सह्याद्री चौफेर | कुमार अमोल
मारेगाव : तालुक्यातील विविध समस्या ह्या प्रशासकीय स्तरावर मार्गी लावण्यासाठी काँग्रेसचे तालुका अध्यक्ष मारोती गौरकार, माजी पं स सदस्य अरविंद वखनोर उपसरपंच प्रफुल विखणकर व मिलिंद मांगूळ यांच्या नेतृत्वात राष्ट्रसंताच्या भजनाने अनोखे बेमुदत आमरण उपोषण सुरु करण्यात आले होते.
दोन दिवस स्थानिक प्रशासन उपोषणाकडे फिरकले नाहीत. मात्र, तिसऱ्या दिवशी खासदार बाळू धानोरकर यांच्या मदतीने सर्व मागण्यावर तोडगा निघाला. यावेळी तहसीलदार व मान्यवराच्या हस्ते उपोषणकर्ते मारोती गौरकार यांना लिंबू पाणी पाजून उपोषण सोडण्यात आले. त्यानंतर राष्ट्रसंताच्या भजनाने उपोषणाची सांगता झाली, दरम्यान राष्ट्रसंताच्या भाजनांनी सभा मंडप गाजला हे विशेष!
तालुक्यातील शेतकऱ्यासह सामान्य नागरिकांच्या विविध समस्या शासकीय स्तरावर प्रलंबित असताना प्रशासकीय अधिकारी व कर्मचारी नागरिकांच्या या प्रश्नाकडे डोळेझाक करते, हा सर्वसामान्यांचा अनुभव! असाच काहीसा अनुभव राजकीय पक्षांना सुद्धा येत आहे. त्यामुळे तालुक्याला विविध प्रश्नांनी ग्रासले असल्याने काँग्रेस पक्षातर्फे वारंवार निवेदन, विनंती करूनही प्रशासन दखल घेत नसल्याने तालुका काँग्रेस कमिटीच्या वतीने आमरण उपोषण करण्याचा ईशारा दिला होता. यात विजेचा प्रश्न, सिंचन प्रश्न, ग्रामीण रस्त्याची दयनीय अवस्था, अतिवृष्टी अनुदान, महात्मा ज्योतिबा फुले प्रोत्साहन अनुदान, पिक विमा, वन्य प्राण्याचा धुडगूस आदी मागण्या मान्य होत नसल्याने त्यांनी १ डिसेंबर पासून आमरण उपोषणाचे हत्यार उपसले होते.
दोन दिवस प्रशासनाने या उपोषणाकडे डोळेझाक केली. अखेर खासदार बाळू धानोरकर यांनी या उपोषणाची दखल घेत आज ३ डिसेंबर रोजी सकाळी नऊ वाजताच्या दरम्यान, उपोषण मंडपाला भेट दिली. भेट देतात सर्वच विभागातील अधिकाऱ्यांचा फौज फाटा तात्काळ दाखल झाला. खासदार बाळू धानोरकर यांनी सर्वच विभागाच्या स्थानिक व वरिष्ठ अधिकाऱ्यांशी चर्चा करून तात्काळ प्रश्न सोडविण्याचे आश्वासन उपोषणकर्त्यांना दिले. यावेळी तहसीलदार दिपक पुंडे, वीज वितरण चे उपकार्यकारी अभियंता पाटील, तालुका कृषी अधिकारी सुनील निकाळजे, वन अधिकारी शंकर हटकर सह आदी अधिकारी उपस्थित होते.
मारोती गौरकार, प्रफुल विखणकर व मिलिंद पांगुळ यांच्या आमरण उपोषणाला कृषी उत्पन्न बाजार समिती सभापती नरेंद्र ठाकरे, माजी जिल्हा परिषद सदस्य अरुणाताई खंडाळकर, शंकरराव मडावी, सह आदी शेतकरी सहभागी झाले होते.
या प्रसंगी उपोषणकर्ते यांनी पक्षाचे पदाधिकारी कार्यकर्ते, विविध सामाजिक कार्यकर्त्यांचा पाठिंबा दिल्या बद्दल व शेतकरी नागरिकांचे आभार मानले. यावेळी प्रमोद वासेकर, संजय खाडे, वंदनाताई आवारी, टिकाराम कोंगरे, माजी सभापती कुत्तरमारे, शरीफ कुुरेशी, नंदू आसूटकर, शकुंतला वैद्य, सध्याताई खांदलकर, वसंत जिनिंग संचालक गजानन खापणे, वसंतराव आसूटकर, अशोक धोबे, संतोष थेरे, सुदर्शन टेकाम, समीर भाई, यादवराव पांडे, यादवराव काळे, आदी उपस्थित होते.
