनीय असतात. या वर्षी दि. 26 सप्टेंबर ते 5 ऑक्टोबर पर्यंत मंदिरात किर्तन, जागरण, भाषण, संगीत,  इत्यादी कार्यक्रम आयोजित आहेत. आज दि. 26 ला मुकुंदबुवा देवरस यांचे किर्तन, दि.27 व 28 ला अनुक्रमे डॉ. उत्तम रूद्रवार व प्रकाश एदलाबादकर यांची पसायदान व संत मुक्ताबाई या विषयावर व्याख्याने आणि 29 तारखेला पांढरकवडा येथील स्वरसाधना प्रस्तुत सुश्राव्य सुगम संगीताचा कार्यक्रम आयोजित करण्यात आला आहे.

व्याख्यानांच्या कार्यक्रमांचे प्रायोजक विदर्भ साहित्य संघ व नगर वाचनालय या संस्था आहेत. उल्लेखनीय म्हणजे देवरस यांचे किर्तन जैताई देवस्थानचे प्रथम पुजारी स्व. साधुबुवा संताने यांच्या स्मरणार्थ आयोजित असून त्यांच्या छायाचित्राचे अनावरणही या प्रसंगी होणार आहे. दि. 2 ऑक्टोबर ला अरुणा सबाने यांना डॉ. गिरीश गांधी यांच्या हस्ते जैताई मात्रुगौरव पुरस्कार प्रदान केला जाणार आहे. दि.3 ऑक्टोबर ला विजयबाबू चोरडिया प्रायोजित कोमल निनावे, नागपूर प्रस्तुत जागरण कार्यक्रम रंगणार आहे.

सर्व कार्यक्रमांसाठी वेळ रात्री 8 वाजताची आहे. रोज सायंकाळी 6.30 वाजता सामुहिक आरतीचा कार्यक्रम राहणार आहे. या सर्व कार्यक्रमांना बंधु भगिनींनी उपस्थित राहावे अशी विनंती येथील आयोजकांनी केली आहे.

मा. आयुक्त कृषि यांची प्रक्षेत्र भेट

रुस्तम शेख | सह्याद्री चौफेर 

कळंब : मा. आयुक्त कृषि. श्री. धीरजकुमार यांनी दिनांक 24/09/2022 ला कळंब तालुक्यातील गलमगाव येथे नानाजी देशमुख कृषी संजीवनी प्रकल्प पोक्रा योजने अंतर्गत भूमिपुत्र शेतकरी गट यांनी घेतलेल्या औजार बँकेस भेट दिली. गटाचे अध्यक्ष प्रशांत तेलंग यांचेकडुन माहिती घेतली. त्यानंतर शेतक-यांच्या समस्या जाणून घेतल्या.

पोक्रा अंतर्गत विहिरीचा लाभ घेतलेले मानकापुर येथील शेतकरी संघपाल भगत यांच्या शेतात भेट दीली. यानंतर महीला फार्मर प्रोड्युसर कंपनीनी कृषि ऊत्तपन्न बाजार परिसरात उभारलेल्या शेतमाल क्लीनींग व ग्रेडिंग युनिटला भेट दिली. कंपनीच्या अध्यक्ष अर्चना ताई भोयर उपाध्यक्षा भीसेताई. शारदताई पिसे सरलाताई झोड व अन्य महीला संचालक यांचेशी चर्चा केली. कंपनी च्या बाळासाहेब ठाकरे ग्रामीण परिवर्तन मिशन स्मार्ट योजने अंतर्गत मंजुर दालमील व गोदाम बाबत व पुढील योजनेचे सादरीकरण ऊमेदचे विनोद मस्करे यांनी केले. पोक्रा योजने अंतर्गत लाभ दीलेल्या सौ. निशा भिमराव जाधव यांच्या रेशीम उद्योगास भेट दीली. भिमराव जाधव यांचेकडुन माहिती घेतली व समस्या जाणून घेतल्या. शेवटी अंकुश बगमारे मौजे बेलोन यांच्या शेडनेट व फुल शेतीस भेट दीली. व ऊच्च दर्जाचे व निर्यातक्षम फुल शेती निर्माण करण्याचे मार्गदर्शन केले.

सदर दौ-याचे नियोजन व मार्गदर्शन विभागीय कृषी सह संचालक श्री. किसन मुळे. जिल्हा अधिक्षक कृषि अधिकारी नवनाथ कोळपकर व उप विभागीय कृषी अधिकारी यवतमाळ अमोल जोशी यांनी केले. यावेळी तालुका कृषी अधिकारी शुभ्रकांत भगत. व कृषी सहायक, कृषी पर्यवेक्षक हजर होते.

चंद्रपूर-गडचिरोली राष्ट्रीय महामार्गावरील त्या नदीजवळ चारचाकीने दुचाकी स्वारास उडविले

उमेश गोलेपल्लीवार | सह्याद्री चौफेर 

सावली : चंद्रपूर-गडचिरोली राष्ट्रीय महामार्गावरील सावलीपासून पाच किमी अंतरावर असलेल्या चिमडा नदीच्या पुलाजवळ दुचाकी व चार चाकी मध्ये भीषण अपघात होऊन त्यात दुचाकी स्वाराचा जागीच मृत्यू झाल्याची घटना आज दिनांक 25 ला सायंकाळी 7.30 च्या सुमारास घडली आहे.

सावली तालुक्यातील रुद्रापूर येथील शुभम नीलकंठ नरुले (वय 22) असे या अपघातात ठार झालेल्या युवकाचे नाव असल्याचे कळले आहे. तो मूल वरुन सावली कडे येत असतानाच गडचिरोली वरुन चंद्रपूर कडे जाणाऱ्या चार चाकी शिफ्ट गाडीने त्याला उडविले. यात त्याचा जागीच मृत्यू झाला असून सदर घटनेची माहिती पोलिसांना देण्यात आली असून पुढील तपास सुरु आहे.

वणी विधानसभा क्षेत्राचे मा. आमदार संजिवरेड्डी बोदकुरवार यांना वाढदिवसाच्या हार्दिक शुभेच्छा

सह्याद्री चौफेर | न्यूज 

मारेगाव : वणी, मारेगाव व झरी विधानसभा क्षेत्राचे लोकप्रिय व लाडके आमदार संजिवरेड्डी बोदकुरवार यांना वाढदिवसाच्या खूप खूप शुभेच्छा ! वणी, मारेगाव व झरी या तीनही तालुक्यातील विकासकामांकरिता पुरेपूर निधी खेचून आणणारे व या तीनही तालुक्यांचा चेहरा मोहरा बदलविण्यात सिंहाचा वाटा असलेले धडाडीचे आमदार मा. संजिवरेड्डी बोदकुरवार यांना त्यांच्या वाढदिवसानिमित्त उदंड आयुष्याच्या अनंत शुभेच्छा.. !

शुभेच्छुक :- मित्र परिवार मारेगाव तालुका