सह्याद्री चौफेर | ऑनलाईन
वणी : शासनाच्या विविध समाज उपयोगी योजनांपैकी प्रधानमंत्री सुरक्षा विमा योजना ज्या मध्ये खातेदारचा अपघाती मृत्यू झाल्यास दोन लाख पर्यंत विमा सुरक्षा आहे त्या करिता खातेदाराचे वय 18 ते 70 असणे आवश्यक आहे व त्या करिता दरवर्षी मात्र 20 रुपये हफ्ता भरावा लागतो तसेच ज्या खायदाराचे वय 18 ते 50 आहे त्या करिता प्रधानमंत्री जीवन ज्योती विमा योजना असून या मध्ये वर्षाला 436 रुपये विमा हफ्ता भरावा लागतो यात खाते धारकांचा नैसर्गिक मृत्यू झाल्यास दोन लाखाचा सुरक्षा कवच उपलब्ध आहे.
वरील दोन्ही योजना केंद्र शासनाच्या असून विदर्भ कोकण ग्रामीण बँक शाखा वणी मार्फत त्या युद्ध पातळीवर राबवण्यात येत असून जास्तीत जास्त खातेदारांचा विमा काढण्यात आला आहे. ज्या खातेदारकांचा विमा अद्याप काढण्यात आला नाही त्यांनी शाखेत येऊन या योजनेचा लाभ घेण्याचे आवाहन शाखा प्रबंधक श्री. अभिजीत ओळंबे यांनी केले आहे.
विदर्भ कोकण ग्रामीण बँक शाखा वणी येथील खातेदार कविता मारोती भगत यांचा नैसर्गिक मृत्यू झाल्याने त्यांचे वारस मारोती दौलत भगत यांना व सुशीला शंकर बोबडे यांचा मृत्यू झाल्याने त्यांचे वारस गणेश शंकर बोबडे यांना व इतर अनेक कुटुंबाला प्रधानमंत्री जीवन ज्योती विमा योजने अंतर्गत लाभ प्राप्त झाला असून विदर्भ कोकण ग्रामीण बँक शाखा प्रबंधकांच्या हस्ते प्रत्येकी दोन लाख रुपयांचे वाटप करण्यात आले. तसेच या योजनेचा लाभ ग्रामीण भागातील जास्तीत जास्त खातेदारांनी घेण्याचे आवाहन बँक कर्मचाऱ्यांकडून करण्यात आले आहे. यावेळी शाखा प्रबंधक श्री. अभिजीत ओळंबे, बँक मित्र श्री. विजय लाडे, तसेच बँकेचे इतर सर्व कर्मचारी उपस्थित होते.
