सह्याद्री चौफेर | विवेक तोडासे
मारेगाव : मारेगाव शहरातील मुख्य हायवे मार्गांवर उभारलेले यवतमाळ जिल्हा पोलिस कल्याण शाखा अंतर्गत बि.पी.सी.एल. (BPCL) कंपनीचे पेट्रोल पंप द्वारे आता वाहन धारकांना शहरातच पेट्रोल, डिझेलची सेवा मिळणार आहे. 'पोलिस वेलफेअर पेट्रोलियम'चे नव्याने उभारण्यात आलेल्या पेट्रोल पंपाचे उदघाटन आज 23 फेब्रुवारी 2023 रोज गुरुवारला सकाळी 10.30 वाजता सुसंपन्न होणार आहे.
मारेगाव पोलीस स्टेशनच्या अगदी बाजूला उभारण्यात आलेल्या या पेट्रोल पंपाचे उदघाटन महाराष्ट्र राज्याचे अन्न औषधी प्रशासन तथा पालकमंत्री मा.ना.संजय राठोड यांचे हस्ते होणार आहे. मा. खा.बाळू धानोरकर, मा.आमदार संजीवरेड्डी बोदकूरवार, अमरावती परिक्षेत्र विशेष पोलिस महानिरीक्षक जयंत नाईकनवरे, प्रादेशिक प्रबंधक (BPCL) निलेश वायचल हे प्रमुख अतिथी आहे.
या उदघाटन शुभारंभाच्या अनुषंगाने जिल्हा पोलिस अधिक्षक डॉ. पवन बनसोड, अप्पर पोलीस अधिक्षक पियुष जगताप, उपविभागीय पोलिस अधिकारी संजय पुज्जलवार, पोलीस निरीक्षक राजेश पुरी यांचीही यावेळी उपस्थिती असणार आहे.
सदरील उदघाटन शुभारंभास सर्व शहरवासियांनी उपस्थित राहावे असे, आवाहन मारेगाव पोलीस स्टेशन च्या वतीने केले आहे.
