लखन लोंढे | सह्याद्री चौफेर
महागांव : भारतीय जनता पार्टी महिला आघाडीच्या तालुका सचिव तबसूम निसार बेग यांचं अल्पशा आजाराने काल सायंकाळी नांदेडच्या खासगी रुग्णालयात दु:खद निधन झाले. त्या आपल्या मधून निघून गेल्या आहेत यावर कोणाचा विश्वास बसणार नाही, परंतु हे वास्तव शेवटी भारतीय जनता पार्टीला स्वीकारावं लागत आहे. चार दिवसांपूर्वीच त्यांना ताप आला होता. ताप अंगामध्ये तसाच राहुन दुर्लक्ष झाल्यामुळे तापाचे रूपांतर 'हेपेटाइटिस-बी' मध्ये झाल्याने त्यांना सावरता आले नाही. जेमतेम परिस्थिती मधून त्यांनी आपला संसार चालवत असतांना भारतीय जनता पार्टी साठी पूर्ण वेळ कार्यकर्त्या म्हणून सातत्याने योगदान देत राहिल्या. नांदेड येथे खाजगी रुग्णालयात त्यांच्यावर उपचार सुरू होते. भाजपचे जिल्हाध्यक्ष नितीन भाऊ भुतडा आणि आमदार नामदेव ससाने यांनी डॉक्टरांशी बोलून, होणाऱ्या बिलाची काळजी न करता शर्तीचे उपचार करायला लावले होते. मात्र डाॅक्टरांना यश आले नाही. दि.28 सप्टेंबर रोजी सायंकाळी नांदेड येथे उपचारादरम्यान त्यांचा मृत्यू झाल्याची वार्ता डॉक्टरांनी कळवली आहे. तबसूम बेग यांच्या पश्चात दोन मुले पती व बराच आप्त परिवार आहे.
तबसुम बेग ह्या भाजपा च्या दिर्घकाळ स्मरणात राहतील. भारतीय जनता पार्टी महागांव च्या वतीने त्यांना भावपूर्ण श्रध्दांजली.
