सह्याद्री चौफेर | वृत्तसंस्था
वणी : शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या मार्गदर्शनाने शिवसेना नेते, युवासेना प्रमुख आदित्य ठाकरे यांनी यवतमाळ जिल्ह्यातील युवासेना पदाधिकाऱ्यांच्या नियुक्त्या केल्या आहेत, अशी माहिती पक्षाच्या मध्यवर्ती कार्यालयातून प्रसिद्धीस दिलेल्या पत्रकाद्वारे कळविण्यात आली आहे,त्यात वणी तालुक्यातील कट्टर युवा शिवसैनिकांचा समावेश आहे.
आगामी निवडणुका लक्षात घेता विविध पक्ष कामाला लागले असुन शिवसेना उबाठा गटाने सुद्धा पदाधिकारी नेमणूक व पक्ष मजबुतीकडे लक्ष देणे सुरू केल्याचे वणी विधानसभेत दिसत आहे. यात सलग चौथ्यांदा युवासेना उपजिल्हा प्रमुख पदी अजिंक्य शेंडे, धडाकेबाज अंदाजाने चर्चेत असलेले विधानसभा समन्वयक पदी आयुष ठाकरे (वणी विधानसभा) तर युवासेना वणी तालुका प्रमुख पदी प्रवीण डोहे यांची नियुक्ती करण्यात आली आहे.
पक्ष संघटना मजबुत करण्यासाठी पदाधिकारी प्रयत्नशिल राहतील या उद्देशाने ही नियुक्ती करण्यात आली असुन, भविष्यात होणाऱ्या निवडणुकीकरिता याचा निश्चितच फायदा होणार असल्याचे दिसत आहे.