वणी : येथील भूमिअभिलेख कार्यलयात कार्यरत असलेले भुमापक हे लाच स्वीकारताना एसीबीच्या जाळ्यात अडकला. ही कार्यवाही रविवार दि.26 फेब्रुवारी रोजी 5 वाजताचे दरम्यान रंगेहात पकडून त्याला अटक करण्यात आली.
वणी येथील भूमिअभिलेख येथे के एम कवडे नामक हे भुमापक म्हणून कार्यरत होते, त्यांनी एका शेतकऱ्याला मोजणी साठी बारा हजाराची मागणी केली होती. मात्र, शेतकऱ्याने नियमानुसार सर्व पूर्तता केली. परंतु कवडे वारंवार मोजणीत त्रुटी काढुन मोजणी शीट देण्याचे टाळत होते. दरम्यान,मोजणीसाठी बारा हजार रुपयाची मागणी केली. तडजोडअंती दहा हजार रुपये देण्याचं ठरल्यानंतर शेतकऱ्याने भुमापकाला पैसे न देता यवतमाळ लाचलुचपत प्रतिबंधक विभाग कार्यालयात तक्रार दिली.
काल रविवारी मोजणीसाठी कवडे शेतात (पुरड) जावून आले व एका हॉटेल मध्ये ठरल्याप्रमाणे कबूली लाच घेण्यासाठी बसले असता, लाचलुचपत प्रतिबंधक विभाग (ACB) च्या अधिकाऱ्यांनी सापळा रचून भुमापक कवडे यांना दहा हजार रुपयाची लाच स्वीकारताना रंगेहात पकडले. या कारवाईने वणी उपविभागात चांगलीच खळबळ उडाली आहे.