सह्याद्री चौफेर | विवेक तोडासे
मारेगाव : शहराच्या हाकेच्या अंतरावर असलेल्या राज्य महामार्गांवरील एका बार समोर अल्टो कार व माल वाहतूक ट्रकची जबर धडक झाली. यात एक गंभीर जखमी असून कारचा दर्शनी भाग चक्काचूर झाला. ही भीषण घटना आज 25 मार्च,शनिवारला दुपारी 5 वाजताच्या दरम्यान,घडली असल्याचा कयास आहे.
तालुक्यातील सालेभट्टी ची घटना ताजी असतांना आज शनिवारी पुन्हा अल्टो कार क्र. एमएच-34- एए-9445 आणि माल वाहतूक ट्रक क्र. एम एच 16 सी सी 5252 ची जबर धडक होऊन अपघात झाला. या घटनेत कारचालक गंभीर जखमी झाला असून त्याला उपचारासाठी मारेगाव ग्रामीण रूग्णालयात पाठविण्यात आले. दरम्यान, ट्रकचालकाने घटनास्थळावरून पोबारा केला असल्याचे समजते.
अपघातातील कार चालक शुभम गोलर रा. वणी हा जखमी झाला असून त्यास मारेगाव ग्रामीण रूग्णालयात उपचारासाठी पाठवण्यात आले. ही धडक समोरासमोर दिल्याने कार चालक गंभीर जंखमी असून घटनेची माहिती नागरिकांना मिळताच नागरीकांनी घटनास्थळी एकच गर्दी केली होती.