सह्याद्री चौफेर | वृत्तसंस्था
दहावीचे वर्ष प्रत्येक विद्यार्थ्यांसाठी महत्त्वपूर्ण असते. या परीक्षेच्या निकालावर विद्यार्थ्यांचे भविष्य अवलंबून असते. उद्यापासून दहावीच्या बोर्डाच्या परीक्षेला सुरुवात होत आहे. म्हणजेच इयत्ता दहावीच्या परीक्षा 2 मार्चपासून सुरू होत आहे. उद्या पहिला पेपर मराठी या विषयाचा आहे. हि परीक्षा 2 मार्च ते 25 मार्च या कालावधीत पार पडणार आहेत.
मात्र विद्यार्थ्यांनी अतिदक्षता म्हणून अद्यापही पेपरचे वेळेपत्रक डाउनलोड केले नसेल तर https://bit.ly/3Y6Inj3 या वेबसाईटवर जाऊन वेळापत्रक डाउनलोड करू शकता.
यंदाची दहावीची परीक्षा कॉपीमुक्त होण्यासाठी शिक्षण मंडळ अलर्ट मोडवर आहे. कॉपीमुक्त परीक्षा या मोहिमेअंतर्गत दहावी आणि बारावीच्या बोर्डाच्या परीक्षेच्या काळात परीक्षा केंद्राच्या 50 मीटरच्या परिसरातील झेरॉक्सची दुकाने बंद ठेवण्याचे आदेश देण्यात आले आहेत. याशिवाय गैरप्रकार घडू नये म्हणून केंद्रांभोवती पोलिस बंदोबस्त वाढवण्यात येणार आहे.