सह्याद्री चौफेर | वृत्तसंस्था
वणी : होऊ घातलेल्या चंद्रपूर लोकसभा निवडणूकीचा प्रचाराला सुरुवात झाली असून काल वनोजा देवी (ता. मारेगाव) येथील प्रसिद्ध मंदिर जनामाय कासामाय येथे काँग्रेस चे अधिकृत उमेदवार प्रतिभा धानोरकर यांच्या प्रचाराचे नारळ फोडले. यावेळी असंख्य कार्यकर्त्ते उपस्थित होते.
चंद्रपूर,वणी,आर्णी या लोकसभा मतदारसंघात तिरंगी लढत होईल असा राजकीय जाणकारांचा अंदाज आहे. काँग्रेसकडून प्रतिभा धानोरकर, भाजपाचे सुधीर मुनगंटीवार तर वंचित कडून राजेश बेले निवडणूक रिंगणात आहेत. आज 4 एप्रिल रोजी रंगनाथ स्वामी मंदिर येथील प्रचाराचा श्रीगणेशा संपन्न झाला, यावेळी कार्यक्रमात काँग्रेसचे पदाधिकारी, महिला पदाधिकारी व कार्यकर्ते यांच्यासह विविध आघाडी पक्षातील प्रमुख नेते मोठ्या संख्येने उपस्थित होते.
कालपासून खऱ्या अर्थाने प्रचाराला सुरुवात झाली असून ग्रामीण भागासह वणी शहरातील जत्रा मैदान परिसरात असेलेले रंगनाथ स्वामी मंदिर येथे पूजा झाली. त्यानंतर या भागातील नागरिकांपर्यंत प्रचार पोहचला, दरम्यान इंडिया आघाडी च्या प्रचाराला सर्वसामान्यांचा चांगला प्रतिसाद मिळत आहे. त्यामुळे ही निवडणूक चूरशीची लढत होणार आहे. हे निश्चित!