सह्याद्री चौफेर | कुमार अमोल
आज रविवारला सकाळी 9.30 वाजता भारतरत्न डॉ.बाबासाहेब आंबेडकर यांच्या पुतळ्याला अभिवादन करण्यात आले. व सकाळी 10.30 वाजता धम्मराजीका बुद्ध विहार येथे सामूहिक बुद्ध वंदना. तसेच सकाळी 11.30 वाजता आंबेडकर मार्चचे प्रणेते तथा प्रसिद्ध आंबेडकरी साहित्यिक व लेखक रमेशजी जीवने यवतमाळ यांनी वर्तमान, राजकीय, लोकशाही, भारतीय राज्यघटना व धम्मक्रांती या विषयावर जाहीर व्याख्यान झाले.
या अनुषंगाने काढण्यात आलेल्या रॅली ने शहरवासियांचे लक्ष वेधले. 4 डिसेंबर 2022 रोजी येथील कला, वाणिज्य व विज्ञान महाविद्यालयात घेण्यात आलेल्या 'संविधान गौरव दिन' परीक्षेचा निकाल आज दि.1 जानेवारी 2023 ला जाहीर करण्यात आला. यात 'अ' गटातून कु.तनुष्का वेणुशाम बाभळे तर 'ब' गटातून कु. खुशी प्रशांत सपाट या दोन्ही विद्यार्थ्यांनी तालुक्यातून प्रथम बहुमान पटकाविला.
तालुक्यातील एकुण 451 विद्यार्थ्यांनी ही परीक्षा दिली. या परीक्षेत 'अ' गटातून जि.प.उ.प्रा. शाळा कोसारा येथील विद्यार्थ्यांनी कु. तनुष्का वेणुशाम बाभळे ही प्रथम तर पियुष रुपेश्वर बाभळे हा द्वितीय तर आदर्श हायस्कूल मारेगाव येथील कु. श्रुष्टी वसुमित्र वनकर हिने तृतीय क्रमांक पटकाविला.
तसेच 'ब' गटातून दर्शन भारती विद्यालय गोंडबुरांडा येथील विद्यार्थीनी कु. खुशी प्रशांत सपाट ही सर्वाधिक गुण प्राप्त करुन प्रथम क्रमांक पटकाविला तर आदर्श हायस्कूल मारेगाव येथील कु. श्रुष्टी सुर ही द्वितीय तर युगांतर आश्रम शाळा येथील प्रथम अशोक पेंदोर हा तृतीय आला. या सर्व विद्यार्थ्यांना उपस्थित मान्यवरांच्या हस्ते रोख बक्षिस, भारतीय संविधान प्रत, प्रमाणपत्रसह गौरव चिन्ह देवुन त्यांचा सन्मान करण्यात आला.
