सह्याद्री चौफेर | वृत्तसंस्था
मारेगाव : आज दि.19 फेब्रुवारी 2024 ला महागाव येथे हिंदवी स्वराज्याचे संस्थापक, रयतेचे राजे छत्रपती शिवाजी महाराज यांची जयंती मोठ्या उत्सहात साजरी करण्यात आली.
आज देशभरात 'शिवजयंती' हर्ष उल्हासात साजरी होत असताना तालुक्यातील महागांव ह्या छोट्याश्या गावात अतिशय थाटात अखंड हिंदुस्थानचे आराध्यदैवत श्रीमंत छत्रपती शिवाजी महाराज यांची जयंती साजरी करण्यात आली. या जयंतीनिमित्ताने उपसरपंच अविनाश भाऊ लांबट यांच्या हस्ते महाराजांच्या तैलचित्राचे अनावरण करण्यात आले. यावेळी महीला पुरुष आणि ज्येष्ठ नागरिक उपस्थित होते.
या प्रसंगी बोलताना उपसरपंच अविनाश लांबट यांनी ह्या पुढे महाराजांची जयंती थाटात साजरी करावी व छत्रपती शिवाजी महाराजांच्या विचारांनी चालावे, असे मत व्यक्त केले. पुढे बोलताना ते म्हणाले की, सर्वांनी भेदभाव विसरून एकत्रित राहावे, गावासाठी कुठलीही मदत लागली, तर मी तत्पर आहो, अशी त्यांनी ग्वाही यावेळी दिली. या कार्यक्रमाचे प्रास्ताविक व आभार प्रदर्शन पवन मिलमिले यांनी केले.
