सह्याद्री चौफेर | वृत्तसंस्था
मारेगाव : तालुक्यात काही विकास कामे सुरू आहेत. पण चालू असलेल्या विकासकामावर कामाबाबतच्या माहिती फलकाचा अभाव आहे.
सरकारी कोणतेही विकास कामे असो त्या कामाच्या स्थळी कामाबाबत माहितीचे फलक असणे जरुरी आहे, पण असे फलक न लावताच विकास कामे सुरु आहे त्यामुळे ती कामे ठरलेल्या दर्जात होत आहे की नाही हे जाणून घेणे कठीण झाले आहेत.
मागील तीन वर्षांपासून तालुक्यातील मार्डी,मच्छिन्द्रा, नांदेपेरा पूर्णतःवास असून मार्डी-मारेगाव या मार्गाचे मजबुतीकरण रुंदीकरणचे काम सुरू आहे पण या कामाची अंमलबजावणी यंत्रणा कोणती आहे, काम करणारी एजन्सी कोणती आहे, सदर कामाची किंमत किती व किती दिवसात दिवसात पूर्ण करण्यात येईल व कामाबाबत तक्रार असल्यास ती कोणाकडे करावी,कामाचे स्वरूप आदी काही आणखी काही अन्य माहिती दर्शविणारे माहिती फलक कामाच्या स्थळी असणे आवश्यक आहे. पण या कामासह अन्यही कामावर माहिती फलक नाहीत.
चालू कामाच्या ठिकाणी परप्रांतीय मनुष्यबळ असते त्यांचेकडून कामाबाबत माहिती मिळत नाही, त्यामुळे अनेकदा निकृष्ठ दर्जाचे होत असलेल्या कामाबाबत तक्रार करणे कठीण झाले आहे,त्यामुळे विकास काम कोणतेही असो त्या कामाच्या शुभारंभाप्रसंगी पाहिले माहिती दर्शवणारे फलक लावल्या जावे.