सह्याद्री चौफेर | वृत्तसंस्था
वणी : कोणत्याही निवडणुका म्हटलं की उमेदवार, मतदार, प्रचार असे त्रिकुट असते,हे वेगळं सांगायची गरज नसून सर्वांना ठाऊकच आहे. निवडणुकांचा बिगुल वाजला की, मौसमी वाऱ्या सारखे प्रचार वारे बेधुंद सर्वत्र सुरु होतात.
असेच चंद्रपूर लोकसभा निवडणूक २०२४ च्या अनुषंगाने निवडणूक प्रचाराचे वारे सुरु झाले आहेत. यात सभा बैठक, भेटीगाठी,कॉर्नर सभा आणि पक्षातील प्रामुख्याने नेते मंडळीच्या सभा होताना दिसत आहे. मात्र, "कही खुशी कही गम" अशी आतापर्यंत झालेल्या नेत्यांच्या सभांची चर्चा ऐकायला मिळत होती. परंतु सोशल मीडियात वेगळंच वातावरण तापले गेलं आहे.
प्रचार म्हटलं की थेट मतदारांचा संबंध येतोय यावर न बोललेलं बरं. पारंपरिक ऐवजी डिजिटल माध्यमावर भर दिसत असला तरी मात्र, सध्या मनोरंजनात्मक 'रिल्स' सोशल प्रचारक गावोगावी जाऊन मत आणि उमेदवार जाणून घेण्यासाठी 'धडपड' सुरु आहेत. यामुळे मतदार संभ्रमात पडत असल्याचे चर्चा जोर धरत आहे. मतदार हा मतदान "गुप्त दान" करित असतो, असं तो कोणीही येइल आणि सांगून टाकतो, असं कधी होत नाही हे सर्वश्रुत आहे. सध्या अशा सोशल माध्यमातून "रिअल नाही "रिल्स" प्रचार जोमात आहे. परंतु मतदारात 'आगे की सोच' जरा वेगळीच आहे असेही प्रत्यक्ष अप्रत्यक्ष नागरिकांतून बोलल्या जात आहे. तुमचा आमचा कौल कुणाकडे वैगेरे, काहीही आता सांगता येत नाही. परंतु प्रसिद्धी,मनोरंजनाचा भाग म्हणून लोकही मजा घेत आहे.
हा.. की तो... अशी "इंटर्टेनमेंट" करणारी आभासी यंत्रणेच्या शहरी ग्रामीण भटकंतीने ज्यांची जमेची बाजू आज सांगितलंय जातं, ती उद्याही कदाचित बदलूही शकते. तूर्तास अशा "रिल्स"चा मजा आनंद वणी विधानसभा क्षेत्रातील लोकं मोठ्या चालाखीने लुटत आहे.